| 1. |
Ukusiwa kweencwadi zezifundo zeCAPS zamaBakala 7-9 no-12 |
| 1.1 |
NgoJuni 2013, izikolo zenza ii-odolo zazo zeencwadi zezifundo ze-CAPS zamaBakala 7 - 9 no-12 kwi-CEMIS ngekhompyutha zaza zazisayinela. ISebe leMfundo leNtshona Koloni (iSebe iWCED) emva koko lafaka zonke ii-odolo kubapapashi. Iincwadi zezifundo, izikhokelo zootitshala nee-core readers ziya kusiwa ngqo ezikolweni phakathi kwe-2 Septemba ne-31 Oktobha 2013. |
| 1.2 |
Zakufika iincwadi zezifundo, iinqununu maziqinisekise ukuba oku kulandelayo kuchanekile kwi-proof of delivery (PoD): amanani eencwadi zezifundo (textbook quantities), iizihloko (titles), idilesi yesikolo kunye nenombolo ye-EMIS. Makusayinwe i-PoD ifakwe istampu ize ikopi yentsusa (original) ibuyiselwe kumboneleli-nkonzo ukulungiselela intlawulo ekhawulezileyo liSebe iWCED. |
| 1.3 |
Makutshekishwe ikopi ye-PoD ithelekiswe ne-odolo yeencwadi zezifundo eyintsusa ize ifakwe efayilini. Iinqununu mazazise umphathi weze-IMG wazo ngencwadi ebhaliweyo ukuba iincwadi zezifundo zeCAPS zazo azikasiwa kwisikolo sazo xa kude kube yi-31 Oktobha 2013. |
| 1.4 |
ISebe iWCED lenze onke amalinge okusa iincwadi zezifundo njengoko zikhethiwe zizikolo. Nakuba kunjalo, kwiimeko ezimbalwa kakhulu nalapho oko kungenakuthinteleka ngenxa yeengxaki zokunqongophala kwemali, kuya kukhutshwa enye incwadi yezifundo. |
| 2. |
Ukusiwa kweencwadi zezifundo zeSebe i-DBE zika-2014 |
| 2.1 |
ISebe leMfundo esiSiseko (iSebe i-DBE) liya kuthi kwakhona libonelele zonke izikolo zikarhulumente nezikolo zemfundo eneemfuno ezizodwa ngezi ncwadi zomsebenzi (workbooks) zilandelayo:
- AmaBakala 1 - 6 ezoLwimi lweeNkobe kuzo zonke iilwimi
- AmaBakala 1 - 3 ezeMathematika ngolwimi lokufunda nokufundisa
- AmaBakala 4 - 9 ezeMathematika ngesiNgesi nangesi-Afrikansi
- AmaBakala 1 - 6 ezoLwimi lokuQala oLongezelelweyo kwisiNgesi
- AmaBakala 1 - 3 ezeZakhono zoBomi ngolwimi lokufunda nokufundisa
- IBakala R (Ziya kusiwa ngokwahlukileyo ngo-Oktobha nangoNovemba 2013)
|
| 2.2 |
Amanani neezihloko zeencwadi zomsebenzi eziya kusiwa esikolweni ngasinye zisekelwe kumanani obhaliso lwabafundi kwi-CEMIS. Ishedyuli yokusiwa kweencwadi ezikolweni enamanani obhaliso e-CEMIS yesikolo sakho ingafumaneka ngoku kwikhasi lewebhu le-LTSM (CAPS textbooks) kwiziko lewebhu leSebe i-WCED. Idilesi yeziko lewebhu yile http://wcedonline.pgwc.gov.za/branchPS/LTSM/index.html |
| 2.3 |
Incwadi yomsebenzi 1 ka-2014 (kwiikota 1 no-2) iya kusiwa kuzo zonke izikolo phakathi kwe-10 Septemba ne-5 Novemba 2013. |
| 2.4 |
Uxwebhu olusisikhokelo olucacisa imigaqo yaphambi nangethuba lokusiwa kweencwadi zezifundo ezikolweni luqhotyoshelwe kule setyhula njengesiHlomelo A. |
| 2.5 |
Inqununu mayityumbe umntu okwisikhundla esiphezulu kunye nekomiti yabancedisi ukuba bathwale uxanduva lokuphumeza izikhokelo phambi nangethuba lokusiwa kweencwadi zezifundo ezikolweni. |
| 2.6 |
Zakuba iincwadi zomsebenzi zigqityiwe ukutshekishwa, kufuneka isikolo sizalise le thempleyithi iqhotyoshelwe apha (isiHlomelo B) ukubonisa ukuba kukho iincwadi ezingaba ziyashota okanye zingaphaya kwemfuneko. Oku makuthunyelwe nge-imeyili kumphathi weze-IMG wesikolo ingadlulanga i-11 Novemba 2013. |
| 2.7 |
Amanani eencwadi ezishotayo aya kudityaniswa yi-ofisi yesithili aze athunyelwe kwiSebe i-DBE, oko kusenziwa ngokuqala kudlulwe kuNdlunkulu weSebe iWCED. Akuba nje engqinisisiwe amaxesha amiselwe liSebe i-DBE, izikolo ziya kwaziswa ukuba iincwadi ezishotayo ziya kusiwa nini na. |
| 3. |
Kubaluleke kakhulu ukwazisa okukule setyhula bonke abasebenzi abachaphazelekayo ukwenzela ukuba bakuthathele ingaqlelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:09:12
|
 |