Besonderhede van die Norme-en-standaardetoekenning (N&S) vir u nie-artikel 21-skool vir die finansiële jaar wat strek vanaf 1 April 2014 tot 31 Maart 2015 is beskikbaar op die SOBIS. Toegang kan daartoe verkry deur die volgende te doen:

• Teken aan op SOBIS.
• Kies "Public Ordinary".
• Kies u skool.
• Kliek "Proceed". Beweeg die pyltjie oor die "Administration"-keuse-item op SOBIS en kliek op "Norms and Standards Allocation". Kies N&S 2014.
• Druk die bladsy.

U aandag word op die volgende gevestig:

Nie-artikel 21-skole moet voor 28 Februarie 2014 hulle N&S-toekenning vir die finansiële jaar eindigende 31 Maart 2015 op vorm WKOD 032 in die vier kategorieë indeel, naamlik leer- en onderrigondersteuningsmateriaal (LOOM), plaaslike aankope, munisipale dienste en instandhouding. By ontvangs van die voltooide WKOD 032-vorm sal die Wes-Kaap Onderwysdepartement (WKOD) die begrotings noukeurig bestudeer. Skole sal verwittig word indien hulle vorms nie in orde is nie sodat hulle hersiene WKOD 032-vorms kan indien.

Daar word voorgestel dat skole hulle beskikbare toekenning soos volg tussen die onderskeie uitgawekategorieë verdeel:

• 50% vir LOOM bestellings vir 2015 waarvan 10% spesifiek vir biblioteekmateriaal gereserveer moet wees. (Elke leerder moet 'n handboek vir elke leerarea/vak hê. Die voorraad skoolbiblioteekmateriaal moet jaarliks aangevul word totdat die totale aantal items die minimum van die internasionale standaarde van 10 items per leerder weerspieël. Sien paragraaf 3.1.1 hieronder vir die lys van items wat onder LOOM val.)
• 24% vir munisipale dienste. (Skole kan egter begroot vir 'n groter persentasie as uitgawe-tendense dit vereis.)
• 6% vir instandhouding, en
• 20% vir plaaslike aankope

Die verskuiwing van fondse op die WCED 032 moet teen 30 September 2014 gefinaliseer wees.

1. Die Departement van Basiese Onderwys (DBO) definieer LOOM as enige materiaal wat onderrig en leer direk in die klaskamer of by die huis (huiswerk) ondersteun en fasiliteer. Dit sluit die volgende in:
   • Handboeke, leesboeke, naslaanboeke, voorgeskrewe werke, atlasse en woordeboeke;
   • Werkboeke;
   • Plakkate en land- en muurkaarte;
   • Opvoedkundige bordspeletjies;
   • Biblioteekmateriaal (fiksie en niefiksie), naslaanboeke, plakkate, videos wat vooraf opgeneem is, DVD's, oudiokassette, CD's, CD-ROM's, multimedia, ens.);
   • Rekenaarsagteware en lisensies;
   • Hulpbronmateriaal vir onderwysers, leerders, klaskamer en biblioteek.

2. Daar word van skole verwag om hulle volle LOOM-toekenning te gebruik vir die aankoop van LOOM wat die implementering van die Kurrikulum-en-assesseringsbeleidsverklarings (KABV) in hulle klaskamers sal verryk en versterk. Skole word dus aangemoedig om hulle LOOM-toekenning te benut vir die aankoop van handboeke, voorgeskrewe werke, atlasse, woordeboeke, plakkate, kaarte, muurkaarte, opvoedkundige bordspeletjies, biblioteekmateriaal (fiksie en niefiksie), naslaanboeke, video-opnames, DVD's, oudiokassette, CD's, CD-ROM's en rekenaarsagteware, huishoudkunde en wetenskaplaboratoriumtoerusting.

3. Onderhewig aan die volgende voorwaardes, kan skole minder geld aan LOOM toeken mits
   • elke leerder in die skool oor 'n handboek vir elke leerarea of vak beskik en toegang tot ander LOOM-hulpbronne het; en
   • die skool jaarliks 10% van die LOOM-toekenning vir die aankoop van biblioteekmateriaal gebruik het om die biblioteekvoorraad aan te vul en die totale aantal items in die biblioteekvoorraad nou bestaan uit die minimum internasionale standaard van 10 items per leerder; en
   • die beheerliggaam. formele besluit aangaande die afwyking geneem het. (Hierdie besluit van die beheerliggaam rakende die begroting wat aan 'n ouervergadering voorgele word, moet verduidelik word en die bedrag wat per leerder aan LOOM bestee is, moet voorsien word. Hierdie besluit moet by die ouervergadering voorgele word, ongeag of dit deur die IBB-bestuurder ondersteun word of nie.)

4. Hoe om LOOM te verkry
   • Nie-artikel 21-skole moet die voorgeskrewe prosedure volg in Bylae A.
   • In ooreenstemming met die Provinsiale Tesourie-instruksies, sal die WKOD die LOOM versoeke van alle nie-artikel 21-skole adverteer op die elektroniese aankoopstelsel, Sourcelink, wat deur Quadrem Ariba bestuur word. Hierdie stelsel laat kompeterende bieëry toe ooreenkomstig die wetgewing gepromulgeer ingevolge die Wet op die Raamwerk vir Voorkeurverkrygingsbeleid (Wet 5 van 2000).
   • Vir bystand met die seleksie van skoolbiblioteekmateriaal, moet skole in verbinding tree me Theresa de Young, die EDULIS-koördineerder: Skoolbiblioteekdienste by tel. 021 957 9638. Die distrik se skoolbiblioteekadviseur en/of bronnesentrum-koördineerder kan ook in verband met die ontwikkeling van skoolbiblioteke gekontak word.

1. Die N&S-toekenning aan skole is bedoel vir die betaling van, onder andere, hulle maandelikse munisipalediensterekeninge, bv. elektrisiteit, water, riool en vullisverwydering, maar sluit die betaling van eiendomsbelasting uit. Soos in die verlede, sal die Staat die eiendomsbelasting op eiendom wat in die naam van die RSA geregistreer is, betaal.

2. Enkele skole het aangedui dat hulle nie hulle eie munisipale dienste wil bestuur nie en hulle rekeninge sal steeds deur die betrokke distrikskantore betaal word. Die distriksbeamptes sal elke maand elke skool voorsien van afskrifte van sy rekeninge sodat hulle nagegaan kan word en daar bevestig kan word dat die rekeninge korrek is. Die WKOD 032-bedrag verteenwoordig dit waarvoor die WKOD aanspreeklik sal wees en dit sal gebruik word om te betaal vir munispale dienste. Skole sal aanspreeklik wees vir die vereffening van enige munisipale skuld aangegaan meer as waaarvoor begroot is.

3. Nie-artikel 21-skole moet aan die hand van vorige jare se uitgawes aan hierdie dienste plus inflasieaanpassings, die bedrag bereken wat hulle opsy sit vir munisipale dienste en dit op die WKOD 032-vorm aandui. Hierdie bedrag, en instandhoudingsgelde, sal gelyktydig betaal word aan daardie skole wat die funksie aanvaar het.

4. Skole moet steeds, onder andere, die besparingsmaatreëls wat in Bylae B aangedui word, toepas.

5. ESKOM en die meeste munisipaliteite het aangedui dat hulle meters vir voorafbetaalde elektrisiteit aan skole beskikbaar kan stel. Dit sal skole in staat stel om hulle elektrisiteitsverbruik beter te beheer.

6. Waar dit blyk dat skole nie hulle munisipale rekeninge vereffen nie, behou die WKOD die reg voor om fondse uit die N&S-toekenning terug te hou vir die betaling van uitstaande skuld namens die betrokke skool.

1. Dag-tot-dag instandhouding sluit in die instandhouding van die terrein asook die instandhouding, skoonmaak, opknap, herstel en/of vervanging van spesifieke gedeeltes van skoolgeboue. Gereelde instandhouding moet gedoen word om te verhoed dat skoolgeboue agteruitgaan en noodherstelwerk a.g.v. verwaarlosing nodig het.

2. Waar die N&S-toekenning vir dag-tot-dag onderhoud onvoldoende is, word van skole verwag om die toekenning aan te vul vanuit eie skoolfondse, waar nodig. Skole moet begroot vir dag-tot-dag instandhouding na gelang van die toestand van hulle skoolgeboue en terrein.

3. Skole moet . begrote bedrag van sy jaarlikse toekenning vir dag-tot-dag instandhouding terughou vir die instandhouding van toerusting wat gebruik word om die skoolterrein te verbeter, bv. onderhoud van die grassnyer, die aankoop van verf vir banke op die skoolterrein, en die aankoop van kalk en kunsmis.

4. N&S-toekennings mag nie gebruik word vir dag-tot-dag herstelwerk aan koshuise nie. Sodanige herstelwerk moet befonds word uit leerders se losiesgeld en -beurse.

• Besoldiging van beheerliggaam-aangestelde personeel
• Nuwe geboue
• Koshuisuitgawes
• Lenings aan individue of ander inrigtings

Ingevolge paragraaf 97 van die NNSSB aanvaar die WKOD verantwoordelikheid vir groot noodherstelwerk aan geboue, onderhewig aan die beskikbaarheid van fondse wat vir hierdie gebeurlikhede begroot is. Die volgende herstelwerk sal ooreenkomstig die prosedures in Omsendbrief 175/2000 oorweeg word:

Ingevolge artikel 36(1) van die Suid-Afrikaanse Skolewet (SASW), (Wet 84 van 1996), moet skoolbeheerliggame (SBL.e) alle redelike stappe neem om die staatshulpbronne aan te vul ten einde die gehalte van onderwys wat deur die skool aan alle leerders by die skool voorsien word, te verbeter. Alhoewel geenskoolgeldskole nie verpligte skoolgeld (insluitende registrasiegelde) mag hef nie, word hulle egter aangemoedig om vrywillige bydraes te soek en by fondsinsamelingsfunksies betrokke te raak.

Aansoeke om te verander van nie-artikel 21-status na artikel 21-status moet voor 31 Januarie 2014 op die aangehegte aansoekvorm (Bylae C) ingedien word. Suksesvolle skole sal eers vanaf die aanvang van die daaropvolgende finansiële jaar artikel 21-status ontvang, d.w.s. met ingang van 1 April 2014.

Indien die leerderinskrywing, gebaseer op die 2013-10de dag-opname, aan die begin van die nuwe (2013) skooljaar met meer as 7% toeneem of daal in vergelyking met die 2012 JOS- inskrywing, sal die N&S-toekennings aangepas word met die toename wat die 7% oorskry. Gewysigde toekenningsbriewe sal teen 31 Maart 2013 op die SOBIS gepubliseer word.

Die fondse wat ingevolge Omsendbrief 0009/2013 aan skole toegeken is, moet voor 31 Maart 2014 deur skole bestee word.