1. Fumana ikopi yethayimthebhile yokugqibela yeeMviwo zeSatifikethi seMatrikisikaZwelonke zango-Oktobha – November 2013.
2. Le thayimthebhile ingqinwe yiKomiti yeeNtloko zamaSebe eMfundo (Heads of Education Departments Committee) yaze yavunywa liBhunga laBaphathiswa bezeMfundo (Council of Education Ministers).
3. Iimviwo zicwangciselwe ukuqala nge-28 Oktobha 2013 ziphele nge-29 Novemba 2013. Iimviwo zepraktikhali ze-Computer Applications Technology (CAT) ne-Information Technology (IT) ziya kubhalwa nge-8 ne-9 Oktobha 2013 ngokulandelelanayo.
4. Zimbini iiseshoni ezicwangciselwe usuku ngalunye. Iiseshoni zakusasa ziya kuqala ngo-09:00 zize ezasemva kwemini ziqale ngo-14:00.
5. Iiklasi eziqhelekileyo maziqhubeke de kube ngowe-19 Oktobha 2013, ukwenzela ukuba kuqhubeke ukufundiswa kangangoko kunokwenzeka. Iintloko zezikolo zingakhetha ukubavumela abafundi beBakala 12 baka-2013 ukuba bafundele ekhaya ukususela nge-21 Oktobha 2013 ukwenzela ukuba balungiselele iimviwo zeNSC.
6. Kucelwa iinqununu zixele onke amaxesha angqubanayo kwithayimthebhile (clashes) kwiSebe iWCED. Ezo ngxelo mazingeniswe ngeleta ebhaliweyo ungadlulanga uLwesihlanu, we-01 Februari 2013 kule dilesi ilandelayo:

Head: Education
Attention: Mr TJ Magwaca (Room 5-27)
Western Cape Education Department
Private Bag X9114
CAPE TOWN
8000

Ifeksi: 021 467 9370 / 086 6165 701
Idilesi ye-imeyili: tebo.magwaca@westerncape.gov.za

7. Kufuneka iinqununu zazise bonke abaviwa ababhala iimviwo zeSatifikethi seMatriki sikaZwelonke ukuba mabasoloko befumaneka kude kube lusuku lokugqibela lwekota yesikolo (04 Disemba 2013), ukwenzela ukuba xa kuthe kwakho imfuneko, ngenxa yaso nasiphi na isizathu, kulungiselelwe elinye ixesha lokubhalwa kwephepha loviwo elithile.


ISAYINWE: NGU-PENNY VINJEVOLD
INTLOKO: YESEBE LEMFUNDO
UMHLA: 2013:01:14

"Final 2013 Oct/Nov NSC Examination Timetable"  (ubukhulu: 175 KB)