1. Inleiding
1.1 Hierdie omsendbrief vervang Omsendbrief 0013/2012 (Program- en Bevorderingsvereistes vir graad R – 12 in 2012).
1.2 Die doel van hierdie omsendbrief is om die Program-, Vordering- en Bevorderingsvereistes vir graad R tot 12 in 2013 uit te stippel.
1.3 Die volgende beleidsdokumente is van toepassing op die onderskeie grade vir 2013:

Grade Beleidsdokumente
R, 1, 2, 3, 4, 5, 6, 10 en 11
  • Die Nasionale Beleid met betrekking tot die Program- en Bevorderingsvereistes van die Nasionale Kurrikulumverklaring Graad R – 12 (NBBPB)
  • Nasionale Protokol vir Assessering Graad R – 12 (NPA)
  • Die Regulasies met betrekking tot die Nasionale Kurrikulumverklaring Graad R – 12 (Staatskoerant 36041)
7, 8, 9

12
  • Nasionale Beleid oor Assessering en Kwalifikasies vir Skole in die Algemene Onderwys en Opleidingsband (Staatskoerant 29626)
  • Nasionale Senior Sertifikaat (NSS) Beleid

2. Programvereistes vir die Algemene Onderwys-en-Opleidingfase (AOO) en die Verdere Onderwys-en-Opleidingsband (VOO) Band
2.1 Programvereistes vir die Grondslagfase (graad R tot 3)

'n Leerder in graad R moet drie (3) vakke en 'n leerder in graad 1 tot 3 moet die vier (4) vakke hieronder aanbied, en aan al die assesseringsvereistes voldoen:

Programvereistes: Vakke Tydstoedeling per week
Graad R Graad 1 en 2 Graad 3
Amptelike Taal: (Huistaal) 10 uur 7/8 uur 7/8 uur
Amptelike Taal: (Eerste Addisionele Taal)   3/2 uur 4/3 uur
Wiskunde 7 uur 7 uur 7 uur
Lewensvaardighede 6 uur 6 uur 7 uur
Totaal 23 uur 23 uur 25 uur
2.2 Programvereistes vir die Intermedięre Fase (graad 4 tot 6) vanaf 2013

'n Leerder in graad 4 tot 6 moet die ses (6) vakke aanbied, soos hieronder aangedui, en aan al die assesseringsvereistes voldoen:

Programvereistes: Vakke Tydstoedeling per week
Amptelike Taal (Huistaal) 6 uur
Amptelike Taal (Eerste Addisionele Taal) 5 uur
Een van die twee tale aangebied, moet die taal van leer en onderrig wees.
Tweede Addisionele Taal (opsioneel) Skool om bykomende addisionale tyd te reël tot die 27 ˝ uur.
Wiskunde 6 uur
Natuurwetenskap en Tegnologie 3 ˝ uur
Lewensvaardighede 4 uur
Sosiale Wetenskappe 3 uur
Totaal 27 ˝ uur
2.3 Programvereistes vir graad 7 tot 9 in 2013

Vir graad 7 tot 9 in 2013 moet 'n leerder nege (9) vakke aanbied, soos hieronder aangedui, en aan al die assesseringsvereistes voldoen:

Vakke
Amptelike Taal (Huistaal)
Amptelike Taal (Eerste Addisionele Taal)
Taal 3 (Opsioneel)
Wiskunde
Natuurwetenskappe
Sosiale Wetenskappe
Tegnologie
Ekonomiese en Bestuurswetenskappe
Lewensoriëntering
Kuns en Kultuur
2.4 Programvereistes vir graad 10 tot 12

Die goedgekeurde vakke wat aan die programvereistes vir graad 10 tot 12 voldoen, word gelys in Bylae B van die Nasionale Beleid betreffende die Program- en Bevorderingsvereistes van die Nasionale Kurrikulumverklaring graad R - 12. Leerders moet sewe (7) vakke aanbied, soos aangedui in die tabel hieronder:

Vaknommer Vakke Leerderopsies
Groep A: Vier (4) vakke
1 Amptelike Taal (Huistaal) Verpligtend
2 Amptelike Taal (Eerste Addisionele Taal) Verpligtend
Een van die twee tale aangebied moet die taal van leer en onderrig wees.
3 Wiskunde Een van die twee vakke is verpligtend.
Wiskundige Geletterdheid
4 Lewensoriëntering Verpligtend
Groep B: Drie (3) vakke
Die drie vakke moet gekies word uit Bylae B, soos aangedui in die Nasionale Beleid betreffende die Program- en Bevorderingsvereistes van die Nasionale Kurrikulumverklaring Graad R – 12.

3. Rekordhouding en rapportering
3.1 Skaal van prestasie vir die Nasionale Kurrikulumverklaring

Die volgende skaal van prestasie sal gebruik word vir die rekordhouding en rapportering vir graad R tot 12 vanaf 2013:

Prestasievlak (Aanslagkode) Prestasiebeskrywing Persentasie %
7 Uitmuntende prestasie 80 – 100
6 Verdienstelike prestasie 70 – 79
5 Beduidende prestasie 60 – 69
4 Voldoende prestasie 50 – 59
3 Matige prestasie 40 – 49
2 Basiese prestasie 30 – 39
1 Ontoereikend 0 – 29
3.2 Skoolgebaseerde Assessering

Skoolgebaseerde Assessering (SGA) is 'n verpligte komponent en moet soos volg geďmplementeer word in die verskillende AOO fases en VOO band vir 2013:

Fase SGA komponent % Jaareindeksamen %
Grondslag Fase 100 0
Intermedięre Fase 75 25
Senior Fase (Grade 7 en 8) 100 0
Senior Fase (Graad 9) 75 25
Verdere Onderwys- en Opleidingsband 25 75
3.3 Aantekening en rapportering van leerderprestasie vir die verskillende grade in 2013

Grade Aantekening en Rapportering
Grade R tot 3 Aanslagkodes en Prestasiebeskrywing
Grade 4 tot 6 Aanslagkode en Persentasies / beskrywing (of beide)
Grade 7 tot 9 Aanslagkode en Persentasies / beskrywing (of beide)
Grade 10 tot 12 Aanslagkode en Persentasies

Kommentaar moet gebruik word vir die kwalifikasie van leerderprestasie.


4. Vordering en bevordering vir graad R tot 12
4.1 Vorderingsvereistes vir graad R

Vakke Vorderingsvereistes
Huistaal

Wiskunde
Vlak 4 (Voldoende Prestasie) (50%-59%)
en
Vlak 3 (Matige Prestasie) (40%-49%)
SGA = 100% van totale punt/finale vorderingspunt

So ver moontlik, moet alle leerders vanaf graad R tot graad 1 vorder, met dien verstande dat hulle in die regte ouderdomsgroep is.

In skole waar graad R aangebied word, en waar die taal van leer en onderrig nie die leerder se moedertaal is nie, moet so 'n leerder toegelaat word om vanaf graad R tot graad 1 te vorder met 'n matige prestasie (aanslagkode 3) in Huistaal.

4.2 Vorderingsvereistes vir graad 1 tot 3
4.2.1 Die volgende is riglyne vir die bepaling van 'n leerder se vordering van graad 1 tot 2, van graad 2 tot graad 3 end van graad 3 tot graad 4:

Vakke Vorderingsvereistes
Huistaal

Eerste Addisionele Taal

Wiskunde
Vlak 4 (Voldoende Prestasie)(50%-59%)
en
Vlak 3 (Matige Prestasie) (40%-49%)
en
Vlak 3 (Matige Prestasie) (40%-49%)
SGA = 100 % van totale/finale vorderingspunt

Vordering word gebaseer op die drie vakke soos hierbo aangedui.

4.2.2 Indien 'n leerder in graad 1 tot 3 vir die tweede keer in die Grondslagfase nie aan die minimum riglyne in al drie van die vereiste vakke voldoen nie, moet sodanige leerder net een keer in die Grondslagfase gehou word, graad R uitgesluit, om te verhoed dat die leerder in hierdie fase gehou word vir meer as vier jaar.
4.2.3 Leerders wat 'n graad herhaal moet voldoende addisionele ondersteuning gebied word.
4.2.4 Dowe leerders wat in spesiale skole is of deur 'n geregistreerde professionele gesondheidskundige geassesseer en gehoorgestremdheid geverifieer is, kan 'n Elementęre Prestasieaanslag (aanslagkode 2) in een van die twee vereiste amptelike tale behaal, soos hierbo uiteengesit is. Sodanige dowe leerders kan Suid-Afrikaanse Gebaretaal as 'n taal van leer en onderrig aanbied in plaas van die tweede vereiste amptelike taal. Dit sal 'n tussentydse reëling wees totdat die betrokke amptelike Suid-Afrikaanse Gebaretaalkurrikulum en Assesseringsbeleidsverklarings voltooi en goedgekeur is. Paragraaf 4.2.2 en 4.2.3 is ook van toepassing op dowe leerders
4.3 Vorderingsvereistes vir graad 4 tot 6 vanaf 2013

Vakke Vorderingsvereistes
Huistaal
Eerste Addisionele Taal
Wiskunde

Natuurwetenskappe en Tegnologie
Sosiale Wetenskappe
Lewensvaardighede

Vlak 4 ( Voldoende Prestasie) (50%-59%)
Vlak 3 (Matige Prestasie) (40%-49%)
Vlak 3 (Matige Prestasie) (40%-49%)

Vlak 3 (Matige Prestasie) (40%-49%) in TWEE van die oorblywende drie vakke

Eksaminering = 25% van totale punt/finale bevorderingspunt
Skoolgebaseerde assessering = 75% van totale punt/ finale vorderingspunt

Vordering is gebaseer op vyf van die ses vakke soos hierbo aangedui.

4.3.1 Dowe leerders wat in spesiale skole is of wat deur 'n geregistreerde professionele gesondheidskundige geassesseer en gehoorgestremdheid geverifieer is, kan 'n Elementęre Prestasieaanslag (Vlak 2) (30-39%) in een van die twee vereiste amptelike tale behaal.
4.3.2 Indien 'n leerder in graad 4 tot 6 nie voldoen aan die minimum vereistes in al vyf van die vereiste vakke nie, moet so 'n leerder slegs een keer teruggehou word, ten einde te verhoed dat die leerder in hierdie fase gehou word vir langer as vier jaar.
4.3.3 Leerders wat 'n graad herhaal, moet voldoende addisionele ondersteuning aangebied word ten einde 'n gepaste vlak van bevoegdheid te behaal om na die volgende vlak te vorder.
4.3.4 Vorderingsvereistes vir immigranteleerders in graad 4 tot 6 vanaf 2013

Vakke Vorderingsvereistes
Huistaal (HT)
Eerste Addisionele Taal (EAT)
 

Wiskunde

Natuurwetenskap en Tegnologie
Sosiale Wetenskappe
Lewensvaardighede

'n Immigranteleerder mag op ten minste EAT vlak een van die twee vereiste amptelike tale slaag, en 'n vlak 3 (Matige Prestasie) in daardie taal ontvang, met dien verstande dat hy/sy voldoen het aan die volgende oorblywende vereistes:

Vlak 3 (Matige Prestasie) (40%-49%)

Vlak 3 (Matige Prestasie) (40%-49%) in al drie (3) die oorblywende drie (3) vakke

Eksaminering = 25% van totale punt/finale bevorderingspunt
Skoolgebaseerde assessering = 75% van totale punt/finale vorderingspunt

Vordering is gebaseer op vyf van die ses vakke soos hierbo aangedui.

4.4 Vorderingsvereistes vir graad 7 en 8 in 2013

In 2013, sal die volgende vorderingsvereistes (soos gestipuleer in die Regeringskoerant No. 29626) vir graad 7 en 8 van toepassing wees:

4.4.1 Waar 'n leerder meer tyd benodig om prestasie te toon, sal besluite geneem word op die basis van die advies van die betrokkenes: onderwysers, leerders, ouers en onderwysondersteuningsdienste.
4.4.2 Enige besluit oor vordering moet gebaseer word op die getuienis van 'n leerder se prestasie teen die assesseringstake op rekord.
4.4.3 Geen leerder behoort in dieselfde fase te bly vir langer as vier jaar nie.
4.4.4 'n Leerder mag slegs een keer in die Senior Fase teruggehou word om ten einde te voorkom dat die leerder in hierdie fase gehou word vir langer as vier jaar.
4.5 Bevorderingsvereistes vir graad 9 in 2013
4.5.1 'n Leerder sal bevorder word na graad 10 indien hy of sy aan die volgende vereistes voldoen het:

Vakke Bevorderingsvereistes
Amptelike Taal 1
Huistaal
Vlak 3 (Matige Prestasie) (40%-49%) in een van die amptelike tale
Vlak 2 (Elementęre Prestasie) (30%-39%) in die ander amptelike taal
Amptelike Taal 2
Eerste Addisionele Taal
Wiskunde Vlak 3 (Matige Prestasie) (40%-49%)
Natuurwetenskappe Vlak 3 (Matige Prestasie) (40%-49%) in vier (4) van die oorblywende ses (6) vakke
Sosiale Wetenskappe
Tegnolgie
Ekonomie en Bestuurswetenskappe
Lewensoriëntering
Kuns en Kultuur

Bevordering is gebaseer op sewe van die nege vakke soos hierbo aangedui.

4.5.2 Kondonering op graad 9-vlak

'n Leerder se resultate sal slegs een keer in een van die volgende situasies gekondoneer word:

Wiskunde Vlak 2
(Elementęre Prestasie) (30%-39%)
Tale Vlak 2
(Elementęre Prestasie) (30%-39%)
Een van die vier ander vakke Vlak 2
(Elementęre Prestasie) (30%-39%)
4.5.3 Konsessies en vrystellings vir graad 9

'n Immigranteleerder wat aan die begin van die graad 9-jaar vir minder as drie jaar in die land is, moet nog steeds twee amptelike tale aanbied, en moet 'n matige prestasie in slegs een van hierdie tale behaal.

'n Dowe leerder moet twee amptelike tale aanbied, maar moet 'n matige prestasie in slegs een van hierdie tale behaal.

Leerders met enige ander spesiale behoeftes, met inbegrip van ernstige vorms van taalversteuring soos disleksie, en wiskundige versteurings, soos diskalkulie, moet ook vir vrystelling oorweeg word.

In 2014 sal nuwe vordering- en bevorderingsvereistes vir graad 7 – 9 geďmplementeer word.

4.6 Bevorderingsvereistes vir graad 10 tot 12

Leerders in graad 10 tot 12 sal bevorder word indien hulle:

4.6.1 skoolgebaseerde assessering, mondelinge assesseringstake, praktiese assesseringstake (waar van toepassing) en die jaareindeksamenvereistes van nie minder as sewe vakke nie aangebied en voltooi het; en
4.6.2 40% in drie vakke behaal het, waarvan een 'n amptelike taal op Huistaalvlak is, en 30% in drie vakke, op voorwaarde dat die skoolgebaseerde assesseringskomponent voorgelę word vir die sewende vak wat nie geslaag is nie. Die bevorderingsvereistes word in die tabel hieronder aangedui:

Bevorderingsvereistes Persentasie vereis
Vak 1: Huistaal 40%
Vak 2 40%
Vak 3 40%
Vak 4 30%
Vak 5 30%
Vak 6 30%
Vak 7 0 – 29%

'n Leerder wat meer as een amptelik taal op Huistaalvlak aangebied het as deel van die vereiste sewe (7) vakkepakket, kan die addisionele taal teen 30% slaag, met dien verstande dat hy of sy aan die slaagvereistes voldoen het soos hierbo aangedui.

4.6.3 'n Leerder mag slegs een keer in die Verdere Onderwys en Opleidingsfase gehou word om te verhoed dat hierdie leerder vir langer as vier jaar teruggehou te word.
4.6.4 Leerders wat graad 10 of graad 11 herhaal, moet die nodige ondersteuning ontvang.
4.6.5 Vordering in graad 10 – 12 waarborg nie die finale sertifisering van `n leerder in graad 12 nie. So `n leerder moet voldoen aan die sertifiseringsvereistes, soos bedoel in paragraaf 37 (1) van die NBRPBV van die NKV graad R – 12, om hom of haar in staat te stel om `n Nasionale Senior Sertifkaat te verwerf.
4.7 Bevorderingsvereistes vir immigranteleerders in graad 10 tot 12
4.7.1 'n Immigranteleerder mag slegs een amptelike taal op ten minste Eerste Addisionele Taal vlak aanbied, met dien verstande dat dit die taal van leer en onderrig is. Die leerder moet 30% in daardie taal behaal, met dien verstande dat 'n ander vak uit Bylae B in die Nasionale Beleid met betrekking tot die Program- en Bevorderingsvereistes van die Nasionale Kurrikulumverklaring graad R-12 aangebied word.
4.7.2 'n Immigranteleerder mag sy of haar huistaal aanbied in die plek van daardie een amptelike taal, onderworpe aan die voorskrif dat daardie taal verskyn op die Huistaalvlak in Tabel 4 van Bylae B.

5. Bring asseblief die inhoud van hierdie omsendbrief onder die aandag van alle betrokkenes.


GETEKEN: PENNY VINJEVOLD
HOOF: ONDERWYS
DATUM: 2013:06:10

"Government Gazette 36041"  (grootte: 875 KB)
"Government Gazette 29626"  (grootte: 894 KB)