1. Die doel van hierdie omsendbrief is om die rooster en die assesseringsriglyne vir die skryf van die 2013 Jaarlikse Nasionale Assesserings (JNA) aan skole te voorsien.

2. Die JNA sal afgeneem word van 10 - 13 September 2013 soos aangedui op die aangehegte voorgeskrewe rooster. Versuim om by die voorgeskrewe datums en tye te hou, sal 'n assesseringsonreëlmatigheid wees.

3. Die dae waarop die JNA afgeneem word, is gewone skooldae, leer en onderrig moet voortgaan na die voltooiing van elke assessering.

4. Aangesien dit 'n nasionale assessering is, sal monitering deur distriksbeamptes, provinsiale beamptes sowel as verteenwoordigers van die Departement van Basiese Onderwys (DBO) behartig word.

5. Die Departement van Basiese Onderwys (DBO) het assesseringsriglyne vir elke graad en vak (Taal en Wiskunde) ontwikkel, wat aandui die omvang van die kurrikulum wat gedek moet word voor die skryf van die ANA. Hierdie riglyne is by die onderwysdistrikte versprei en sal op die AOO Assesseringswebtuiste verskyn. Om hierdie riglyne te bekom, gaan na:

http://wced.school.za/home/home.html,

  • kliek op "Teaching/Curriculum Support",
  • kliek op "Assessment Management",
  • kliek op "GET Assessment",
  • kliek op "Annual National Assessments 2013" en
  • kliek dan op "Annual National Assessments Guidelines 2013".
6. Onderwysdistriksbeamptes en prinsipale word vriendelik versoek om die inhoud van hierdie omsendbrief onder die aandag van hulle personeel, leerders en ouers te bring.


GETEKEN: PENNY VINJEVOLD
HOOF: ONDERWYS
DATUM: 2013:05:07

2013 Jaarlikse Nasionale Assesserings Rooster  (grootte: 29 KB)