1. |
Die prosedures met betrekking tot die bestuur van die 8- weke reël verskyn in Omsendbrief 0027/2006 van 8 Junie 2006. |
2. |
Om die effektiewe toepassing van hierdie reël te verseker, word prinsipale, opvoeders en staatsdienspersoneel herinner aan die volgende, soos saamgevat in Omsendbrief 0027/2006 van 8 Junie 2006: |
2.1 |
Ingevolge die huidige siekteverlofvoorsiening vir die staatsdiens, soos vervat in die Direktief oor Afwesigheidsverlof vir die Staatsdiens, (hierna genoem die Direktief),
- is 'n werknemer (wat ook beteken opvoeder vir die doel van hierdie omsendbrief) geregtig op 36 werksdae normale siekteverlof met volle betaling oor 'n driejaarsiklus,
- ongeag hoeveel dae reeds benut is, moet hy/sy 'n siektesertifikaat voorlê wat uitgereik is deur 'n geregistreerde en erkende mediese praktisyn vir elke drie of meer agtereenvolgende dae siekteverlof wat benut is en die duur van die afwesigheid aangedui. Indien daar egter gevalle is waar 'n patroon in die gebruik van siekteverlof bespeur kan word, kan daar van die betrokke werknemer vereis word om 'n mediese sertifikaat selfs vir afwesighede vir tydperke korter as drie werksdae voor te lê.
|
2.2 |
Voorsiening is gemaak in Hoofstuk 3, artikel 23 (1) van die Wet op Basiese Diensvoorwaardes, 1997, vir die 8-weke-reël. Hierdie artikel bepaal dat dit nie van 'n werkgewer verwag word om 'n werknemer te besoldig nie, indien:
- die werknemer van die werk afwesig was vir meer as twee agtereenvolgende dae,
- by meer as twee geleenthede afwesig was gedurende 'n 8-weke-periode, en wanneer daarom gevra deur die werkgewer, nie 'n mediese sertifikaat kan voorlê wat vermeld dat die werknemer nie in staat was om te werk vir die duur van die afwesigheid op grond van 'n siekte of besering nie.
|
2.3 |
Die Minister vir Staatsdiens en Administrasie het besluit dat die huidige verlofdirektief vir die Staatsdiens uitgebrei moet word om die 8-weke-reël in te sluit. Die volgende verdere direktief sal ook toegepas moet word:
- 'n Werknemer in sy/haar eerste 36 dae van 'n normale siekteverloftydperk, wat van werk afwesig was meer as twee keer tydens 'n 8-weke-periode, moet, afgesien van die duur van die siekte of besering, 'n mediese sertifikaat voorlê wat vermeld dat die werknemer nie in staat was om te werk vir die duur van die afwesigheid nie, op grond van siekte of 'n besering.
- By die voltooiing van 'n verlofvorm moet die werknemer aandui dat waar nie voldoen is aan die 8-weke-reël nie, die werkgewer sy/haar vakansieverlof-krediete daarvoor kan gebruik, of, indien geen vakansieverlof beskikbaar is nie, dit as onbetaalde verlof moet implementeer.
- Die 8-weke-periode sal 'n kalenderperiode wees en sal begin op die eerste dag van 'n werknemer se afwesigheid as gevolg van siekte of 'n besering. Enige daaropvolgende dag/dae van afwesigheid, as gevolg van siekte of 'n besering na die bogenoemde periode sal dan beskou word as die eerste dag van die volgende 8-weke-periode.
|
3. |
Bring asseblief die inhoud van hierdie omsendbrief onder die aandag van alle werk-nemers onder u beheer. |
GETEKEN: PA VINJEVOLD
HOOF: ONDERWYS
DATUM: 2013:04:04
|
![](images/shim.gif) |