1. Die verlofbedeling vir die toestaan van familieverantwoordelikheidsverlof is uiteengesit in Omsendbrief 59/2003 van 6 Maart 2003.

2. Na die oudit van familieverantwoordelikheidsverlof deur die Ouditeur-generaal, het die Wes-Kaap Onderwysdepartement tot die gevolgtrekking gekom dat nie alle kantoorgebaseerde opvoeders bekend is met die maatrëels wat van toepassing is op familieverantwoordelikheidsverlof nie. Om hierdie rede word die maatrëels aangaande familieverantwoordelikheidsverlof in hierdie omsendbrief uiteengesit.

3. Familieverantwoordelikheidsverlof in die geval van siekte of geboorte

'n Maksimum van *5 werksdae verlof met volle betaling per jaarlikse verlofsiklus sal aan 'n kantoorgebaseerde opvoeder toegeken word indien
3.1 sy gade of lewensmaat geboorte skenk of
3.2 sy of haar kind, gade of lewensmaat siek is.

*NOTA: Resolusie 1/2012 het die maksimum aantal dae van 3 na 5 dae verander.

4. Familieverantwoordelikheidsverlof in die geval van sterfte

'n Maksimum van 5 werksdae verlof met volle betaling per jaarlikse verlofsiklus sal aan 'n kantoorgebaseerde opvoeder toegeken word indien die opvoeder se
4.1 kind, gade of lewensmaat sterf, of
4.2 'n nabyfamilielid sterf.

NOTA: Soos vermeld in Resolusie 1/2012 word 'n nabyfamilielid gedefinieer as die werknemer se ouer, aanneem-ouer, grootouer, skoon-ouers, skoonbroer-en-suster, kind, aangenome kind, stiefkind, kleinkind, broer of suster.

5. Daar word van die kantoorgebaseerde opvoeder verwag om dokumentêre bewys te lewer om die voorgenoemde geleentheid waarvoor verlof aangevra word, te bevestig.

6. Dit moet beklemtoon word dat die maksimum aantal dae wat hierbo aangedui is per jaarlikse verlofsiklus, en nie per geleentheid is nie.

7. Die aantal dae toegeken ten opsigte van familieverantwoordelikheidsverlof mag nie opgehoop word nie en word nie van die kantoorgebaseerde opvoeder se opgehoopte verlof verhaal nie.

8. 'n Kantoorgebaseerde opvoeder wat sy of haar familieverantwoordelikheidsverlof uitgeput het, mag aansoek doen om:
8.1 sy of haar beskikbare jaarlikse/opgehoopte verlof en/of
8.2 onbetaalde verlof. (Die maatrëels ten opsigte van die toestaan van onbetaalde verlof word vervat in Omsendbrief 66/2003.)

9. Bring asseblief hierdie omsendbrief onder die aandag van alle kantoorgebaseerde opvoeders, met inbegrip van diegene wat met verlof is, en laat hulle dit onderteken en dateer.


GETEKEN: PA VINJEVOLD
HOOF: ONDERWYS
DATUM: 2013:02:01