Die beleid maak voorsiening vir kantoorgebaseerde werknemers van die WKOD wat normale werksure handhaaf, om toegelaat te word om wisselende werksure te volg, met ingang vanaf 1 April 2013, in ooreenstemming met die volgende beginsels en maatreëls:

1. die begintyd nie vroeër as 07:00, en die sluitingstyd nie later as 16:30, is nie;

2. die kerntyd ingestel is op 08:00 tot 15:30 (7½ uur). Gedurende hierdie kerntydperk, met die uitsondering van die middagete, moet alle werknemers aan diens wees;

3. `n middagete van 30 minute vanaf 12:30 tot 13:00/13:30, onderhewig aan `n totaal van 8 uur (uitsluitende etenstye), daaglikse werk;

4. die normale werksure van die Departement bly 07:30 tot 16:00 met middagete vanaf 12:30 tot 13:00. Vir enige afwyking hiervan, sal werknemers reëlings moet tref deur die voltooiing van die aangehegte vorm (Bylae A);

5. die gesag om individuele versoeke vir wisseling van die normale werksure goed te keur, is gedelegeer aan die Direkteure van die verskillende komponente in die Departement;

6. ooreengekome werkstye sal van krag bly totdat goedkeuring vir die verandering ontvang is na `n minimum tydperk van 6 maande;

7. die voorskrifte ten opsigte van besoldigde oortyd sal onveranderd bly. Dit beteken dat `n beampte se oortyd periode ‘n aanvang sal neem onmiddellik na die voltooiing van `n 8 uur diens wat gelewer word op `n weeksdag;

8. afskrifte van vorms waar afwykings van die gewone kantoorure goedgekeur is, moet aan die Direktoraat: Menslike Hulpbronne Administrasie (Landelik & Kantoorgebaseerd), vir rekorddoeleindes gestuur word;

9. werknemers moet seker maak dat hulle die toegangskaarte sleep wanneer hulle die gebou betree vir werk, en dit weer sleep wanneer die gebou verlaat word teen sluitingstyd.

Personeel word versoek om te verseker dat hulle voldoen aan die werksure wat goedgekeur is.