1. Hierdie omsendbrief en die aangehegte Regulasies oor die Verklaring van Persoonlike Belange van Lede van Beheerliggame by die Verkryging van Goedere en Dienste vir Openbare Skole, was deur die Provinsiale Minister op 18 November 2013 gepromulgeer, ingevolge artikel 63(1)(cD), saamgelees met artikel 24 van die Wes-Kaap Provinsiale Skoolonderrig Wet, 1997 (Wet 12 van 1997).

2. Die regulasies vereis dat 'n beheerliggaamlid 'n direkte of indirekte persoonlike belang verklaar wat hy of sy of enige van sy of haar familielede het in die verkryging van goedere en dienste vir skole, en verdere voorsiening maak vir

  1. die definises van 'n 'persoonlike belang', 'familielid', 'entiteit' en 'n 'entiteit wat besighed met die skool uitvoer';

  2. 'n verklaringsvorm aangeheg as Bylae A, wat deur 'n lid van 'n beheerliggaam, en komiteelede van 'n beheerliggaam voltooi en voorgelê moet word aan die voorsitter van die beheerliggam—
    1. binne drie maande vanaf die datum van publikasie van hierdie regulasies;
    2. binne 30 dae van aanstelling van 'n lid deur 'n beheerliggaam na die publikasie van hierdie regulasies ; en
    3. na die eerste verklaaring, voor 30 April van elke jaar, en onmiddellik wanner die lid bewus word van 'n direkte of indirekte persoonlike belang.

  3. 'n verpligting op die beheerliggaam se voorsitter om 'n register van alle belange wat deur die beheerliggaamlede verklaar is, saam te stel en te behou vir veilige bewaring;

  4. Die onttrekking van 'n beheerliggaamlid van 'n vergadering van die beheerligaam vir die duur van die bespreking en besluitneming oor 'n saak waar die lid 'n persoonlike belang het; en

  5. in die geval van nie-nakoming en verbreking van die kode vir behoorlike proses.
3. Prinsipale en distriksdirekteure word vriendelik versoek om die inhoud van hierdie omsendbrief onder die aandag van alle personeel en beheerligaamlede te bring.


GETEKEN: PA VINJEVOLD
HOOF: ONDERWYS
DATUM: 2013:12:05

"Western Cape Provincial School Education Act, 1997 (Act 12 of 1997)"  (grootte: 61 KB)
Bylae A: "Provincial Gazette on Declaration of Personal Interest Regulations"  (grootte: 114 KB)