1. Ten einde die implementering van die Kurrikulum- en Assesseringsbeleidsverklaring te ondersteun (KABV), in graad 7 tot 9 en graad 12 in 2014, het die Departement van Basiese Onderwys (DBO), die katalogusse van handboeke vir hierdie grade saamgestel.

2. Elektroniese weergawes van die DBO se Nasionale Handboek Katalogusse vir graad 7 tot 9 en graad 12 is aangeheg as Bylae A en B, onderskeidelik.

3. Die Wes-Kaapse Onderwysdepartement (WKOD), is nie in staat om die aankoop van alle vereiste KABV handboeke vir graad 7 tot 9 en graad 12 te befonds, soos aangedui in Omsendbrief 0016/2013 (gedateer 14 Maart 2013), nie. Skole word dus versoek om hulle Lewensoriëntering-handboeke deur middel van Norme en Standaarde-toekennings, of eie fondse, te verkry. Die WKOD sal die skole voorsien van 'n geleentheid om die Lewensoriëntering-handboeke te bestel deur die WKOD se gesentraliseerde aanlyn bestel stelsel. Indien 'n skool kies om hierdie aankope deur die aanlyn bestel stelsels te maak, sal die WKOD die Lewensoriënteringhandboeke aanskaf en aflewer. Die bedrag verskuldig sal dan van die skool se November 2013 Norme en Standaarde-toekennings afgetrek word.

4. Die volgende boeke sal NIE deur die WKOD gefinansier word nie, maar sal befonds moet word deur skole uit hulle Norme en Standaarde-toekennings en/of eie fondse:

  • Kernlesers, literatuur bloemlesings en romans vir Huis en Eerste Addisionele taal in graad 7 tot 9 katalogus
  • Onderwysgidse in beide katalogusse

Skole sal die opsie hê om hierdie boeke deur die WKOD se gesentraliseerde aanlyn bestel stelsel te verkry. Indien 'n skool kies om die graad 7 tot 9 kernlesers vir literatuur bloemlesings en romanse vir Huis en Eerste Addisionele Taal, onderwysersgidse, en die Lewensorientering handboeke, deur die aanlyn bestel stelsel te koop, sal die bedrag verskuldig afgetrek word van die skool se November 2013 Norme en Standaarde-toekennings.

Alternatiewelik, mag Afdeling 21-skole hierdie boeke direk vanaf uitgewers of verskaffers bestel, en hulle rekeninge vereffen deur middel van Norme en Standaarde-toekennings en/of eie fondse.


5. Handboeke vir die volgende vakke is NIE in die graad 12 Nasionale Handboek Katalogus nie. Skole sal, met die verloop van tyd, in kennis gestel word van alternatiewe bronne vir hierdie vakke:

  • Landboutegnologie (Afrikaans en Engels)
  • Dansstudies (Afrikaans)
  • Dramatiese Kunste (Afrikaans)
  • Informasietegnologie (Afrikaans en Engels)
  • Xhosa Eerste Addisionele Taal
  • Musiek (Afrikaans en Engels)
6. Skole moet hulle gekose handboeke op die aanlyn handboek stelsel bestel wat op die SOBIS geskep is. Dit sal aktief wees vir die periode van 3 tot 14 Junie 2013. Skole moet seker maak dat hulle bestellings vasgevang, en op die SOBIS afgeteken is teen 14 Junie 2013.

7. Besonderhede oor die prosedures wat gevolg moet word, sal aan alle skole gedurende Mei 2013 gekommunikeer word.

8. Skole sal voorsien word van 'n geleentheid om die handboeke in die Nasionale Katalogusse by handboekuitstallings te besigtig. Dit sal in geselkteerde areas plaasvind, in alle onderwysdistrikte, vanaf 13 tot 30 Maart 2013. Besonderhede met betrekking tot die datums, tye en plekke van hierdie uitstallings sal teen einde April 2013 aan skole gekommunikeer word.

9. Druk asseblief afskrifte van die Nasionale Handboek Katalogusse, en bring dit, asook die inhoud van hierdie omsendbrief, onder die aandag van alle betrokke personeel.


GETEKEN: PA VINJEVOLD
HOOF: ONDERWYS
DATUM: 2013:04:08

Byale A: "WCED National Textbook Catalogue for Grade 7-9"  (grootte: 196 KB)
Byale B: "WCED National Textbook Catalogue for Grade 12"  (grootte: 146 KB)