1. Die Provinsiale Minster wat verantwoordelik is vir onderrig in die Wes-Kaap, het ingevolge die bepalings van artikel 3(1) van die Wes-Kaapse Provinsiale Onderwyswet 1997, (Wet 12 van 1997) die Wes-Kaap Onderwysdepartement se Beleid op Leerdervervoerskemas vir Gewone Openbare Skole gemaak.

2. Die beleid vervang die WKOD se Leerdervervoerskemabeleid vir Gewone Openbare Skole, wat aan skole gestuur is onder dekking van Omsendbrief 0046/2012, gedateer 3 Desember 2012.

3. Die nuwe beleid sluit die volgende in:

  1. Prosedurele vereistes en toekenning;
  2. Vereistes vir toekenning;
  3. Bedryfs-en diensvlakooreenkoms;
  4. Veiligheid van leerders en verpligtinge van kontrakteurs;
  5. Befondsing;
  6. Beëindiging van `n leerdervervoerskema;
  7. Klagtes; en
  8. Appélle.
4. Vind asseblief aangeheg kopieë van die volgende:

  1. Die nuwe Leerdervervoerbeleid;

  2. Die WKOD 061-vorm wat voltooi moet word vir elke leerder wat vervoer word. Hierdie vorm moet ook onderteken word deur die prinsipaal en die ouer, waardeur magtiging aan die leerder gegee word om van die leerdervervoerskema gebruik te maak; en

  3. Die WKOD-kontrolelys LTS. 1, wat gebruik moet word vir roetine padwaardigheidondersoeke, deur die prinsipaal of sy of haar gedelegeerde, op voertuie wat leerders vervoer.
5. Prinsipale word versoek om die inhoud van hierdie omsendbrief onder die aandag van alle personeellede te bring.


GETEKEN: PA VINJEVOLD
HOOF: ONDERWYS
DATUM: 2013:04:30

"Western Cape Provincial School Education Act, 1997"  (grootte: 61 KB)
Wes-kaap Onderwysdepartement se beleid oor Leerdervervoerskemas  (grootte: 59 KB)
WKOD 061-vorm: Aansoek om toelating vir 'n leerder tot 'n Leerdervervoerskema  (grootte: 55 KB)
WKOD-kontrolelys LTS. 1  (grootte: 52 KB)