| 1. |
2014 personeeldiensstate
Verwys asseblief na die Wes-Kaap Onderwysdepartement (WKOD) Omsendbrief 0031/2009, van 28 Augustus 2009, vir 'n volle beskrywing van die wetgewing en maatreëls van toepassing op die jaarlikse uitgawe van onderwyspersoneeldiensstate vir skole. Die inhoud van daardie omsendbrief bly van toepassing tot 2014, behalwe vir die volgende wysigings:
|
| 1.1 |
Ingevolge die maatreëls van die Hersiene Posverspreidingsmodel (HPVM), moet gewone openbare skole en spesiale openbare skole van hulle jaarlikse diensstate voorsien word teen September van die voorafgaande jaar. Dus, vir die 2013-akademiese jaar verval alle onderwyspersoneeldiensstate wat aan gewone openbare en spesiale openbare skole uitgereik is (sowel as alle addisionele poste wat geskep en uitgereik is aan 'n openbare skool in 2013 as gevolg van 'n toename in die leerderinskrywings of die kurrikulumbehoeftes van die skool) op 31 Desember 2013. |
| 1.2 |
Die onderwyserdiensstate vir 2014 sal gepubliseer word op die Sentrale Onderwysbestuursinligtingstelsel (SOBIS), onder die skakel van Administration (Establishments) op 23 Augustus 2013. |
| 2. |
Addisionele toekennings (Posvlak 1 poste)
Die WKOD behou die reg voor om die toekenning van die 2014 onderwypersoneeldiensstaat te herbereken indien die inligting oor 'n skool, soos vervat in die SOBIS-aanlynopname nie korrek bevind is nie. |
| 3. |
Hersiening van 2014 diensstate |
| 3.1 |
Skole sal toegelaat word om 'n hersiening van die berekening van hulle onderwyspersoneeldiensstaat aan te vra indien die SOBIS-leerderinskrywingsvorms soos gereflekteer op die diensstaatbrief verskil van die leerderdata op 31 Julie 2013. Dit is nodig dat die skool bewys moet voorlę aan die Direktoraat: Menslikehulp-bronbestuur dat die leerderinskrywing soos genoem en gebruik is in die diensstaat brief foutief is, sodat die WKOD die herberekening kan doen. Aansoeke vir groeiposte kan voorgelę word gedurende die tydperk van 2 September 2013 tot 30 September 2013, en alle aansoeke moet op die SOBIS gedoen word. Geen aansoek om groeiposte sal oorweeg word indien dit nie op die SOBIS voltooi is nie. |
| 3.2 |
In die geval dat 'n skool 'n graad of grade uitfaseer, sal die diensstaat van sodanige skool herbereken word, gebaseer op die aantal leerders wat in die skool agterbly. In die geval waar leerders 'n skool verlaat tydens die uitfasering van 'n graad of grade, sal die personeeldiensstate van die ontvangende skole se diensstate hersien word om die nuwe inname van leerders te akkommodeer. |
| 4. |
Herberekening van onderwyspersoneeldiensstaat as gevolg van verandering in leerderinskrywing gedurende 2014 |
| 4.1 |
Die WKOD behou die reg voor om Posvlak 1-poste af te skaf indien daar in die loop van 2014 'n verlaging is in die skool se leerderinskrywing. In sulke gevalle sal opvoeders wat tydelik aangestel is, na ander poste by ander inrigtings oorgeplaas word. Daarom, indien onderwysers op 'n tydelike basis gewerf word, moet skoolhoofde aansoekers inlig dat hulle aangestel sal word met die verstandhouding dat hulle moontlik oorgeplaas mag word na ander skole indien hulle poste afgeskaf word as gevolg van 'n daling in die leerderinskrywing van die skool. |
| 4.2 |
Alle kontrakaanstellings kan gemaak word slegs tot 31 Maart 2014. Substantiewe kontrakaanstellings wat vanaf 1 April gemaak word, kan gemaak word tot 31 Desember 2014, indien die skool vir sodanige pos kwalifiseer. |
| 4.3 |
Dit word verwag van alle skole om hulle inskrywingsgetalle op SOBIS by te werk teen Dinsdag, 4 Maart 2014. Al daardie skole wie se leerderinskrywing op Vrydag, 7 Maart 2014 minder is as hulle leerderinskrywingstal op 4 Maart 2014, se onderwyspersoneeldiensstaat sal teen 14 Maart 2014 herbereken word. Indien die skool 'n pos of poste moet verloor, dan sal die getal substantiewe kontrakaanstellings gelyk aan of minder as die getal poste wat die skool verloor, nie toegeken word met ingang 1 April 2014 nie. |
| 4.4 |
In gevalle waar daar 'n toename is in leerderinskrywing van 16 Januarie 2014 tot 31 Januarie 2014, sal die skool toegelaat word om aanlyn gedurende die periode van 16 Januarie 2014 tot 31 Januarie 2014 om 'n groeipos aansoek te doen. Die leerderinskrywingstotaal wat in ag geneem word, sal die inskrywingstotaal op SOBIS ten tyde van die aansoek wees.
|
| 4.5 |
Aansoeke van skole aan die WKOD vir die skepping van addisionele poste by gewone openbare skole as gevolg van 'n groei in leerderinskrywing of ander kontekstuele faktore, moet aanlyn via SOBIS ingedien word. Geen aansoek sal oorweeg word indien dit nie op SOBIS gedoen word nie. Hierdie aansoeke moet voorgele word tydens die periode van 16 Januarie 2014 tot 31 Januarie 2014. |
| 4.6 |
Prinsipale moet asseblief op die volgende let:
- Aansoeke vir addisionele poste sal slegs oorweeg word tot aan die einde van die eerste skoolkwartaal in Maart 2014.
- Nominasie deur skole van opvoeders vir addisionele poste by skole wat ontstaan het as gevolg van groei en/of kurrikulumbehoeftes van 'n skool, kan slegs gemaak word nadat skriftelike goedkeuring van die WKOD verkry is.
|
| 5. |
Vul van geadverteerde poste |
| 5.1 |
Alle poste wat reeds in 'n departementele Vakaturelys geadverteer is, mag permanent gevul word, mits die pos op die diensstaat vir 2014 verskyn. |
| 5.2 |
Indien 'n geadverteerde pos nie op die diensstaat vir 2014 verskyn nie, is die skool nie geregtig op daardie pos nie en sal sodanige pos geag word foutiewelik geadverteer te wees. |
| 5.3 |
Die bepaling dat 'n geadverteerde pos (veral 'n bevorderingspos) slegs gevul kan word indien dit nie veroorsaak dat 'n botallige opvoeder geskep word nie, bly van krag. |
| 5.4 |
Indien die skoolhoof en die beheerliggaam van mening is dat die posbeskrywing van die geadverteerde pos nie langer aan die kurrikulumbehoeftes van die inrigting voldoen nie, mag hulle die WKOD versoek om die pos te beskou as foutiewelik geadverteer. 'n Uitgebreide verduideliking moet so 'n versoek vergesel. |
| 6. |
Vul van addisionele poste |
| 6.1 |
Addisionele poste mag slegs in 'n tydelike kapasiteit tot 31 Maart 2014 gevul word. Hulle sal slegs deur daardie skool verby voormelde datum behou word alleenlik indien die skool steeds vir die pos kwalifiseer na die herberekening gebaseer op die inskrywing soos op 4 Maart 2014. Die aanstelling van 'n addisionele posbekleer mag nie verder as 31 Desember 2014 strek nie. |
| 6.2 |
Ingevolge Omsendbrief 0008/2010 moet voorkeur verleen word aan die herontplooing van botallige opvoeders en/of die plasing van Funza Lushaka-beurshouers wanneer Posvlak 1-poste op 'n kontrakbasis gevul word en voor sodanige poste as vakant in die departement se vakaturelys geadverteer mag word. In hierdie opsig sal dit ook nodig wees vir skoolhoofde om vakante poste en poste wat vakant word so vroeg as moontlik by hulle kringspanbestuurder te registreer. |
| 6.3 |
Ander geskik-gekwalifiseerde werklose opvoeders mag oorweeg word vir aanstelling in 'n vakante substantiewe pos slegs in afwesigheid van geskikte gekwalifiseerde botallige opvoeders en/of Funza Lushaka-beurshouers. |
| 6.4 |
Waar kringspanbestuurders en hoofde van inrigtings nie 'n pos kan vul met 'n botallige opvoeder of 'n Funza Lushaka-beurshouer nie, kan die kringspanbestuurder die aanstelling van 'n werklose opvoeder in die vakante substantiewe pos goedkeur. In sulke omstandighede moet die kringspanbestuurder verklaar dat geen botallige opvoeder of Funza Lushaka-beurshouer vir die aanstelling beskikbaar is nie. |
| 6.5 |
Kringspanbestuurders mag ook oorplasings na ander skole goedkeur (sonder om die versoek om 'n oorplasing na die Hoofkantoor te verwys) in gevalle waar die oordrag die proses van herontplooiing sal bevorder, d.w.s. waar die oorplasingdie herontplooiing van 'n botallige onderwyser in 'n vakante substantiewe pos sal teweegbring. Hierdie maatreël is ook van toepassing in gevalle van die plasing van Funza Lushaka beurshouers waar die oorplasing sodanige beurshouer in staat sal stel om in die vakante pos aangestel te word a.g.v. die oorplasing. |
| 7.1 |
Opvoeders wat reeds botallig verklaar is op grond van vorige diensstate en in ooreenstemming met vorige prosesse, en wat steeds botallig is, behou hulle botallige status. Hierdie opvoeders sal hanteer word ingevolge die geldende kollektiewe ooreenkomste van die RAVO. |
| 7.2 |
Hierdie botallige opvoeders (verwys na paragraaf 7.1 hierbo) kan geabsorbeer word in vakatures op die nuwe personeeldiensstaat deur middel van passing en plasing. |
| 7.3 |
Permanent aangestelde onderwysers moet botallig verklaar word ingevolge Kollektiewe Ooreenkoms 2 van 2003 van die RAVO. |
| 8. |
Navrae
Rig asseblief alle navrae aangaande hierdie omsendbrief en die relevante wetgewing aan u kringspanbestuurder. |
| 9. |
Algemeen
Bring asseblief die inhoud van hierdie omsendbrief onder die aandag van alle opvoeders en lede van die skoolbeheerliggaam. |
GETEKEN: PA VINJEVOLD
HOOF: ONDERWYS
DATUM: 2013:08:22
|
 |