1. Die Wes-Kaap Onderwysdepartement (WKOD) is daartoe verbind om te verseker dat alle graad 1 tot 12 leerders 'n handboek vir elke vak in 2014 het, en wat ooreenstem met die Kurrikulum en Assesseringsbeleidsverklaring (KABV).
2. Sedert die implementering van die KABV het die Wes-Kaap Onderwysdepartement (WKOD) 'n handboek vir elke leerder in graad 4 tot 12 voorsien.
3. Die enigste handboeke wat nie sentraal verskaf is nie was die van Natuurwetenskappe en Tegnologie handboek vir graad 4 tot 6, asook die handboeke vir die volgende vakke vir graad 1 tot 3: Huistaal, Eerste Addisionele Taal, Lewensvaardighede en Wiskunde. Skole is versoek om hulle toegestaande Norme en Standaarde LOOM te gebruik om hierdie handboeke aan te koop.
4. Skole wat nog nie handboeke vir elk van die vier vakke in graad 1 tot 3, en Natuurwetenskappe en Tegnologie handboeke in graad 4 tot 6 aangekoop het nie, moet hierdie handboeke aanlyn op die SOBIS fasiliteit bestel gedurende die tydperk van 28 Oktober tot 1 November 2013.
5. Skole moet hulle handboeke selekteer vanaf die verkorte nasionale katalogusse vir graad 1 tot 3 (Bylae A) en die Natuurwetenskappe en Tegnologie graad 4 tot 6 (Bylae B)

Bestelling van Grondslagfase en Natuurwetenskappe & Tegnologie handboeke op die SOBIS

6. Voor die bestelling moet skole 'n inventaris opstel van al die KABV-verwante handboeke wat vanaf die Grondslagfase se nasionale katalogus gekies is, (aan skole gestuur in Oktober 2011), en deur die skool gekoop is. Skole sal versoek word om hierdie getalle op die SOBIS se aanlynbestelling-webwerf vas te vang.
7. Skole wat nog nie handboeke aangekoop het nie, asook skole wat nie die voldoende handboeke het om te verseker dat elke graad 1 tot 3 leerder 'n KABV-verwante handboek vir elk van die vier vakke in die Grondslafase en 'n Natuurwetenskappe en Tegnologie handboek vir elke graad 4 tot 6 leerder het nie, moet hulle vereiste handboeke se seleksie op die SOBIS se aanlyn webtuiste bestel.
8. Die WKOD sal 50% van die koste vir elke graad 1 tot 3 handboek wat aanlyn bestel word, betaal. Die oorblywende 50% van die koste sal afgetrek word van die skool se Norme en Standaarde-toekenning vir die 2014-15 finansiële jaar. Die WKOD sal die totale koste van Natuurwetenskappe en Tegnologie handboeke vir graad 4 tot 6 dek.
9. Die geprojekteerde leerderinskrywing per graad vir 2014 sal as 'n riglyn gebruik word wanneer die hoeveelhede handboeke vir skole bestel word.
10. Die prosedure wat gevolg moet word om hierdie handboeke te bestel sal op die SOBIS se aanlynbestel-webwerf aangebring word gedurende die bestel tydperk.

Vergoeding vir graad 1 tot 3 en Natuurwetenskappe en Tegnologie handboeke wat deur die skool gekoop is

11. Skole wat reeds 'n deel van of al die vereiste handboeke vir graad 1 tot 3 gekoop het sal vergoed word vir 50% van die koste van hierdie handboeke. Skole wat reeds vir hulle Natuurwetenskappe en Tegnologiehandboeke vir graad 4 tot 6 bestel en betaal het, sal ten volle vergoed word.
12. Ten ten einde vir die vegoeding te kwalifiseer, moet skole op die bestelwebwerf die aantal handboeke aandui wat deur die skoolfonds aangekoop is. Daarbenewens moet die skole die volgende via e-pos na ltsmprojects@westerncape.gov.za stuur teen nie later nie as Donderdag, 31 Oktober 2013.

  • 'n brief op die skool se briefhoof wat staaf watter handboeke (vak, ISBN, titel, uitgewer en hoeveelheid) die skool reeds bestel en betaal het vir graad 1 tot 3 en graad 4 tot 6 Natuurwetenskappe en Tegnologie.
  • geskandeerde afskrifte van die fakature of afleweringsnotas, gestempel en geteken deur die gedelegeerde personeellid by die skool.

Vergoedings in die vorm van oordragbetalings, sal in die skool se bankrekening inbetaal word teen 30 April 2014.
13. Om vir die terugbetalings van handboeke se aankope te kwalifiseer moet prinsipale verseker dat al hulle handboekbestellings en/of hulle bevestiging van handboeke soos aangekoop, vasgevang en afgeteken is op die SOBIS teen 1 November 2013.
14. Bring asseblief die inhoud van hierdie minuut onder die aandag van alle betrokke personeel.


GETEKEN: PA VINJEVOLD
HOOF: ONDERWYS
DATUM: 2013:09:27

Bylae A  (grootte: 81 KB)
Bylae B  (grootte: 35 KB)