| 1. |
Hierdie omsendbrief vervang alle vorige omsendbriewe vir Vroeëkindontwikkeling (VKO)-sake. |
| 2. |
Verhoging in per capita subsidie |
| 2.1 |
Goedkeuring is verleen vir die toename in per capita subsidie vir leerders in goedgekeurde graad R-klasse by gewone openbare skole en onafhanklike VKOskole met ingang van 1 April 2014. |
| 2.2 |
Die per capita-subsidie per leerder per dag is soos volg verhoog:
Geenskoolgeldskole: Gewone Openbare Skole
(NK 1, 2, 3 en geselekteerde NK 4 en 5 skole)
R24.00 per dag x 200 skooldae = R4800 per leerder per jaar
Skoolgeldskole: Openbare skole en onafhanklike VKO-skole
Skoolgelde wat R400.00 per jaar oortollig is)
NK 4 = R18.00 per dag x 200 skooldae = R3600 per leerder per jaar
NK 5 = R17.00 per dag x 200 skooldae = R3400 per leerder per jaar |
| 2.3 |
Bylae A gee 'n gedetaileerde uiteensetting van die subsidiebetalings vir die eerste oordrag in April 2014. |
| 2.4 |
'n Gewone openbare skool met minder as 20 leerders sal 'n bedrag van R108 000 per jaar ontvang, wat bestaan uit R84 000.00 vir die jaarlikse salaris van die graad R-praktisyn en R24 000 vir die aankoop van Leer- en Onderrigondersteuningsmateriaal (LOOM) en die betaling vir nutsdienste. |
| 3. |
Voorlegging van eisvorms |
| 3.1 |
Prinsipale van skole met graad R en hoofde van VKO inrigtings word daaraan herinner dat aansoeke om subsidies voorgelê moet word aan die plaaslike onderwysdistrikskantoor teen nie later nie as op die volgende datums:
| Kwartaal |
Distrikskantoor |
| 1ste Kwartaal van 2014 |
27 Maart 2014 |
| 2de Kwartaal van 2014 |
26 Junie 2014 |
| 3de Kwartaal van 2014 |
25 September 2014 |
| 4de Kwartaal van 2014 |
5 Desember 2014 |
Laat indiening van subside-eisvorms, met die gepaardgaande bewyse, kan 'n negatiewe impak op die oodrag van betalings hê. |
| 3.2 |
Bylae B bevat die nuwe eisvorms wat van Kwartaal 2 af toegepas moet word. |
| 4. |
Geenskoolgeldskole wat graad R aanbied |
| 4.1 |
Geenskoolgeldskole wat graad R-befondsing van die staat ontvang mag nie skoolgelde van graad R-leerders eis nie (Sien Riglyne vir Nasionale Finansiële Bestuur van Skole wat graad-R klasse aanbied, Oktober 2009, bladsy 4). |
| 4.2 |
Ouers kan versoek word om vrywillige bydraes te maak. |
| 4.3 |
Dit moet egter beklemtoon word dat hierdie bydraes nie verpligtend is nie en nie gebruik mag word om leerders uit te sluit wie se ouers nie sodanige bydraes kan maak nie. |
| 5. |
Betaling van graad R-praktisyn se salaris |
| 5.1 |
Skole word daaraan herinner dat die graad R-praktisyns die volle 80% subsidietoekenning, wat twee keer per jaar oorgeplaas word, moet ontvang. |
| 5.2 |
Skoolbeheerliggame (SBL'e) van NK 4- en NK 5-skole word versoek om die graad R praktisyn se salaris aan te pas sodat die praktisyn ‘n bedrag kan ontvang wat meer is as die minimumbedrag van R7 000.00 per maand. |
| 5.3 |
Graad R-praktisyns by die "Geenskoolgeldskole" is geregtig op die volle 80% van die subsidie. |
| 5.4 |
Die Werkloosheidsversekeringsfonds (WVF) en Lopende Betaalstelsel (LBS) bydraes moet afgetrek word van die graad R-praktisyn se salaris en oorbetaal word aan die betrokke staatsdepartemente. Verder moet SBL’e as werkgewers by die Suid-Afrikaanse Inkomstediens (SAID) registereer. |
| 6. |
Praktisyn se kwalifikasies |
| 6.1 |
Prinsipale en SBL'e word daaraan herinner dat die minimum kwalifikasie van 'n graad R-praktisyn NK-vlak 5 is. |
| 6.2 |
Die opgradering van kwalifikasies is beskikbaar by Verdere Onderwys en Opleiding (VOO)-kolleges. |
| 6.3 |
Daar moet 'n vaste verbintenis van die graad R-praktisyn, SBL en die Prinsipaal van die skool wees om die kwalifikasies van die praktisyn op te gradeer indien hy/sy nog nie in besit van 'n Vlak 5-kwalifikasie is nie. |
| 7. |
Monitering en evaluering
Prinsipale word daaraan herinner om die graad R-praktisyn se inligting op die databasis te laai. Om kwaliteit leer en onderrig in graad R-klasse te versoek, moet gereelde monitering en evaluering in hierdie klasse gedoen word. |
| 8. |
Getal graad R-leerders wat per klas toegelaat word
'n Klas grootte van meer as 30 leerders veroorsaak 'n negatiewe impak op die voorsiening van kwaliteitonderrig in 'n graad R-klas. Skole word daaraan herinner dat die maksimum getal graad R-leerders wat per klas toegelaat word, 30 is.
Onderwyser tot Leerder ratio = 1:30 |
| 9. |
Leerdergesondheid en -veiligheid
Om die gesondheid en veiligheid van leerders te verseker word daar van skole verwag om 'n veilige buitemuurse speelarea te handhaaf en te verseker. In die besonder sluit dit die instandhouding van buitemuurse toerusting en herstel van klimrame in. |
| 10. |
Die inhoud van hierdie omsendbrief moet onder die aandag gebring word van almal wat betrokke is by graad R by alle gewone openbare skole en onafhanklike VKO-skole. |
GETEKEN: PA VINJEVOLD
HOOF: ONDERWYS
DATUM: 2014:03:25
|
 |