1. Die nasionale onderwysbeleid bepaal dat 'n leerder 'n maksimum van een vak kan aanbied van die kurrikulum van 'n geakkrediteerde assesseringsliggaam anders as die Departement van Basiese Onderwys, op voorwaarde dat sodanige vak in die nasionale onderwysbeleid geakkommodeer word.

2. Die Musiekprogramme van die volgende geakkrediteerde eksterne eksamenliggame word tans gelys in die Nasionale Kurrikulumverklaring Graad R tot 12:
2.1 UNISA Praktiese Musiekeksamen
2.2 Trinity College of London Praktiese Musiekeksamen
2.3 Associated Board of Royal Schools of Music Praktiese Musiekeksamen

3. Vanaf 2014 sal die aanbied van eksterne Musiekprogramme van die bogenoemde drie eksaminerende liggame as deel van die Nasionale Senior Sertifikaat (NSS) as volg beperk word:
3.1 Die eksterne Musiekprogramme mag slegs as 'n agste NSS-vak aangebied word.
3.2 'n Leerder kan inskryf vir die gekeurde eksterne musiekprogramme slegs in sy of haar graad 12-jaar.
3.3 Die gekeurde eksterne Musiekprogramme moet aangebied word op die programme se graad 7-vlak.
3.4 Die gekeurde eksterne musiekprogramme mag nie aangebied word gedurende skoolure nie, maar slegs as buitekurrikulêre vakke.

4. Trinity College of London het die Departement van Basiese Onderwys in Februarie 2012 ingelig dat 'n slaagpunt van 60% vereis word, in teenstelling met 65% vereis vir die vorige sillabus. Die Minister van Basiese Onderwys het hierdie besluit van Trinity College of London in Staatskoerant no. 36465 van 17 Mei 2013 goedgekeur.

5. Die slaagvereistes vir leerders wat 'n eksterne Musiekprogram aanbied is nou soos volg:
5.1 UNISA Praktiese Musiekeksamen: Ten minste 50%
5.2 Trinity College of London Praktiese Musiekeksamen: Ten minste 60%
5.3 Associated Board of Royal Schools of Music Praktiese Musiekeksamen: Ten minste 65%

6. Prinsipale word vriendelik versoek om die inhoud van hierdie omsendbrief oor te dra aan alle kandidate wat 'n eksterne Musiekprogram aanbied.


GETEKEN: PENNY VINJEVOLD
HOOF: ONDERWYS
DATUM: 2013:07:19

"Government Gazette No. 36465"  (grootte: 48 KB)