| 1. |
Ngo-2014 amaxwebhu eeNkcazo zoMgaqo-nkqubo weKharityhulam noVavanyo (Curriculum and Assessment Policy Statements (CAPS)) aya kuphunyezwa kwiSigaba saBadala (kumaBakala 7, 8 no-9) nakwiBakala 12. |
| 2. |
Ukwenzela ukunika inkxaso ukuphunyezwa kweCAPS, iSebe leMfundo leNtshona Koloni (WCED) liya kunika bonke abafundi iincwadi zezifundo ezingqinelaniswe neCAPS kwezi zifundo zilandelayo,
- AmaBakala 7, 8 no-9: ULwimi lweeNkobe, uLwimi lokuQala oloNgezelelweyo, iMathematika, uLwazi ngezoBomi, iiSayensi zezeNtlalo, iiSayensi zeNdalo, ezobuGcisa kwi-Creative Arts, ii-Technology and Economic Management Sciences
- IBakala 12: ULwimi lweeNkobe, uLwimi lokuQala oloNgezelelweyo, iMathematika /uLwazi lweMathematika, uLwazi ngezoBomi nezinye izifundo ezithathu ezikhethiweyo.
Ziya kucelwa izikolo ukuba zithenge izikhokelo zootitshala kwisabelo-mali sazo esikhutshwa ngokweMimiselo neMigangatho yoLwabiwo-mali.
|
| 3. |
Iikhathalogu zikazwelonke zeencwadi zezifundo zeCAPS ezivunyiweyo zamaBakala 7, 8, 9 no-12, ezikhutshwe liSebe leMfundo esiSiseko, ziya kwenziwa zifumaneke kuzo zonke izikolo ungadlulanga owe-15 Apreli 2013. |
| 4. |
Imiboniso yeencwadi zezifundo zeCAPS iya kwenziwa kwiindawo ezikwizithili zemfundo ngoMeyi 2013, apho ziya kuboniswa khona zonke iincwadi zezifundo zeCAPS zamaBakala 7, 8, 9 no-12 nezikhokelo zootitshala ezidweliswe kwiikhathalogu zikazwelonke, ukwenzela ukuba nizifunde ngenyameko. Kuya kunikwa ingcaciso ebalulekileyo ukwenzela ukuba izikolo zikhethe iincwadi zezifundo zinolwazi. Ziya kwaziswa izikolo ngeendawo neeprogram zemiboniso ngo-Apreli 2013. |
| 5. |
Izikolo ziya ku-odola iincwadi zezifundo zazo ezizikhethileyo zamaBakala 7, 8, no-9 nezeBakala 12 ngefasilithi yoku-odola yeCAPS kwiCEMIS ngoJuni 2013. Imihla yokuvalwa kokufakwa kwezi odolo zeencwadi zezifundo kwiCEMIS iya kuqinisekiswa ngoMeyi 2013. |
| 6. |
ISebe iWCED liya kuzithenga iincwadi zezifundo zeCAPS egameni lezikolo zikarhulumente |
| 7. |
Kufuneka izikolo zihlaziye yaye zingqinisise amanani obhaliso abafundi ngokwebakala ngalinye, ngokwesifundo ngasinye nangokolwimi ngalunye (uLwimi lweeNkobe noLwimi lokuQala oloNgezelelweyo) kwiCEMIS. |
| 8. |
ISebe iWCED liya kusebenzisa amanani obhaliso akhoyo ngoku kumaBakala 7, 8, 9 no-12, liwasebenzise kwakunye nereyithi yokupasa yeminyaka yangaphambili neethagethi ezimiselwe sisikolo, ukuqingqa ubungakanani beencwadi zezifundo zeCAPS ezinoku-odolwa ngebakala ngalinye nangokwesikolo ngasinye. |
| 9. |
Kucelwa wazise okukule setyhula bonke ootitshala nabasebenzi abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:03:14
|
 |