Besonderhede van die Norme-en-standaardetoekenning (N&S-toekenning) vir u skool vir die finansiële jaar wat strek vanaf 1 April 2013 tot 31 Maart 2014 verskyn op SOBIS. Skole kan toegang daartoe verkry deur die volgende te doen:

• Log aan op SOBIS.
• Kies "Public Ordinary"
• Kies jou skool
• Kliek "Proceed". Beweeg die pyltjie oor die "Administration"-keuse-item op "Norms and Standards Allocation". Kies "N&S 2013".
• Druk die bladsy.

U aandag word op die volgende gevestig:

Ooreenkomstig paragraaf 109 van die NNSSB moet die provinsiale onderwysdepartemente die nasionale armoedeverspreidingstabel (armoedetabel) gebruik om te bepaal hoe die teikenbedrae in elke provinsie toegewys moet word. Die gewysigde tabel hieronder gee 'n aanduiding van die persentasie van leerders in die Wes-Kaap wat in die verskillende nasionale kwintiele (NK's) geplaas mag word.

Artikel 21-skole sal hul N&S-toekenning vir die 2013/14 finansiële jaar in twee paaiemente ontvang, naamlik 60% in April/Mei 2013 en 40% in November 2013. Artikel 21-skole moet hulle eerste oordragbetaling (60%), wat gedurende April/Mei 2013 gemaak sal word, gebruik om hulle leer- en onderrigondersteuningsmateriaal (LOOM) vir 2014 aan te koop sodat dit voor die einde van September 2013 beskikbaar sal wees, en ook om vir ander uitgawes te betaal, soos in paragraaf 3.1 hieronder bepaal. Die tweede oordragbetaling (40%) wat gedurende November 2013 gemaak sal word, moet gebruik word om toepaslike skoolverwante uitgawes tot aan die einde van die Staat se boekjaar, nl. 31 Maart 2014, te dek.

20% van die totale N&S-toekenning vir artikel 21-skole wat in April/Mei 2013 oorbetaal word (kyk paragraaf 2.1 hierbo), moet teruggehou word vir uitgawes wat voorheen deur skoolgelde gedek is. Skole sal in kennis gestel word van hierdie bedrag in die N&S toekeningsbrief. Dit moet in gedagte gehou word dat die skool tot April 2014 met hierdie bedrag sal moet uitkom, wanneer die betaling vir die nuwe finansiële jaar ontvang sal word.

Daar word voorgestel dat skole hulle beskikbare toekenning soos volg tussen die onderskeie uitgawekategorieë verdeel:

• 50% vir LOOM-bestellings vir 2014 waarvan 10% spesifiek vir biblioteekmateriaal gereserveer moet wees. (Elke leerder moet 'n handboek vir elke leerarea/vak hê. Die voorraad skoolbiblioteekmateriaal moet jaarliks aangevul word totdat die totale aantal items die minimum van die internasionale standaarde van 10 items per leerder weerspieël. Sien paragraaf 3.1.1 hieronder vir die lys van items wat onder LOOM val.)
• 24% vir munisipale dienste.
  (Skole kan egter begroot vir 'n groter persentasie as uitgawe-tendense dit noodsaak.)
• 6% vir instandhouding, en
• 20% vir plaaslike aankope.

1. Die Departement van Basiese Onderwys (DBO) definieer LOOM as enige materiaal wat onderrig en leer direk in die klaskamer of by die huis (huiswerk) ondersteun en fasiliteer. Dit sluit die volgende in:
   • Handboeke, leesboeke, naslaanboeke, voorgeskrewe werke, atlasse en woordeboeke;
   • Werkboeke;
   • Plakkate en land- en muurkaarte;
   • Opvoedkundige bordspeletjies
   • Biblioteekmateriaal (fiksie en niefiksie, naslaanboeke, video.s wat vooraf opgeneem is, DVD's, oudiokassette, CD's, CD-ROM.s, multimedia, ens.);
   • Rekenaarsagteware en lisensies;
   • Hulpbronmateriaal vir onderwysers, leerders, klaskamer en biblioteek.

2. Van skole word verwag om hulle volle LOOM-toekenning te gebruik vir die aankoop van LOOM wat die implementering van die Kurrikulum en Assesseringsbeleidsverklarings (KABV) in hulle klaskamers sal verryk en versterk. Skole word dus aangemoedig om hulle LOOM-toekenning te benut vir die aankoop van aanvullende handboeke, voorgeskrewe werke, atlasse, woordeboeke, plakkate, kaarte, muurkaarte, opvoedkundige bordspeletjies, biblioteekmateriaal (fiksie en niefiksie, naslaanboeke, video-opnames, DVD's, oudiokassette, CD's, CD-ROM's, rekenaarsagteware en Huishoudkunde- en Wetenskaplaboratoriumtoerusting.

3. Onderhewig aan die volgende voorwaardes, kan skole minder geld aan LOOM toeken:
   • indien elke leerder in die skool oor 'n handboek vir elke leerarea of vak beskik en toegang tot ander LOOM-hulpbronne het; en
   • indien die skool jaarliks 10% van die LOOM-toekenning vir die aankoop van biblioteekmateriaal gebruik het om die biblioteekvoorraad aan te vul en die totale aantal items in die biblioteekvoorraad nou bestaan uit die minimum internasionale standaard van 10 items per leerder; en
   • indien die beheerliggaam . formele besluit aangaande die afwyking geneem het. (Hierdie besluit van die beheerliggaam rakende die begroting wat aan 'n ouervergadering voorgele word, moet verduidelik word en die bedrag wat per leerder aan LOOM bestee is, moet voorsien word. Hierdie besluit moet by die ouervergadering voorgele word, ongeag of dit deur die IBB-bestuurder ondersteun word of nie.)

4. Hoe om LOOM te verkry
   • Artikel 21-skole moet mededingende kwotasies vir LOOM-bestellings van verskaffers van LOOM verkry wanneer hulle bestellings plaas.
   • Wanneer skole aanvullende LOOM bestel, moet skole alle Grondslagfase- en graad 10 KABV-handboeke uit die goedgekeurde nasionale katalogusse bestel (Verwys na Inrigtingshulpbronondersteuningsminuut 0004/2011 en 0005/2011)
   • Voorgeskrewe letterkundeboeke vir graad 4 tot 9 en graad 10 tot 12 moet gekies word van die aanbevole boekelys wat onder skole gesirkuleer is.
   • Die nasionaal-goedgekeurde VOO-katalogus (sien DKV-minuut 016/2009) is steeds van toepassing vir graad 12-handboekeaanvullings.
   • Wanneer skole skoolbiblioteekmateriaal kies, moet hulle in verbinding tree met die EDULIS-koördineerder: Skoolbiblioteekdienste, me Theresa de Young (tel. 021 957 9638) vir bystand met die seleksie van aanbevole titels. Die distrik se skoolbiblioteekadviseur en/of bronnesentrum-koördineerder kan ook in verband met die ontwikkeling van hul skoolbiblioteke gekontak word.

1. Die N&S-toekenning aan skole is bedoel vir die betaling van, onder andere, hulle maandelikse munisipalediensterekeninge, bv. elektrisiteit, water, riool en vullisverwydering (beskikbaarheid- en verbruiksgelde), maar sluit die betaling van eiendomsbelasting uit. Soos in die verlede, sal die Staat die eiendomsbelasting op eiendom wat in die naam van die RSA geregistreer is, betaal.
2. Skole moet steeds, onder andere, die besparingsmaatreëls wat in Bylae A aangedui word, toepas.
3. ESKOM en die meeste munisipaliteite het aangedui dat hulle meters vir voorafbetaalde elektrisiteit aan skole beskikbaar kan stel. Dit sal skole in staat stel om hulle elektrisiteitsverbruik beter te beheer.
4. Waar dit vasgestel word dat skole nie hulle munisipale rekeninge vereffen nie, behou die Wes-Kaap Onderwysdepartement (WKOD) die reg voor om N&S-fondse wat aan daardie skole toegeken is, agterweë te hou om uitstaande munisipalediensterekeninge namens die skool te vereffen.

1. Dag-tot-dag instandhouding sluit in die instandhouding van die terrein asook die instandhouding, skoonmaak, opknap, herstel en/of vervanging van spesifieke gedeeltes van skoolgeboue. Gereelde instandhouding moet gedoen word om te verhoed dat skoolgeboue agteruitgaan en noodherstelwerk a.g.v. verwaarlosing nodig het.
2. Waar die N&S-toekenning vir dag-tot-dag onderhoud onvoldoende is, word van skole verwag om die toekenning aan te vul vanuit eie skoolfondse, waar nodig. Skole moet begroot vir dag-tot-dag instandhoudingsherstelwerk na gelang van die toestand van hulle skoolgebou en terrein. Die N&S-toekenning vir dag-tot-dag instandhouding kan ontoereikend wees. In sodanige gevalle behoort skole, waar toepaslik, die toekenning uit die skoolfonds aan te vul.
3. Skole moet . bedrag van sy jaarlikse toekenning vir dag-tot-dag instandhouding terughou vir die instandhouding van toerusting wat gebruik word om die skoolterrein te verfraai, bv. onderhoud van die grassnyer, die aankoop van verf vir banke op die skoolterrein, en die aankoop van kalk en kunsmis.
4. N&S-toekennings mag nie gebruik word vir dag-tot-dag herstelwerk aan koshuise nie. Sodanige herstelwerk moet befonds word uit leerders se losiesgeld en -beurse.

• Besoldiging van beheerliggaam-aangestelde personeel
• Nuwe geboue
• Koshuisuitgawes
• Lenings aan individue of ander instellings

Ingevolge paragraaf 97 van die NNSSB aanvaar die WKOD verantwoordelikheid vir groot noodherstelwerk aan geboue, onderhewig aan die beskikbaarheid van fondse wat vir sulke gebeurlikhede begroot is. Die volgende herstelwerk sal ooreenkomstig die prosedures in Omsendbrief 175/2000 oorweeg word:

Ingevolge artikel 36(1) van die Suid-Afrikaanse Skolewet (Wet 84 van 1996) (SASW) soos gewysig, moet skoolbeheerliggame (SBL.e) alle redelike stappe doen om die staatshulpbronne aan te vul ten einde die gehalte van onderwys wat deur die skool aan alle leerders by die skool voorsien word, te verbeter. Alhoewel geenskoolgeldskole nie verpligte skoolgeld (insluitende registrasiegelde) mag hef nie, word hulle egter aangemoedig om vrywillige bydraes te soek en by fondsinsamelingsfunksies betrokke te raak.

Leerdergetalle

Die WKOD sal alle leerderinskrywing bo 7% hersien en waar leerderinskrywings, gebaseer op die 2013 tiendedagopname „n toename of afname toon van meer as 7% aan die begin van die nuwe skooljaar (2013), in vergelyking met die 2012 JOS-inskrywingsyfer, sal die N&S-toekennings aangepas word vir die toename wat die 7% oorskry. Gewysigde toekenningsbriewe sal teen 31 Maart 2013 aan skole gestuur word.

Alle uitstaande WKOD 043-vorms vir artikel 21-skole moet voor Donderdag 28 Februarie 2012 ingedien word om te voorkom dat onbetaalde fondse verbeur word.