1. Die Departement van Basiese Onderwys het 'n Nasionale Katalogus (Bylae A) van Folklorebloemlesings vir skole vrygestel wat graag gedurende 2015 folklore as 'n genre in Xhosa-, Sotho- en Tswana-huistale in graad 12 wil aanbied.
2. Skole wat Folklore as 'n genre in 2015 vir Huistale: Xhosa, Sotho en Tswana kies, word versoek om afdeling A van Bylae B, te voltooi. Skole wat nie Folklore as 'n genre in graad 12 in 2015 gaan aanbied nie, moet afdeling B van Bylae B voltooi.
3. Die Wes-Kaap Onderwysdepartement (WKOD) sal die aankoop van handboeke vir Folklore-huistale vir skole befonds wat hierdie genre in graad 12 vir 2015 kies.
4. Skole kan die huidige graad 11-leerdertotaal plus 5% as 'n aanwyser gebruik vir die aantal leerders vir graad 12 in 2015.
5. Kontak mnr Zandre Kleinschmidt by 021 467 2204 of e-pos: Zandre.Kleinschmidt@westerncape.gov.za, vir hulp met die verwagde leerdertotale vir 2015.
6. Ten einde te verseker dat hierdie boeke skole teen 30 Oktober 2014 bereik, moet skole die voltooide Bylae B aan die Leer- en onderrigondersteuningsmateriaal (LOOM)-kantoor e-pos by ltsmprojects@westerncape.gov.za, of faks die voltooide Bylae B aan Zandre Kleinschmidt by 086 771 4686 teen 23 Mei 2014.
7. Druk asseblief kopieë van die Nasionale Katalogus (Bylae A) en bring dit, sowel as die inhoud van hierdie omsendbrief, onder die aandag van alle betrokke personeel.


GETEKEN: M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:05:15

Bylae A: "Grade 12 National Folklore Catalogue"  (grootte: 25 KB)
Bylae B  (grootte: 59 KB)