Kuvunyiwe ukunyuswa kwenkxaso-mali ngomfundi ngamnye kubafundi abakwiiklasi ezivunyiweyo zeBakala R kwizikolo zikarhulumente eziqhelekileyo nakwizikolo ezizimeleyo zophuhliso lwabafundi abasaqalayo (ECD) ukususela kwi-1 Apreli 2013. Inkxaso-mali ngomfundi ngamnye ngosuku inyuswe ngolu hlobo lulandelayo:

Izikolo zikarhulumente eziqhelekileyo nee-ECD zezikolo ezizimeleyo

kwiNqanaba leNtlupheko 1 ukusuka ku-R18.00 - R20.00 (R4 000.00 ngomfundi ngonyaka);
kwiNqanaba leNtlupheko 2 ukusuka ku-R17. 00 - R19.00 (R3 800.00 ngomfundi ngonyaka);
kwiNqanaba leNtlupheko 3 ukusuka ku-R16. 00 - R18.00 (R3 600.00 ngomfundi ngonyaka);
kwiNqanaba leNtlupheko 4 ukusuka ku-R12. 00 - R17.00 (R3 400.00 ngomfundi ngonyaka); yaye
kwiNqanaba leNtlupheko 5 ukusuka ku-R10 .00 - R16.00 (R3.200.00 ngomfundi ngonyaka);

Isikolo sikarhulumente esiqhelekileyo esinabafundi abangaphantsi kuka-20 siya kufumana inkxaso-mali eyi-R84 000.00 ngonyaka eyenziwa zezi zixa-mali, R72 000.00 yomvuzo wonyaka weprakthishina yeBakala R ne-R12 000.00 yokuthenga izibonelelo zokuxhasa ukufunda nokufundisa (LTSM) nokuhlawulwa iinkonzo zosetyenziso lombane, lwamanzi, njl. njl. (utility services).

Inyusiwe inkxaso-mali yezikolo zikarhulumente eziqhelekileyo ezisemaphandleni ezifanele ukufumana (qualify) eyona nkxaso-mali isezantsi, yayi-R 84 000.00 ngonyaka.

Isixa sokuqala senkxaso-mali siya kuhlawulwa ngo-Apreli, size esesibini sihlawulwe ngo-Oktobha.

Ziyakhunjuzwa iinqununu zezikolo zikarhulumente eziqhelekileyo neentloko zezikolo ezizimeleyo ukuba iifom zamabango enkxaso-mali yeBakala R (IziHlomelo A, B, C no-D) mazizaliswe ngokuchanekileyo yaye zisayinwe phambi kokuba zingeniswe kwi-ofisi yesithili semfundo. Makungeniswe kwakhona iikopi zeerejista zokuhamba isikolo (attendance registers), ingxelo yeCEMIS, iipeyisliphu, iirisithi ze-LTSM nobungqina bentlawulo eyinxenye ehlawulweyo kwiinkonzo zosetyenziso lombane, lwamanzi njl.njl.

Iifom ezingazaliswanga ngokupheleleyo (okanye iifom ezingeniswe ngqo kwaNdlunkulu) ziya kubuyiswa, yaye oko kuya kukhokelela ekulibazisekeni kwenkqubo yokuvunywa kwazo nokuhlawulwa kwamabango.

Izicelo zenkxaso-mali yekota zika-2013-2014 mazingeniswe kwii-ofisi zezithili zemfundo kwezo ndawo zikuzo izikolo ngale mihla ilandelayo:

Izikolo zikarhulumente eziqhelekileyo nezizimeleyo ezingaphumeleliyo ukulandela ngqo le mihla ichazwe apha ngentla, ziya kuba zizifaka engxakini yokuphulukana nale nkxaso-mali.

Izikolo ezifuna uncedo malunga nokuzaliswa kweefom zamabango enkxaso-mali maziqhagamshelane nomphathi weze-IMG we-ECD okwi-ofisi yesithili semfundo sazo.

Kusafunyanwa imibuzo emininzi malunga nemivuzo yeeprakthishina zeBakala R. ISebe iWCED linqwenela ukugxininisa kwakhona ukuba imivuzo yeeprakthishina zeBakala R (ngaphandle kwezo prakthishina zisekwizithuba zengqesho zeSebe iWCED), iluxanduva lwebhunga lolawulo lesikolo esichaphazelekayo. Ngoko ke, kunyanzelekile ukuba amabhunga olawulo makenze imvumelwano neprakthishina nganye necacisa ngokuthe gca umvuzo neemeko zengqesho zeprakthishina nganye.

Ukususela nge-1 Apreli 2013, umvuzo ongowona mncinane weprakthishina yeBakala R ufanele ukuba yi-R6 000.00 ngenyanga.

Izikolo ezikumanqanaba entlupheko kazwelonke 1, 2 no-3, ziyakhunjuzwa ukuba iprakthishina yeBakala R inelungelo lokufumana i-80% epheleleyo yesabelo senkxaso-mali.

Amabhunga olawulo ezikolo ezikumanqanaba entlupheko kazwelonke 4 no-5 kufanele asebenzise i-80% yenkxaso-mali ibe ngumvuzo weprakthishina. Ayacelwa kwakhona amabhunga olawulo ezi zikolo ukuba enze igalelo lokongezelela umvuzo weprakthishina ukuba ungaphantsi kowona mvuzo omncinane ekuqalelwa kuwo oyi-R6 000.00 ngenyanga. Kwi-20% eseleyo yenkxaso-mali, i-10% mayisetyenziselwe ukuthenga i-LTSM ize enye i-10% isetyenziselwe iinkonzo zombane nezamanzi.

Ukwenzela ukuthintela nakuphi na ukuhlawulwa imivuzo engaphantsi kwefanelekileyo (underpayment of salaries), ziyacelwa izikolo ukuba zisebenzise ingcaciso ekwisiHlomelo A kunye/okanye ziqhagamshelane namagosa ezithili zawo ukuba zifuna uncedo ngokubalwa ngokuchanekileyo kwemivuzo yeeprakthishina zazo.