1. Aflewering van KABV-handboeke vir Graad 7-9 en 12
1.1 Gedurende Junie 2013, het skole hulle KABV-graad 7-9 en 12-handboekbestelling op die SOBIS ingedien. Die Wes-Kaap Onderwysdepartement (WKOD) het al hierdie bestellings by uitgewers geplaas. Tussen 2 September en 31 Oktober 2013 sal die handboeke, onderwysergidse en kernleser direk by skole afgelewer word.
1.2 By aflewering, moet prinsipale verseker dat die volgende korrek is op die bewys van aflewering (BVA): handboek hoeveelhede, titels, skooladres en OBIS-nommer. Die BVA moet geteken en gestempel word, en die oorspronklike bewys van aflewering moet aan die diensverskaffer teruggestuur word om tydige betaling by die WKOD te fasilliteer.
1.3 'n Afskrif van die BVA met teenoor die oorspronklike handboekbestelling nagegaan word en dan geliasseer word. Prinsipale moet hulle IBB-bestuurder skiftelik in kennis stel indien hulle KABV-handboeke nog nie teen 31 Oktober 2013 by hulle skool afgelewer is nie.
1.4 Die WKOD het alles moontlik gedoen om die handboeke, soos deur die skole gekies, te voorsien. Tog, in uitsonderlike gevalle en waar dit weens begrotingsbeperkinge onvermydelik is, sal 'n alternatiewe handboek verskaf word.

2. Aflewering van DBO-werkboeke vir 2014
2.1 Die Departement van Basiese Onderwys sal weereens alle openbare spesiale skole en toepaslike spesiale skole met die volgende werkboeke voorsien

  • Graad 1-6 Huistaal in alle tale
  • Graad 1-3 Wiskunde in taal van onderrig en leer
  • Graad 4-9 Wiskunde in Engels en Afrikaans
  • Graad 1-6 Eerste Addisionele Taal in Engels
  • Graad 1-3 Lewensvaardighede in taal van onderrig en leer
  • Graad R (sal apart afgelewer word gedurende Oktober en November 2013)
2.2 Die hoeveelheid en titels van werkboeke wat by elke skool afgelewer sal word, is gebaseer op die SOBIS se inskrywingsgetalle van leerders. Die afleweringskedule wat die SOBIS-inskrywingsgetalle vir u skool bevat kan tans verkry word vanaf die LOOM (KABV-handboeke) webblad op die WKOD se webtuiste. Die webblad se adres is http://wcedonline.pgwc.gov.za/branchPS/LTSM/index.html
2.3 Werkboek 1 vir 2014 (Kwartaal 1 en 2) sal tussen 10 September en 5 November 2013 by alle skole afgelewer word.
2.4 Die riglyndokument wat die prosedures uiteensit, voor en gedurende die aflewering van die handboeke, is as Bylae A by hierdie omsendbrief aangeheg.
2.5 Die prinsipaal moet 'n senior personeellid en 'n span assistente aanstel om verantwoordelikheid te neem vir die implementering van die riglyne voor en tydens die aflewering van die werkboeke.
2.6 Sodra die werkboeke nagegaan is, word die skool versoek om die aangehegte sjabloon (Bylae B), te voltooi om tekorte en moontlike surplus-werkboeke aan te dui. Dit moet aan die skool se IBB-bestuurder, via e-pos, gestuur word teen 11 November 2013.
2.7 Tekorte sal deur die distrikskantoor gekollasioneer word en aan die DBO, via die WKOD Hoofkantoor gestuur word. Sodra die DBO se tydraamwerke bevestig is, sal skole in kennis gestel word wanneer tekorte afgelewer sal word.

3. Dit is baie belangrik om die inhoud van hierdie minuut onder die aandag van alle betrokke personeel te bring.


GETEKEN: PA VINJEVOLD
HOOF: ONDERWYS
DATUM: 2013:09:12

Bylae A: "Guidelines for the receipt of workbooks for 2014"  (grootte: 69 KB)
Bylae B: "Report on Workbook 1 (terms 1 and 2) 2014 delivery and shortages"  (grootte: 64 KB)