1.1 |
Le setyhula ithatha indawo yeSetyhula 0013/2012 (Iimfuno ezimiselweyo zokudlulela kwesinye isigaba nezokupasa kumaBakala R – 12 ngo-2012 (Progression and promotion requirements for Grades R-12 in 2012) |
1.2 |
Injongo yale setyhula kukucacisa iimfuno ezimiselweyo zeeprogram zokudlulela nezokupasa kumaBakala R ukuya ku 12 ngo-2013 |
1.3 |
La maxwebhu emigaqo-nkqubo alandelayo asetyenziswa kumabakala achaphazelekayo ngo-2013:
AmaBakala |
Amaxwebhu emigaqo-nkqubo |
R, 1, 2, 3, 4, 5, 6, 10 no-11 |
- The National Policy pertaining to the Programme and Promotion Requirements of the National Curriculum Statement Grades R – 12 (NPPPR)
- National Protocol for Assessment Grades R – 12 (NPA)
- The Regulations pertaining to the National Curriculum Statement Grades R – 12 (Government Gazette 36041)
|
7, 8, 9,12 |
- National Policy on Assessment and Qualifications for Schools in the General Education and Training Band (Government Gazette 29626)
- National Senior Certificate (NSC) Policy
|
|
2. |
Iimfuno ezimiselweyo zeeProgram zeZigaba zeGET (General Education and Training) nezeFET (Further Education and Training band). |
2.1 |
Iimfuno ezimiselweyo zeeprogram zeSigaba seSiseko (amaBakala R ukuya ku 3).
Umfundi okwiBakala R makenze izifundo ezithathu (3) aze okumaBakala 1-3 enze ezizifundo zine (4) zidwelisiweyo apha ngezantsi, yaye makazifezekise zonke iimfuno zemvavanyo ezimiselweyo:
Iimfuno ezimiselweyo zeeprogram: Izifundo |
Ukwabiwa kwexesha ngeveki |
iBakala R |
amaBakala 1 no- 2 |
iBakala 3 |
ULwimi lwasebuRhulumenteni: (ULwimi lweeNkobe) |
10 iiyure |
7/8 iiyure |
7/8 iiyure |
ULwimi lwasebuRhulumenteni: (ULwimi lokuQala oloNgezelelweyo) |
|
3/2 iiyure |
4/3 iiyure |
IMathematika |
7 iiyure |
7 iiyure |
7 iiyure |
IZakhono zoBomi |
6 iiyure |
6 iiyure |
7 iiyure |
Zizonke |
23 iiyure |
23 iiyure |
25 iiyure |
|
2.2 |
Iimfuno ezimiselweyo zeeprogram zeSigaba esiPhakathi (amaBakala 4 ukuya ku 6) ukususela ngo-2013 ukubheka phambili.
Umfundi okumaBakala 4 ukuya 6 makenze izifundo ezithandathu (6), njengoko kubonisiwe apha ngezantsi, yaye ahlangabezane nazo zonke ezi mfuno zimiselweyo zovavanyo:
Iimfuno ezimiselweyo zeeprogram: Izifundo |
Ukwabiwa kwexesha ngeveki |
ULwimi lwasebuRhulumenteni (uLwimi lweeNkobe) |
6 iiyure |
ULwimi lwasebuRhulumenteni (uLwimi lokuQala oloNgezelelweyo) |
5 iiyure |
Olunye kwezi lwimi zimbini zifundiswayo, malube lulwimi lokufunda nokufundisa. |
ULwimi lwesiBini oloNgezelelweyo (alunyanzelekanga) |
Izikolo mazenze amalungiselelo exesha elongezelelwa kwiiyure eziyi-27½ |
IMathematika |
6 iiyure |
IiSayensi zeNdalo neThekhinoloji |
3 ½ iiyure |
IZakhono zoBomi |
4 iiyure |
IiSayensi zezeNtlalo |
3 iiyure |
Zizonke |
27 ½ iiyure |
|
2.3 |
Iimfuno ezimiselweyo zeeprogram zamaBakala 7 ukuya 9 ngo-2013.
KumaBakala 7 ukuya ku 9 ngo-2013, umfundi makenze izifundo ezilithoba (9), njengoko kubonisiwe apha ngezantsi, yaye makahlangabezane nazo zonke ezi mfuno zimiselweyo zovavanyo:
Izifundo |
ULwimi lwasebuRhulumenteni (uLwimi lweeNkobe) |
ULwimi lwasebuRhulumenteni (uLwimi lokuQala oloNgezelelweyo) |
ULwimi lwesi-3 (alunyanzelekanga) |
IMathematika |
IiSayensi zeNdalo |
IiSayensi zezeNtlalo |
Ithekhinoloji |
IiSayensi zezoQoqosho noLawulo |
ULwazi ngezoBomi |
UbuGcisa neNkcubeko |
|
2.4 |
Iimfuno ezimiselweyo zeeprogram zamaBakala 10 ukuya ku-12.
Izifundo ezivunyiweyo ezingqinelanayo neemfuno ezimiselweyo zeeprogram zamaBakala 10 ukuya ku-12 zidweliswe kwisiHlomelo B soMgaqo-nkqubo kaZwelonke oPhathelele kwiiMfuno eziMiselweyo zeeProgram nezokuPasa zeNkcazo yeKharityhulam kaZwelonke yamaBakala R - 12. Abafundi mabafunde izifundo ezisixhenxe (7), njengoko kubonisiwe kule theyibhile ingezantsi:
Inombolo yesifundo |
Izifundo |
Ezinokukhethwa ngumfundi |
IQela A: Izifundo ezine (4) |
1 |
ULwimi lwasebuRhulumenteni (ULwimi lweeNkobe) |
Lunyanzelekile |
2 |
ULwimi lwasebuRhulumenteni (ULwimi lokuQala oloNgezelelweyo) |
Lunyanzelekile |
Olunye kwezi lwimi zimbini zifundiswayo malube lulwimi lokufunda nokufundisa. |
3 |
IMathematika |
Esinye isifundo kwezi zibini sinyanzelekile. |
ULwazi ngeMathematika |
4 |
ULwazi ngezoBomi |
Lunyanzelekile |
IQela B: Izifundo ezithathu (3) |
Izifundo ezithathu mazikhethwe kwisiHlomelo B njengoko kubonisiwe kuMgaqo-nkqubo kaZwelonke oPhathelele kwiiMfuno eziMiselweyo zeeProgram nezokuPasa zeNkcazo yeKharityhulam kaZwelonke yamaBakala R -12. |
|
3. |
Ukurekhoda nokwenza iripoti (Recording and reporting). |
3.1 |
AmaNqanaba eMpumelelo eNkcazo yeKharityhulam kaZwelonke (Scale of Achievement for the National Curriculum Statement).
Ezi nkcazo zamanqanaba empumelelo zilandelayo ziya kusetyenziselwa ukurehoda nokwenza iripoti (recording and reporting) kumaBakala R-12 ukususela ku-2013 ukubheka phambili:
Inqanaba lempumelelo (Ikhowudi yokuReyitha) |
Inkcazo yempumelelo |
Ipesenti % |
7 |
Uphumelele emagqabini |
80 – 100 |
6 |
Uphumelela ngokuqaqambileyo |
70 – 79 |
5 |
Uphumelele kakhulu |
60 – 69 |
4 |
Uphumelele ngokwanelisayo |
50 – 59 |
3 |
Uphumelele ngomndilili |
40 – 49 |
2 |
Uphumelele kancinane |
30 – 39 |
1 |
Akaphumelelanga |
0 – 29 |
|
3.2 |
Uvavanyo oluqhubekela esikolweni (school-based assessment).
UVavanyo oluQhubekela eSikolweni (School-based Assessment) lulicandelo elinyanzelekileyo yaye kufuneka lwenziwe ngolu hlobo lulandelayo kwizigaba ezahlukeneyo zeGET neFET ngo-2013:
ISigaba |
Icandelo le-SBA % |
Uviwo lokuphela konyaka % |
ISigaba seSiseko |
100 |
0 |
ISigaba esiPhakathi |
75 |
25 |
ISigaba saBadala (AmaBakala 7 no-8) |
100 |
0 |
ISigaba saBadala (IBakala 9) |
75 |
25 |
I-Further Education and Training Band |
25 |
75 |
|
3.3 |
Ukurekhoda nokwenza iripoti ngendlela aqhuba ngayo umfundi kumabakala ahlukeneyo ngo-2013.
IBakala |
Ukurekhoda nokwenza iRipoti |
AmaBakala R ukuya ku 3 |
Ikhowudi yokuReyitha neenkcazo zokuPhumelela |
AmaBakala 4 ukuya ku 6 |
Ikhowudi yokuReyitha neePesenti/Iinkcazo zokuphumelela (okanye zombini) |
AmaBakala 7 ukuya ku 9 |
Ikhowudi yokuReyitha neePesenti /Iinkcazo zokuphumelela (okanye zombini) |
AmaBakala 10 ukuya ku 12 |
Ikhowudi yokuReyitha neePesenti |
Makusetyenziswe iikhomenti ukuchaza ukuphumelela komfundi.
|
4. |
Ukudlulela kwelinye iBakala nokuPasa kumaBakala R ukuya ku 12. |
4.1 |
Iimfuno zokudlulela kwelinye iBakala zeBakala R.
IZifundo |
Iimfuno ezimiselweyo zokudlulela kwelinye iBakala |
ULwimi lweeNkobeIMathematika |
INqanaba 4 ( Uphumlele ngokwanelisayo) (50%-59%) kunye neNqanaba 3 ( Uphumlele ngomndilili) (40%-49%) |
SBA = 100 % yamanqaku ewonke/yamanqaku okugqibela okudlulela kwelinye ibakala |
Kangangoko kwenzeka, bonke abafundi bafanele ukudlulela phambili ukusuka kwelinye ibakala baye kwelilandelayo ngokuxhomekeka ekubeni bakwiqela lobudala obuchanekileyo.
Kwizikolo ekufundiswa kuzo iBakala R nalapho ulwimi lokufunda nokufundisa lungelolwimi lweenkobe lomfundi, umfundi ololu hlobo ufanele ukuvunyelwa ukuba adlulele phambili ukusuka kwelinye ibakala aye kwelilandelayo ukuba uphumelele ngomndilili (ngekhowudi yokureyitha engu-3) kuLwimi lweeNkobe.
|
4.2 |
Iimfuno ezimiselweyo zokudlulela kwelinye iBakala kumaBakala 1 ukuya ku 3. |
4.2.1 |
Oku kulandelayo sisikhokelo sokubonisa inkqubela yomfundi kwiBakala 1 ukuya ku-2, kwiBakala 2 ukuya ku-3 nakwiBakala 3 ukuya ku-4:
IZifundo |
Iimfuno ezimiselweyo zokudlulela kwelinye iBakala |
ULwimi lweeNkobe |
ULwimi lokuQala oloNgezelelweyo |
IMathematika |
Ukudlulela phambili kusekelwe kwezi zifundo zithathu ziboniswe apha ngentla. |
4.2.2 |
Ukuba umfundi okumaBakala 1 ukuya ku 3 akazifezekisi ezona mfuno zisezantsi zesikhokelo zokudlulela kwibakala elilandelayo kuzo zozithathu izifundo ezifunekayo ityeli lesibini kwiSigaba seSiseko, umfundi ololu hlobo unokugcinwa kube kanye qwaba kwiSigaba seSiseko, kungabandakanywa iBakala R, ukwenzela ukuthintela ukuba loo mfundi angagcinwa kwesi sigaba ithuba elingaphezu kweminyaka emine. |
4.2.3 |
Abafundi abaphinda ibakala mabanikwe inkxaso eyongezelelweyo neyaneleyo |
4.2.4 |
Abafundi abazizithulu abakwizikolo zemfundo eneemfuno ezizodwa okanye abaye bavavanywa baza ubuthulu babo bangqinwa yingcali yezempilo ebhalisiweyo, banako ukuPhumelela kaNcinane (ngeKhowudi yokureyitha engu-2) kolunye lweelwimi zaseburhulumenteni ezimbini ezifunekayo njengoko kuchatshazelwe apha ngasentla. Abo bafundi bazizithulu bavumelekile ukwenza uLwimi lweMiqondiso lwaseMzantsi Afrika (South African Sign Language) njengolwimi lokufunda nokufundisa endaweni yolwimi lwaseburhulumenteni lwesibini olufunekayo. Oku kuza kuba ngamalungiselelo ethutyana de kube kugqitywe iiNkcazo zeMigaqo-nkqubo yeKharityhulam noVavanyo yoLwimi lweMiqondiso lwaseMzantsi Afrika lwaseburhulumenteni olufanelekileyo yaye zaza zamkelwa. Umhlathi 4.2.2 no-4.2.3 nayo ikwasetyenziswa kubafundi abazizithulu. |
4.3 |
Iimfuno ezimiselweyo zokupasa kumaBakala 4 - 6 ukususela ngo-2013
IZifundo |
Iimfuno ezimiselweyo zokudlulela kwelinye iBakala |
ULwimi lweeNkobe ULwimi lokuQala oloNgezelelweyo IMathematika
IiSayensi zeNdalo neThekhinoloji IiSayensi zezeNtlalo IZakhono zoBomi
|
INqanaba 4 ( Uphumelele ngokwanelisayo) (50%-59%) INqanaba 3 ( Uphumelele ngomndilili) (40%-49%)
INqanaba 3 ( Uphumelele ngomndilili) (40%-49%)
INqanaba 3 ( Uphumelele ngomndilili) (40%-49%) kuzo naziphi na izifundo eziBINI kwezo zithathu zisaleleyo |
Uviwo = 25 % yamanqaku ewonke/yamanqaku okugqibela okudlulela kwelinye ibakala Uviwo oluqhutyelwa esikolweni = 75 % yamanqaku ewonke/yamanqaku okugqibela okudlulela kwelinye ibakala |
Ukudlulela phambili kusekelwe kwizifundo ezihlanu kwezithandathu eziboniswe apha ngentla. |
4.3.1 |
Abafundi abazizithulu abakwizikolo zemfundo eneemfuno ezizodwa okanye abaye bavavanywa baza bangqinwa yingcali yezempilo ebhalisiweyo, banako ukuPhumelela kaNcinane (ngeNqanaba 2) (30 - 39%) kolunye lweelwimi zaseburhulumenteni ezimbini ezifunekayo. |
4.3.2 |
Ukuba umfundi okumaBakala 4 ukuya ku 6 akazifezekisi ezona mfuno zisezantsi zesikhokelo zokudlulela kwibakala elilandelayo kuzo zozihlanu izifundo ezifunekayo ukuze abe nokudlulela phambili, umfundi ololu hlobo unokugcinwa kube kanye qwaba kwiSigaba esiPhakathi ukwenzela ukuthintela ukuba loo mfundi angagcinwa kwesi sigaba ithuba elingaphezu kweminyaka emine. |
4.3.3 |
Abafundi abaphinda ibakala mabanikwe inkxaso eyongezelelweyo neyaneleyo ukwenzela ukuba bafikelele kulwazi olufanelekileyo lokwenza bakwazi ukudlulela kwibakala elilandelayo. |
4.3.4 |
Iimfuno ezimiselweyo zokudlulela kwesinye isigaba zabafundi abavela kwamanye amazwe kumaBakala 4 - 6 ukususela ngo-2013 ukubheka phambili.
Izifundo |
Iimfuno ezimiselweyo zokudlulela kwelinye iBakala |
ULwimi lweeNkobe ULwimi lokuQala oloNgezelelweyo
IMathematika
IiSayensi zeNdalo neThekhinoloji IiSayensi zezeNtlalo IZakhono zoBomi |
Umfundi ovela kwelinye ilizwe unokupasa ulwimi olunye kwezo lwimi zaseburhulumenteni zimbini zifunekayo ubuncinane uLwimi lokuQala oloNgezelelweyo (FAL)
ngeNqanaba 3 (Uphumelele ngomndilili) kolo lwimi, ngokuxhomekeka ekubeni uyangqinelana nezi mfuno zingummiselo:
INqanaba 3 (Uphumelele ngomndilili) (40% - 49%)
INqanaba 3 (Uphumelele ngomndilili) (40% - 49%) kuzo zonke zozithathu (3) izifundo ezithathu (3) ezisaleleyo |
Uviwo = 25% yamanqaku ewonke/ yamanqaku okugqibela okudlulela phambili Uviwo oluqhutyelwa esikolweni = 75% yamanqaku ewonke/ yamanqaku okugqibela okudlulela phambili |
Ukudlulela phambili kusekelwe kwizifundo ezihlanu kwezithandathu eziboniswe apha ngentla. |
4.4 |
Ukudlulela phambili kwamaBakala 7 no-8 ngo-2013.
Ngo-2013, kuya kusebenza ezi khrayitheriya zilandelayo (njengoko zicaciswe kwiGazethi kaRhulumente No. 29626), kumaBakala 7 no-8: |
4.4.1 |
Apho umfundi afuna ixesha elingaphezulu lokubonisa impumelelo, izigqibo ziya kwenziwa ngokususela kwiingcebiso zabathathi-nxaxheba abachaphazelekayo: ootitshala, abafundi, abazali nabeenkonzo zenkxaso zezemfundo. |
4.4.2 |
Nasiphi na isigqibo ngokudlulela kwesinye isigaba kufanele sisuselwe kubungqina bendlela aqhuba ngayo umfundi xa kuthelekiswa nemisebenzi yovavanyo erekhodiweyo. |
4.4.3 |
Akukho mfundi ufanele ukuhlala kwisigaba esinye ithuba elide ngaphezu kweminyaka emine. |
4.4.4 |
Umfundi unokugcinwa kube kanye qwaba kwiSigaba saBadala ukwenzela ukuthintela ukuba loo mfundi angagcinwa kwesi sigaba ithuba elingaphezu kweminyaka emine. |
4.5 |
Iimfuno ezimiselweyo zokupasa kwiBakala 9 ngo-2013. |
4.5.1 |
Umfundi uya kupasela kwiBakala 10 ukuba uyazanelisa ezi mfuno zingumiselweyo zilandelayo:
Izifundo |
Iimfuno ezimiselweyo zokupasa |
Ulwimi lwaseburhulumenteni 1 ULwimi lweeNkobe |
INqanaba 3 (Uphumelele ngomndilili) (40% - 49%) kolunye lweelwimi zaseburhulumenteni INqanaba 2 (Uphumelele kancinane) (30% - 39%) kulo naluphi na olunye ulwimi lwaseburhulumenteni |
Ulwimi lwaseburhulumenteni 2 ULwimi lweeNkobe |
IMathematika |
INqanaba 3 (Uphumelela ngomndilili) (40% - 49%) |
IiSayensi zeNdalo |
INqanaba 3 (Uphumelele ngomndilili) (40% - 49%) kwizifundo ezine (4) kwezithandathu (6) eziseleyo |
IiSayensi zezeNtlalo |
IThekhinoloji |
IiSayensi zezoQoqosho noLawulo |
ULwazi ngezoBomi |
UbuGcisa neNkcubeko |
kupasa kusekelwe kwizifundo ezisixhenxe kwezisithoba eziboniswe apha ngasentla.
|
4.5.2 |
Ukunyuselwa kwinqanaba leBakala 9.
Umfundi uya kunyuselwa kube kanye kuphela kwezi meko zilandelayo:
IMathematika |
Inqanaba 2 Ukuphumelela kancinane (30% - 39%) |
IiLwimi |
Inqanaba 2 Ukuphumelela kancinane (30% - 39%) |
Esinye kwizifundo ezine ezizezinye |
Inqanaba 2 Ukuphumelela kancinane (30% - 39%) |
|
4.5.3 |
Iminyinyiva nokuxolelwa kwiBakala 9
Umfundi ovela kwelinye ilizwe obe kweli lizwe iminyaka engaphantsi kwemithathu ngethuba lokuqala konyaka weBakala 9 makenze iilwimi zaseburhulumenteni ezimbini, yaye kufuneka aphumelele ngomndilili kulwimi olunye kuphela kwezi lwimi.
Umfundi ongevayo ufanele ukwenza iilwimi ezimbini zaseburhulumenteni, yaye kufuneka aphumelele ngomndilili kulwimi olunye kuphela kwezi lwimi.
Abafundi abanazo naziphi na iimfuno ezizodwa ezizezinye, kubandakanywa neemeko apho kukho ingxaki enkulu yokufunda bacacise amagama, (dyslexia) nengxaki yokufunda imathematika (dyscalculia), kufuneka nabo baqwalaselwe ngenjongo yokunikwa uxolelo.
Iimfuno ezintsha ezimiselweyo zokudlulela kwelinye ibakala nezokupasa kumaBakala 7-9 ziya kuphunyezwa ngo-2014.
|
4.6 |
Iimfuno ezimiselweyo zokupasa zamaBakala 10 ukuya ku 12.
Abafundi kumaBakala 10 ukuya ku 12 baya kupasa ukuba:
|
4.6.1 |
benze baza bagqiba uvavanyo oluqhubekela esikolweni, imisebenzi yovavanyo ye-orali, imisebenzi yovavanyo lweprakhtikhali (apho kusebenzayo oku) yaye bafezekisa iimfuno ezimiselweyo zovavanyo lokuphela konyaka kwizifundo ezingekho ngaphantsi kwezisixhenxe; baze |
4.6.2 |
baphumelela ngo-40% kwizifundo ezithathu, esinye kuzo sibe lulwimi lwaseburhulumenteni kwiNqanaba loLwimi lweeNkobe, nango-30% kwizifundo ezithathu, ngokuxhomekeka ekubeni kungeniswe icandelo leemvavanyo eziqhubekela esikolweni kwisifundo sesixhenxe. Iimfuno ezimiselweyo zokupasa ziboniswe kule theyibhile ingezantsi:
Iimfuno ezimiselweyo zokupasa |
Ipesenti efunekayo |
Isifundo 1: ULwimi lweeNkobe |
40% |
Isifundo 2 |
40% |
Isifundo 3 |
40% |
Isifundo 4 |
30% |
Isifundo 5 |
30% |
Isifundo 6 |
30% |
Isifundo 7 |
0 – 29% |
Umfundi owenze iilwimi zaseburhulumenteni ezingaphezu kolunye kwinqanaba loLwimi lweeNkobe njengenxalenye yezifundo ezisixhenxe (7) ezifunekayo, unako ukupasa ulwimi olongezelelweyo ngo-30%, ukuba uziphumezile iimfuno zokupasa eziboniswe apha ngentla.
|
4.6.3 |
Umfundi unokugcinwa kube kanye qwaba kwiSigaba seMfundo noQeqesho oluQhubelekayo ukwenzela ukuthintela ukuba loo mfundi angagcinwa kwesi sigaba ithuba elingaphezu kweminyaka emine. |
4.6.4 |
Abafundi abaphinda nokuba liBakala 10 okanye 11 mabanikwe inkxaso efanelekileyo. |
4.6.5 |
Ukudlulela phambili kumaBakala 10 – 12 akusosiqinisekiso sokuba umfundi uya kufumana isatifikethi sokugqibela kwiBakala 12. Umfundi ololu hlobo makangqinelane neemfuno ezimiselweyo zokufumana isatifikethi (certification requirements), njengoko kuchatshazelwe kumhlathi 37 (1) we-NPPPR of the NCS Grades R–12, ukwenzela ukuba abenako ukufumana iSatifikethi seMatriki sikaZwelonke. |
4.7 |
Iimfuno ezimiselweyo zokupasa kubafundi abavela kwamanye amazwe kumaBakala 10 ukuya ku 12. |
4.7.1 |
Umfundi ovela kwelinye ilizwe angenza ulwimi lwaseburhulumenteni olunye qwaba ubuncinane kwiNqanaba loLwimi lokuQala oloNgezelelweyo (First Additional Language
Level), ngokuxhomekeka ekubeni lulwimi lokufunda nokufundisa, kwaye makafumane ireyithi yokupasa engu-30% kolo lwimi nangokuxhomekeka ekubeni wenza esinye isifundo esikwisiHlomelo B kuMgaqo-nkqubo kaZwelonke oPhathelele kwiiMfuno eziMiselweyo zeeProgram nezokuPasa zeNkcazo yeKharityhulam kaZwelonke yamaBakala R - 12. |
4.7.2 |
Umfundi ovela kwelinye ilizwe unokwenza uLwimi lwakhe lweeNkobe endaweni yolo lwimi lwaseburhulumenteni lunye, ngokuxhomekeka kumgqaliselo wokuba olo lwimi ludwelisiwe kwinqanaba loLwimi lweeNkobe kwiTheyibhile 4 yesiHlomelo B. |
5. |
Kucelwa wazise okukule setyhula bonke abachaphazelekayo ukuze bayithathele ingqalelo. |
ISAYINWE: NGU-PENNY VINJEVOLD
INTLOKO: YESEBE LEMFUNDO
UMHLA: 2013:06:10
|
|