1. Met die oog daarop dat alle leerders hulle volle potensiaal moet verwesenlik, het die Departement van Basiese Onderwys (DBO) en die Wes-Kaap Onderwysdepartement (WKOD) aansienlike bedrae daarin belê om leerders van 'n handboek vir elke vak te voorsien.
2. Die WKOD is verplig om toe te sien dat die bestuur, gebruik en herwinning van handboeke en ander leer- en onderrigondersteuningsmateriaal (LOOM) doeltreffend gedoen sal word. Alle prinsipale moet dus seker maak dat gesonde bestuursprosesse in plek is om die gebruik van handboeke te bestuur.
3. Die aangehegte bylae, getitel "Raamwerk vir die bestuur en herwinning van handboeke wat aan skole verskaf is, bied 'n basiese raamwerk vir die bestuur en herwinning van handboeke in die WKOD.
4. Die Skoolhoof word versoek om seker te maak dat die bestuur van handboeke binne hierdie raamwerk gedoen sal word.
5. Maak asseblief seker dat die inhoud van hierdie omsendbrief en die meegaande bylae onder die aandag van almal betrokke gebring sal word.


GETEKEN: PA VINJEVOLD
HOOF: ONDERWYS
DATUM: 2013:11:25

Bylae: Raamwerk vir die bestuur en herwinning van handboeke wat aan skole voorsien word  (grootte: 42 KB)