WCED ISETYHULA

Inani lezithuba ezabelwe izikolo ngo-2014

Kucelwa nifunde iSetyhula 0031/2009 yeSebe leMfundo leNtshona Koloni yomhla we-28 Agasti 2009, ukufumana inkcazo epheleleyo yemithetho nemimiselo esetyenziswayo ukubonelela izikolo ngezithuba zootitshala ezabelwa izikolo qho ngonyaka. Okuqulethwe yiloo setyhula kuhlala kusebenza nango-2014, ngaphandle kwezi zilungiso zilandelayo:

1.1

Ngokwemiqathango yeNdlela eHlaziyiweyo yoLwabiwo lweZithuba (Revised Post Distribution Model), izikolo zikarhulumente eziqhelekileyo nezikolo zemfundo eneemfuno ezizodwa mazikhutshelwe inani lezithuba zootitshala ezabelwa amaziko qho ngonyaka ungadlulanga owe-30 Septemba wonyaka ongaphambili. Ngoko ke, zonke izithuba zootitshala kunyaka wezifundo ka-2013 (2013 academic year) ezikhutshelwe izikolo zikarhulumente eziqhelekileyo nezikolo zikarhulumente zemfundo eneemfuno ezizodwa, (kwakunye nazo zonke izithuba ezongezelelwayo ezaye zadalwa nezanikwa isikolo sikarhulumente ngo-2013, nokuba ngaba kungenxa yokwanda kwamanani obhaliso lwabafundi okanye kungenxa yeemfuno zekharityhulam zeziko lemfundo), ziyaphelelwa nge-31 Disemba 2013.

1.2	Amanani ezithuba zootitshala ezabelwe izikolo ngo-2014 aya kupapashwa kwi-Central Education Management Information System (CEMIS), phantsi kwale linki Administration (Establishments), nge-23 Agasti 2013.

2.	Ukwabiwa kwezithuba ezongezelelweyo (IZithuba zeNqanaba 1) Lilungelo leSebe i-WCED ukujongisisa kwakhona (review) ukwabiwa kwezithuba ukuba ingcaciso ngesikolo, njengoko ikwiCEMIS Online Survey kufumaniseke ukuba ayichanekanga.

3.	Ukuhlaziywa kwamanani ezithuba ezabelwe izikolo ngo-2014

3.1

Izikolo ziya kuvunyelwa ukuba zicele ukujongisiswa kokubalwa kwamanani azo ezithuba (computation of their teaching staff establishment) ukuba amanani obhaliso abafundi kwiCEMIS (CEMIS learner enrolments) aboniswe kwileta yokwabelwa izithuba yesikolo ahlukile kwidatha yabafundi nge-31 Julayi 2013. Ukwenzela ukuba iSebe iWCED libenako ukubala amanani, kuya kufuneka isikolo singenise ubungqina kwiCandelo loLawulo lweMicimbi yaBasebenzi bokuba amanani obhaliso asetyenzisiweyo nabhalwe kwileta yamanani ezithuba ezabelwe isikolo akachanekanga. Izicelo zezithuba zokwanda kwamanani abafundi (growth posts) zingangeniswa ngethuba elisusela kwi-2 Septemba ukuya kwi-30 Septemba 2013, yaye zonke izicelo mazenziwe kwiCEMIS. Akukho sicelo sezithuba zokwanda kwamanani abafundi siya kuqwalaselwa ukuba oko akwenziwanga kwiCEMIS.

3.2

Kwimeko apho isikolo siliphelisileyo ibakala okanye amabakala, aya kuhlaziywa amanani abelwe isikolo esilolu hlobo, ngokusekelwe kwinani labafundi abaseleyo esikolweni. Kwimeko yabafundi abaphumayo esikolweni ngenxa yokupheliswa kwesigaba okanye kwezigaba, aya kuhlaziywa amanani ezithuba ezabelwe isikolo abaya kuso ukulungiselela abafundi abatsha abathathiweyo.

4.	Ukubalwa kwakhona kwamanani ezithuba zootitshala ezabelwe isikolo ngenxa yokutshintsha kwamanani obhaliso lwabafundi ngo-2014

4.1

ISebe iWCED linelungelo lokuziphelisa iZithuba zeNqanaba 1 ukuba kukho ukuhla kumanani obhaliso lwabafundi esikolweni ngethuba lonyaka ka-2014. Kwiimeko ezilolu hlobo, ootitshala abaqeshwe okwethutyana baya kutshintshelwa kwizithuba ezikwezinye izikolo. Ngako oko ke, xa kugaywa ootitshala kwizithuba zethutyana, iinqununu zezikolo mazazise abenzi-sicelo ukuba baya kuqeshwa bakuba becaciselwe yaye beqonda ukuba banokutshintshelwa kwezinye izikolo ukuba izithuba zabo ziyapheliswa ngenxa yokuhla kwamanani obhaliso abafundi esikolweni.

4.2

Zonke izithuba zokuqeshwa phantsi kwemvumelwano (on contract basis) mazizaliswe kuphela kude kube yi-31 Matshi 2014. Izithuba zokuqeshwa phantsi kwemvumelwano ezixhaswa ngemali (substantive contract appointments) ezenziwe zakho ukususela nge-1 Apreli 2014 zinokwenziwa kude kube yi-31 Disemba 2014, ukuba isikolo sisifanele isithuba silolu hlobo.

4.3

Kulindeleke ukuba zonke izikolo ziwahlaziye amanani obhaliso azo kwiCEMIS engadlulanga uLwesibini, we-4 Matshi 2014. Zonke ezo zikolo zinamanani obhaliso lwabafundi bazo ngoLwesihlanu we-7 Matshi 2014 angaphantsi kunamanani obhaliso lwazo ange-4 Matshi 2014, kuya kufuneka libalwe ngokutsha inani lezithuba zootitshala ezabelwe lona ungadlulanga owe-14 Matshi 2014. Ukuba isikolo kufuneka siphulukane nesithuba saso okanye nezithuba zaso, ngoko ke inani lezithuba zokuqeshwa phantsi kwemvumelwano ezixhaswa ngemali (the number of substantive contract appointments) lilingana okanye lingaphantsi kwenani lezithuba isikolo esiphulukana nazo, asiyi kuzinikwa ukuqalela kwi-1 Apreli 2014.

4.4

Kwimeko apho kwande amanani obhaliso lwabafundi ukususela nge-16 Januwari 2014 ukuya kwi-31 Januwari 2014, isikolo siya kuvunyelwa ukuba senze isicelo ekhompyutheni (apply online), ngethuba elisusela kwi-16 Januwari 2014 ukuya kwi-31 Januwari 2014 sicele isithuba sokwanda kwamanani (growth post). Itotali yamanani obhaliso lwabafundi ethathelwa ingqalelo iya kuba yitotali yamanani obhaliso kwiCEMIS ngethuba lokwenza isicelo.

4.5

Izicelo ezenziwa zizikolo kwiSebe iWCED zokudalwa kwezithuba ezongeziweyo kwizikolo zikarhulumente eziqhelekileyo ngenxa yokwanda kwenani lobhaliso lwabafundi okanye ngenxa yezinye iimeko ezingqongileyo (other contextual factors), mazingeniswe ngekhompyutha ngokuzithumela ngeCEMIS. Akukho sicelo siya kuqwalaselwa ukuba asingeniswanga ngeCEMIS. Ezi zicelo mazingeniswe ngethuba elisusela kwi-16 Januwari 2014 ukuya kwi-31 Januwari 2014.

4.6

Ziyacelwa iinqununu ukuba ziqwalasele oku kulandelayo:

Izicelo zezithuba ezongezelelweyo ziya kuthathelwa ingqalelo de kube sekupheleni kwekota yokuqala ngoMatshi 2014.
Ukutyunjwa kootitshala kwizithuba ezongezelelweyo zizikolo ebezifake izicelo ngenxa yokwanda kunye/okanye yeemfuno zekharityhulam yesikolo, kungenziwa kuphela emva kokuba kufunyenwe imvume ebhaliweyo evela kwiSebe iWCED

5.	Ukuzaliswa kwezithuba ezipapashiweyo

5.1	Zonke izithuba esele zipapashiwe kuLuhlu lweZithuba lwesebe zinokuzaliswa ngokusisigxina, ngokuxhomekeka ekubeni eso sithuba siyavela kwinani lezithuba zootitshala zika-2014 ezabelwe elo ziko.

5.2	Ukuba isithuba esipapashiweyo sithi singaveli kwinani lezithuba zootitshala zika-2014 ezabelwe elo ziko, eso sikolo asinalungelo lakusifumana eso sithuba yaye eso sithuba siya kuthathwa njengesithuba esipapashwe ngempazamo

5.3	Uhlala ungatshintshanga umgqaliselo wokuba isithuba esipapashiweyo (ngokukodwa isithuba sonyuselo-sikhundleni) sinokuzaliswa kuphela xa singadali sithuba sikatitshala ongaphezu kwemfuneko (educator in excess).

5.4	Ukuba ithi inqununu yesikolo nebhunga lolawulo lesikolo babe noluvo lokuba inkcazo yesithuba esipapashiweyo ayisazanelisi iimfuno zekharityhulam yesikolo, bangacela iSebe iWCED lisithathe eso sithuba njengesipapashwe ngempazamo. Isicelo esilolu hlobo masihambe kunye nenkcazo ebanzi ecacisayo.

6.	Ukuzaliswa kwezithuba ezongezelelweyo

6.1

Izithuba ezongezelelweyo zinokuzaliswa kuphela ngokungesosigxina (in a temporary capacity) de kube nge-31 Matshi 2014. Baya kuhlala beqeshiwe sisikolo ngaphaya kwalo mhla ungentla kuphela ukuba eso sikolo sisakufanele ukufumana isithuba emva kokubalwa kwakhona okususela kumanani obhaliso lwabafundi nge-4 Matshi 2014. Ukuqeshwa komntu okwisithuba esongezelelweyo akuyi kugqithela ngaphaya kwe-31 Disemba 2014.

6.2

NgokweSetyhula 0008/2010 makukhethwe kuqala ootitshala abasiwe kwezinye izikolo abangaphezu kwemfuneko (redeployment of teachers in excess) kunye/okanye kufakwe ootitshala abanebhasari yeFunza Lushaka xa kuzaliswa izithuba zeNqanaba 1 zabaqeshwa ngemvumelwano (on contract basis), naphambi kokuba izithuba ezilolu hlobo zipapashwe njengezingenamntu kwiZintlu zeZithuba zesebe (departmental Vacancy Lists). Ngokumalunga noku, kuya kufuneka kwakhona ukuba iinqununu zezikolo zizibhalise izithuba ezingenamntu nezithuba eziza kungabinamntu kumphathi wekomiti yesekethe (circuit team manager) wazo ngokukhawuleza kangangoko kunokwenzeka.

6.3	Abanye ootitshala abaqeqeshwe ngokufanelekileyo banokuqwalaselwa ngenjongo yokuqeshwa kwisithuba esingenamntu esixhaswa ngemali kuphela xa kungekho ootitshala abaqeqeshwe ngokufanelekileyo abangaphezu kwemfuneko kunye/okanye ootitshala abanebhasari yeFunza Lushaka.

6.4

Apho abaphathi beekomiti zesekethe neentloko zamaziko bengenako ukuzalisa isithuba ngotitshala ongaphezu kwemfuneko okanye onebhasari yeFunda Lushaka, umphathi wekomiti yesekethe unokukuvuma ukuqeshwa kukatitshala ongaqeshwanga kwisithuba esingenamntu esixhaswa ngemali. Kwiimeko ezinjengezi, umphathi wekomiti yesekethe makaqinisekise ukuba akukho titshala ungaphezu kwemfuneko okanye unebhasari yeFunza Lushaka ufumanekayo ukuba aqeshwe.

6.5

Abaphathi beekomiti zeesekethe banokukuvuma ukutshintshelwa kwezinye izikolo kootitshala (kungaqalanga kwathunyelwa isicelo sokutshintshelwa kwesinye isikolo kwaNdlunkulu) kwiimeko apho ukutshintshwa kuya kukhuthaza inkqubo yokusiwa kootitshala kwizithuba ezikwezinye izikolo (process of redeployment) o.k.t. apho ukutshintshwa kuya kubangela ukuthunyelwa kotitshala ongaphezu kwemfuneko kwisithuba esingenamntu esixhaswa ngemali kwesinye isikolo. Lo mqathango ukwasebenza nakwiimeko zokufakwa kootitshala abanebhasari yeFunza Lushaka apho ukutshintshwa kuya kuvumela utitshala weFunza Lushaka aqeshwe kwisithuba esivulekileyo esishiywe ngumntu ngenxa yokutshintshwa.

7.	Ootitshala abangaphezu kwemfuneko

7.1

Ootitshala esekuthiwe bangaphezu kwemfuneko, ngokususela kulwabiwo lwezithuba lwangaphambili kunye nangokungqinelana neenkqubo zangaphambili, nabasengaphezu kwemfuneko nangoku, baya kugcina loo meko yabo yokubangaphezu kwemfuneko (retain their in excess status). Imeko yaba titshala iya kusingathwa ngokulandela iimvumelwano ezikhoyo ngoku kunye nemibutho yabasebenzi ekwiBhunga lezeMfundo lezoBudlelane eMisebenzini (ELRC).

7.2	Aba titshala bangaphezu kwemfuneko (ekubhekiswa kubo kumhlathi 7.1 apha ngentla) banokufakwa ezithubeni ezitsha ezabelwe amaziko ngokuthi kumataniswe izithuba ezilingana nezo bakuzo (by way of matching and placing) baze ke baqeshwe apho kuzo.

7.3	Ootitshala abaqeshwe isigxina mabacaciswe njengabangaphezu kwemfuneko ngokweBhunga lezeMfundo lezoBudlelane eMisebenzini (ELRC).

8.	Imibuzo Kucelwa ubhekise yonke imibuzo emalunga nale setyhula nemithetho echaphazelekayo kumphathi wekomiti yesekethe (circuit team manager) wakho.

9.	Izinto ngokubanzi Kucelwa wazise okuqulethwe yile setyhula bonke ootitshala namalungu ebhunga lolawulo lesikolo ukuze bakuthathele ingqalelo.

ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:08:22