| 1. |
Inkqubo yokunikwa ikhefu ngokumalunga nekhefu lokuqoshelisa iingxaki zosapho (family responsibility leave) icaciswe kwiSetyhula 60/2003 yowe-6 Matshi 2003. |
| 2. |
Emva kokuba kuphicothwe ikhefu lokuqoshelisa iingxaki zosapho nguMphicothi-zincwadi Jikelele, iSebe leMfundo leNtshona Koloni lifumanise ukuba ayingabo bonke ootitshala abanolwazi ngemiqathango esetyenziswa kwikhefu lokuqoshelisa iingxaki zosapho. Ngenxa yesi sizathu, kule setyhula kucaciswa imiqathango emalunga nekhefu lokuqoshelisa iingxaki zosapho. |
| 3. |
Ikhefu lokuqoshelisa iingxaki zosapho xa kukho ogulayo okanye kuzelwe usana
Utitshala uya kunikwa ikhefu leentsuku zomsebenzi ezi-3 ezona zininzi elihlawulwa ngokupheleleyo kumjikelo wekhefu lonyaka ukuba |
| 3.1 |
umfazi wakhe okanye iqabane lakhe liyobeleka, okanye
|
| 3.2 |
umntwana wakhe, indoda yakhe/umfazi wakhe okanye iqabane lakhe liyagula.
QAPHELA: ISigqibo 1/2012 sazitshintsha ezona ntsuku zomsebenzi zininzi yaziintsuku ezi-5. |
| 4. |
Ikhefu lokuqoshelisa iingxaki zosapho xa kukho umntu wosapho oswelekileyo
Utitshala uya kunikwa ikhefu leentsuku ezi-5 zomsebenzi ezona zininzi elihlawulwa ngokupheleleyo kumjikelo wekhefu lonyaka ukuba
|
| 4.1 |
kusweleke umntwana wakhe, indoda yakhe/umfazi wakhe okanye iqabane lakhe okanye
|
| 4.2 |
kusweleke umntu olilungu losapho osondeleyo kuye. ("Ilungu losapho elisondeleyo", njengoko lichazwe ngokutsha kwiSigqibo 1/2012, ngumzali womqeshwa, ngumzali okhulise umqeshwa (adoptive parent), ngumzali womfazi/wendoda yakhe, yindodakazi yakhe nomntakwabo myeni wakhe/ngusibali wakhe, ngutatomkhulu/ ngumakhulu wakhe, ngumntwana wakhe, ngumntwana okhuliswe nguye (adopted child), ngumntwana womlingane emtshatweni/kubudlelane (stepchild), ngumzukulwana wakhe okanye ngumntakwabo (sibling). |
| 5. |
Ikhefu elilodwa lokujongana nemicimbi yabucala engxamisekileyo
Utitshala osesikolweni unokuthi, ngethuba elimiselwe umsebenzi, anikwe ikhefu elilodwa elihlawulwa ngokupheleleyo ukuba aye kumcimbi wabucala ongxamisekileyo, ongowohlobo lokuba kufuneke loo titshala angabikho emsebenzini. |
| 6. |
Inani lilonke leentsuku zekhefu elithathwe ngokwemihlathi 3, 4 no-5 yale setyhula aliyi kuba ngaphezu kweentsuku zomsebenzi ezili-14 kumjikelo wekhefu lonyaka. |
| 7. |
Utitshala kufuneka angenise amaxwebhu abubungqina bokuxhasa naziphi na zezi fom zokucela ikhefu esele zikhankanyiwe ngaphambili. |
| 8. |
Makugxininiswe ukuba eli nani leentsuku ekuzezona zininzi elinikwe apha ngasentla zezomjikelo wekhefu lonyaka ngamnye, asilonani elinikwa kwisehlo ngasinye. |
| 9. |
Inani leentsuku ezabelwe ikhefu lokuqoshelisa iingxaki zosapho alinakugcinwa (may not be accumulated) kwaye alinakuxhuzulwa kwiintsuku zekhefu elihlawulelwayo likatitshala (educator's capped leave). |
| 10. |
Utitshala osele elisebenzise lonke ikhefu lakhe lokuqoshelisa iingxaki zosapho angenza isicelo |
| 10.1 |
sekhefu leentsuku ezikhoyo kwikhefu elihlawulelwayo (capped leave) kunye/okanye |
| 10.2 |
sekhefu elingahlawulelwayo (unpaid leave). (Imiqathango ngokumalunga nokuvunywa kwekhefu elingahlawulelwayo icaciswe kwiSetyhula 66/2003.) |
| 11. |
Kucelwa wazise okukule setyhula bonke ootitshala abakwiziko lemfundo, kubandakanywa nabo basekhefini, uze ubacele bayisayine babhale nomhla abayifumene ngawo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:02:01
|
 |