1. |
ISebe leMfundo leNtshona Koloni (WCED) lizimisele ukuqinisekisa ukuba bonke abafundi kumaBakala 1 - 12 banencwadi yesifundo engqinelaniswe neNkcazo yoMgaqo-nkqubo weKharityhulam noVavanyo (Curriculum and Assessment Policy Statement (CAPS)), kwisifundo ngasinye ngo-2014. |
2. |
Ukususela ekuphunyezweni kweCAPS, iSebe leMfundo leNtshona Koloni (WCED) lithenge incwadi yesifundo ngomfundi ngamnye kwabo bakumaBakala 4 -12. |
3. |
Iincwadi zezifundo ezingathengwanga ndawonye kuphela zezo ze-Natural Sciences and Technology zamaBakala 4 - 6 neencwadi zezifundo kwezi zifundo zilandelayo zamaBakala 1 - 3: ULwimi lweeNkobe, ULwimi lokuQala oloNgezelelweyo, IZakhono zoBomi neMathematika. Zaziceliwe izikolo ukuba zisebenzise isabelo sazo seLTSM esabiwa ngokweMimiselo neMigangatho (Norms & Standards) ukuthenga ezi ncwadi zezifundo. |
4. |
Izikolo ezingekazithengi iincwadi zezifundo kwisifundo ngasinye kwezi zine kumaBakala 1 - 3 neze-Natural Sciences and Technology kumaBakala 4 - 6, mazizi-odole ezi ncwadi zezifundo kwiziko loku-odola iincwadi zezifundo ngefasilithi ekwikhompyutha (computer ordering facility) kwi-CEMIS ngethuba eliqala nge-28 Oktobha kuye kwi-1 Novemba 2013. |
5. |
Izikolo mazikhethe iincwadi zezifundo zazo kwiikhatalogu zikazwelonke ezimfutshane zamaBakala 1- 3 (IsiHlomelo A) neze-Natural Sciences and Technology zamaBakala 4 - 6 (IsiHlomelo B). |
Uku-odola iincwadi zezifundo zeSigaba seSiseko neencwadi zezifundo zeNatural Science & Technology kwi-CEMIS
6. |
Phambi koku-odola, izikolo mazenze i-inventri yazo zonke iincwadi zezifundo ezingqinelaniswe neCAPS ezikhethwe kwikhatalogu kazwelonke yeSigaba seSiseko (eyathunyelwa ezikolweni ngo-Oktobha 2011) nezathengwa sisikolo. Ziya kucelwa izikolo ukuba zifake la manani kwiziko lewebhu loku-odola (online ordering site) kwi-CEMIS. |
7. |
Izikolo ezingekazithengi iincwadi zezifundo nangoku okanye ezo zingenazo iincwadi zezifundo ezaneleyo ukuqinisekisa ukuba umfundi ngamnye weBakala 1 - 3 unayo incwadi yesifundo engqinelaniswe neCAPS kwisifundo ngasinye kwezo zine kwiSigaba seSiseko nencwadi ye-Natural Sciences and Technology kumfundi ngamnye weBakala 4 - 6, mazifake ezo ncwadi zifunekayo ezizikhethileyo kwi-CEMIS online ordering site. |
8. |
ISebe iWCED liya kuhlawula i-50% yeendleko ngencwadi yesifundo nganye yeBakala 1 - 3 e-odolwe kwikhompyutha. I-50% eseleyo yezi ndleko iya kuxhuzulwa kwisabelo ngokwe-Mimiselo neMigangatho sesikolo sonyaka-mali ka-2014/15. ISebe iWCED liya kuhlawula iindleko ezipheleleyo zeencwadi ze-Natural Sciences and Technology zamaBakala 4 - 6.
|
9. |
Kuya kusetyenziswa amanani obhaliso abafundi aqikelelwayo ngebakala ngalinye ngo-2014 njengesikhokelo xa ku-odolelwa izikolo iincwadi zezifundo ezininzi. |
10. |
Inkqubo eza kulandelwe xa ku-odolwa ezi ncwadi zezifundo iya kufakwa kwiziko loku-odola iincwadi ngekhompyutha i-CEMIS online ordering site ngethuba loku-odola iincwadi. |
Imbuyiselo ngeencwadi zezifundo ezithengwe sisikolo zamaBakala 1 - 3 neze-Natural Sciences and Technology
11. |
Izikolo esele zithenge inxenye yeencwadi zezifundo okanye zonke iincwadi ezizifunayo zamaBakala 1 - 3, ziya kubuyiselwa i-50% yeendleko zezi ncwadi zezifundo. Izikolo esele zizi-odole zaze zazihlawulela iincwadi zezifundo ze-Natural Sciences and Technology zamaBakala 4 - 6 ziya kubuyiselwa ngokupheleleyo iindleko zazo. |
12. |
Ukwenzela ukuba izikolo zikufanele ukubuyiselwa ngeendleko ezizenzileyo, mazibonise kwi-ordering site inani leencwadi zezifundo ezithengiweyo ngemali yesikolo. Ukongeza apho, izikolo mazithumele oku kulandelayo nge-imeyili apha ltsmprojects@westerncape.gov.za ungadlulanga uLwesine we-31 Oktobha 2013:
- Ileta ekwiletahedi yesikolo ecacisa ukuba zeziphi na iincwadi zezifundo (isifundo, i-ISBN, isihloko, umpapashi nenani lazo) isikolo esele sizi-odole sazihlawulela zamaBakala 1 -3 neze-Natural Sciences and Technology zamaBakala 4 - 6.
- Iikopi eziskeniweyo zee-invoyisi okanye amaphepha okusiwa kwazo, ii-delivery notes, afakwe istampu aze asayinwa ngabasebenzi abanyulelwe lo msebenzi esikolweni.
Imbuyiselo, eya kuba luhlobo lweentlawulo ngomatshini lwemali, iya kuhlawulwa kwi-akhawunti yebhanki yesikolo ungadlulanga owe-30 Apreli 2014.
|
13. |
Ukuze zikufanele ukufumana imbuyiselo yokuthenga iincwadi zezifundo, iinqununu maziqinisekise ukuba zonke ii-odolo zeencwadi zazo zezifundo kunye/okanye iingqinisekiso zeencwadi zezifundo ezithengiweyo (confirmation of textbooks purchased), zifakiwe yaye zisayinelwe kwi-CEMIS ungadlulanga owe-1 Novemba 2013. |
14. |
Kucelwa wazise okukule setyhula bonke abasebenzi abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:09:27
|
|