1. |
Le setyhula ithatha indawo yeSetyhula 0029/2011. |
2. |
Ukungeniswa kweefom zamabango
Kukhunjuzwa iinqununu zezikolo ezineBakala R neentloko zamaziko ophuhliso lwemfundo yabasaqalayo (early childhood development (ECD)) ukuba kufuneka kungeniswe izicelo zenkxaso-mali kwi-ofisi yesithili semfundo yaloo ndawo sikuyo isikolo ingadlulanga le mihla ilandelayo:
Ikota |
Umhla ezilindeleke ngawo |
IKota 1 -2014 |
NgoLwesihlanu, 14 Februwari 2014 |
IKota 2 -2014 |
NgoLwesihlanu, 9 Meyi 2014 |
IKota 3 -2014 |
NgoLwesihlanu, 8 Agasti 2014 |
IKota 4 -2014 |
NgoLwesihlanu, 24 Oktobha 2014 |
|
2.1 |
Izikolo ezingaphumeleliyo ukulandela ngqo le mihla ingasentla zisengozini yokuphulukana nenkxaso-mali yazo. |
2.2 |
Izikolo ezifuna uncedo ngokuzaliswa kweefom zamabango enkxaso-mali zingaqhagamshelana neNtloko yoQuquzelelo neNgcebiso ngeze-IMG kwi-ofisi yesithili semfundo esichaphazelekayo. |
2.3 |
Onke amaxwebhu axhasayo nobungqina benkcitho makaqhotyoshelwe kumabango. |
3. |
Iikopi zeerejista zokuhamba isikolo
Iikopi zeerejista zokuhamba isikolo zekota engaphambili ezazingazange zingeniswe nebango langaphambili mazingeniswe nebango elilandelayo.
|
4. |
Ubhaliso lwezikolo kwi-EMIS nabafundi beBakala R kwi-CEMIS |
4.1 |
NgokweMimiselo neMigangatho kaZwelonke yesabelo-mali samaBakala R (ISaziso sikaRhulumente 30679 sowe-18 Januwari 2008), zonke izikolo ze-ECD zikarhulumente eziqhelekileyo nezikolo ze-ECD ezizimeleyo ezifundisa iBakala R mazibhaliswe kwi-EMIS kwaye mazibe nesatifikethi sobhaliso nesisebenza ngokusemthethweni (valid). Esi satifikethi sobhaliso sisebenza ngokusemthethweni ithuba leminyaka emihlanu kuphela. |
4.2 |
Bonke abafundi beBakala R mababhaliswe kwiCEMIS. |
4.3 |
Bonke ootitshala (practitioners) beBakala R mababhaliswe kwiBhunga looTitshala laseMzantsi Afrika (South African Council of Educators (SACE)). Ingcaciso engaphezulu iyafumaneka kwiziko lewebhu leSACE apha www.sace.org.za |
4.4 |
Zonke iinkcukacha zootitshala beBakala R mazibhaliswe nazo kwiCEMIS yaye zifakwe kwi-Annual Survey. |
5. |
Izikolo ezingabizi fizi ezifundisa iBakala R |
5.1 |
Izikolo ezingabizi fizi nezifumana inkxaso-mali yeBakala R kurhulumente azivumelekanga ukuba zibize iifizi zesikolo kubafundi beBakala R (Funda i-National Financial Management Guidelines in Respect of School Offering Grade R Classes, October 2009, page 4). |
5.2 |
Bangacelwa abazali ukuba bafake igalelo ngokuzithandela. |
5.3 |
Nakuba kunjalo, makugxininiswe ukuba eli galelo alisosinyanzelo kwaye malingaze lisetyenziselwe ukukhethela ecaleni (exclude) abafundi ababazali babo bangenako ukufaka igalelo elilolu hlobo. |
6. |
Ingxelo-mali yonyaka
NgokweSiqendu 55 soMthetho woLawulo lweMali kaRhulumente (uMthetho 29 ka-1999), onke amaziko emfundo afumana isabelo-mali kurhulumente makagcine iirekhodi ezipheleleyo nezifanelekileyo zemicimbi yemali yawo, aze qho ngonyaka angenise ingxelo-mali ephicothiweyo (audited financial statement) kwisigqeba solawulo sawo - kule meko kwiSebe leMfundo leNtshona Koloni (WCED). Ngokumalunga noku, onke amaziko e-ECD makangenise ingxelo-mali yonyaka ephicothiweyo ephathelene nonyaka wezifundo ongaphambili kwi-ofisi yesithili semfundo saloo ndawo likuyo iziko phambi kokuphela kukaMeyi ngonyaka ngamnye. Ukungaphumeleli ukwenjenjalo kuya kulibazisa intlawulo yenkxaso-mali elandelayo kwiziko elo.
|
7. |
Intlawulo yemivuzo yootitshala beBakala R
|
7.1 |
Ziyakhunjuzwa zonke izikolo ukuba bonke ootitshala beBakala R mabafumane isibonelelo esipheleleyo esiyi-80% yenkxaso-mali, esihlawulwa ngomatshini kabini ngonyaka. |
7.2 |
Ootitshala beBakala R kwizikolo ze-NQ 1, 2 no-3 banelungelo lokufumana isibonelelo esipheleleyo esiyi-80% yenkxaso-mali, nokuba ngaba esi sixa-mali singaphezulu kowona mvuzo usezantsi. |
7.3 |
Ayacelwa amabhunga olawulo ezikolo ze-NQ 4 ne-NQ 5 ukuba ongezelele umvuzo katitshala weBakala R ukwenzela ukuba utitshala lowo afumane isixa-mali esingaphezulu kowona mlinganiselo usezantsi umiselweyo oyi-R6 000.00 ngenyanga. |
7.4 |
Ngaphezulu, iiSGB mazibhalise kwaSARS njengabaqeshi. I-UIF no-PAYE mazitsalwe kumvuzo katitshala weBakala R zize zihlawulwe kuloo masebe karhulumente achaphazelekayo. |
8. |
Inani labafundi beBakala R abavumelekileyo kwiklasi nganye
Ubalo lwakutshanje kumaziko akhethiweyo selungqinile ukuba ubukhulu beklasi yabafundi abangaphezulu kwe-30 bukuchaphazela kakubi ukufundiswa okusemgangathweni kwiklasi yeBakala R. Ukususela ngoJanuwari 2012, kwaphunyezwa iCAPS kwiiklasi zeBakala R yaye ke ngoko ziyakhunjuzwa izikolo ukuba elona nani likhulu labafundi beBakala R livumelekileyo kwiklasi nganye ngu-30. |
9. |
Okubhalwe kule setyhula makwaziswe bonke abachaphazelekayo kwiBakala R kwizikolo zikarhulumente nakwi-ECD kwizikolo ezizimeleyo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:11:19
|
|