1. UMphathiswa wePhondo ophathiswe ezemfundo eNtshona Koloni, esenza ngokwesiqendu 3(1) soMthetho weMfundo weZikolo zePhondo leNtshona Koloni, 1997 (UMthetho 12 ka-1997) wenze uMgaqo-nkqubo weNtshona Koloni ongeZikim zoThutho lwaBafundi eZikolweni zikaRhulumente eziQhelekileyo.

2. Lo mgaqo-nkqubo uthatha indawo yoMgaqo-nkqubo woThutho lwaBafundi weSebe iWCED weZikolo zikaRhulumente eziQhelekileyo, owawuthunyelwe ezikolweni ngeSetyhula 0046/2012, yomhla we-3 Disemba 2012.

3. Lo mgaqo-nkqubo mtsha usingethe le miba ilandelayo:

  1. Iimfuno ezingummiselo nokwabiwa kwezithuthi ngokwemigaqo;
  2. Iimfuno ezingummiselo zokwabiwa kwezithuthi;
  3. Ukusebenza kweskim nemvumelwano yokwenza inkonzo;
  4. Ukhuseleko lwabafundi neembopheleleko zeekontraki;
  5. Inkxaso-mali;
  6. Ukupheliswa kweskim sothutho lwabafundi;
  7. Izikhalazo;
  8. Izibheno.
4. Okuqhotyoshelwe apha zezi kopi zilandelayo ozithunyelelwayo:

  1. Umgaqo-nkqubo wothutho lwabafundi omtsha;

  2. Ifom WCED 061, emayizaliswe ngumfundi ngamnye othuthwayo ize isayinwe yinqununu nangumzali, egunyazisa umfundi ukuba asebenzise isikim sothutho lwabafundi;

  3. Uluhlu lokutshekisha lweSebe iWCED LTS. 1, oluza kusetyenziswa yinqununu okanye ngulowo idlulisele kuye amagunya lokutshekisha ukulungela ukuba sendleleleni kwezithuthi ezithutha abafundi.
5. Kucelwa iinqununu zazise okukule setyhula bonke abasebenzi abasezikolweni ukwenzela ukuba bakuthathele ingqalelo.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:04:30

"Western Cape Provincial School Education Act, 1997"  (ubukhulu: 61 KB)
UMGAQO-NKQUBO WENTSHONA KOLONI ONGEZIKIM ZOTHUTHO LWABAFUNDI  (ubukhulu: 88 KB)
WCED 061: ISICELO SOKWAMKELWA KOMFUNDI KWISKIM SOTHUTHO LWABAFUNDI  (ubukhulu: 54 KB)
iWCED LTS. 1  (ubukhulu: 57 KB)