1. |
Die Departement van Basiese Onderwys het in Omsendbrief E19 van 2013 versoek dat kandidate wat ingeskryf het vir die 2013 Nasionale Senior Sertifikaat-eksamen (NSSeksamen) 'n verbintenis onderteken waardeur hulle hulleself verbind om die gedragskode van die eksamen te gehoorsaam. |
2. |
Die verbintenisondertekeningseremonie kan om 10:00 op 18 Oktober 2013 by alle skole plaasvind. |
3. |
Skole moet NSS-kandidate inlig dat die ondertekening van die verbintenis vrywillig is. Geen kandidaat mag gedwing word om die verbintenis teen sy of haar sin te onderteken nie. |
4. |
Op 18 Oktober moet 'n formele byeenkoms van alle graad 12-kandidate deur die skoolhoof gereël word as deel van hulle oriëntering en voorbereiding vir die skryf van die NSS-eksamens. |
5. |
Gedurende die prinsipaal se praatjie moet die eksamenreëls op die agterkant van die toelatingsbrief aan kandidate voorgelees word. |
6. |
Kandidate moet gevra word om die verbintenis hardop te lees en, nadat al die kandidate dit onderneem het, moet hulle toegelaat word om dit te onderteken. |
7. |
Waar moontlik moet fotokopieë van die getekende verbintenis gemaak word, sodat dit as deel van elke kandidaat se rekords bewaar kan word. |
8. |
Waar dit nie moontlik is om fotokopieë van die ondertekende verbintenisse te maak nie, moet die oorspronklike verbintenis in elke graad 12-kandidaat se besit bly sodat dit in dieselfde lêer bewaar kan word as die toelatingsbrief, wat in die kandidaat se besit moet bly vir die duur van die 2013 NSS-eksamen. |
9. |
'n Kopie van die NSS-eksamenverbintenis is aangeheg as Bylae A.
|
10. |
Prinsipale word vriendelik versoek om te verseker dat die verbintenisondertekening- seremonie behoorlik plaasvind by hulle skool. |
11. |
Die samewerking van die 2013 NSS-eksamenkandidate in hierdie verband sal hoog op prys gestel word. |
GETEKEN: PENNY VINJEVOLD
HOOF: ONDERWYS
DATUM: 2013:10:08
|
|