Die reëls en prosedures om met griewe van opvoederpersoneel te handel is uiteengesit in Hoofstuk H van die Personeeladministrasiebepalings van die Wet op die Indiensneming van Opvoeders, 1998.

1. Voor verskille geformaliseerde griewe word, behoort 'n opregte poging aangewend te word om enige griewe op te los deur middel van 'n persoonlike onderhoud tussen die gegriefde en die prinsipaal van die skool.

2. Gedurende hierdie proses sal geen rekords gehou word van die prosedures nie, wat sonder benadeling van enige party sal geskied.

3. So nie het die opvoeder die reg om 'n formele grief skriftelik te lug by die skoolhoof, en binne 90 kalenderdae vanaf die datum waarop die daad of die versuim wat tot die grief gely het, plaasgevind het.

4. Die skoolhoof sal sy of haar kommentaar oor die grief, saam met al die betrokke inligting, aan die betrokke distriksdirekteur voorlê binne 5 werksdae nadat die formele grief skriftelik ontvang is.

5. Die distriksdirekteur, of sy of haar gedelegeerde, sal, binne 5 werksdae van die datum van ontvangs van die grief, poog om die grief op te los en dan sy of haar besluit skriftelik aan die partye kommunikeer.

Indien die gegriefde werknemer 'n kantoorgebaseerde opvoeder is, moet die werknemer se onmiddellike toesighouer die grief hanteer op dieselfde wyse as wat 'n skoolhoof dit sou doen.

Die reëls en prosedures vir die hantering van griewe van staatsdienspersoneel is uiteengesit in die Staatsdiens Sektorale Ko-ordinerende Bedingingsraad Ooreenkoms No. 14 van 2002 en is gepubliseer in Staatskoerant No. 25209 op 25 Julie 2003. Hierdie dokumente moet saamgelees word met WKOD Omsendbrief 230 van 2003.

1. 'n Gegriefde werknemer het 90 kalenderdae vanaf die datum waarop die daad of versuim plaasgevind het wat tot die grief aanleiding gegee het, om 'n grief aan te teken. Dit moet skriftelik gedoen word deur Deel A en die laaste deel van Deel B van die voorgeskrewe vorm in te vul.

2. Die betrokke direkteur of hoof van die inrigting is die toegewysde werknemer en moet die eerste deel van Deel C van die voorgeskrewe vorm voltooi. Hy of sy moet alle moontlike pogings aanwend om die grief so spoedig moontlik op te los.

3. Indien die gegriefde nie tevrede is met die uitkoms nie, moet die aangewese werknemer 'n aanbeveling voorlê aan die Uitvoerende Gesag (Provinsiale Minister van Onderwys) vir 'n finale beslissing.

4. Dit is van die uiterste belang om daarop te let dat 'n grief binne 30 dae na die gegriefde dit voorgelê het, opgelos moet word. Die genoemde periodes sluit in enige verwysing na die Uitvoerende Gesag ingevolge paragraaf 4.3.(iii) hierbo.