1. |
In 2014, sal die Kurrikulum- en Assesseringsbeleidsverklaring (KABV) ingefaseer word in die Senior Fase, (Graad 7, 8 en 9) en in Graad 12. |
2. |
Om die infasering te ondersteun, sal die Wes-Kaap Onderwysdepartement (WKOD) alle leerders voorsien met die KABV-verwante handboeke vir die volgende vakke:
- Grade 7, 8 en 9: Huistaal, Eerste Addisionele Taal, Wiskunde, Lewensörientering, Sosiale Wetenskappe, Natuurwetenskappe, Kreatiewe Kunste, Tegnologie en Ekonomiese Bestuurswetenskappe
- Graad 12: Huistaal, Eerste Addisionele Taal, Wiskunde/Wiskunde Geletterdheid, Lewensörientering en drie gekose vakke.
Daar sal van skole verwag word om onderwysergidse aan te koop uit hulle Norme en Standaarde toewysings
|
3. |
Die nasionale katalogusse van goedgekeurde graad 7, 8, 9 en 12 KABV-handboeke, soos uitgereik deur die Departement van Basiese Onderwys, sal beskikbaar gestel word aan skole teen 15 April 2013. |
4. |
KABV-handboek uitstallings sal gehou word by onderwysdistrikskantoor se vergaderplekke. Dit sal gedurende Mei 2013 plaasvind wanneer al die KABV graad 7, 8, 9 en 12 handboeke en onderwysersgidse op die nasionale katalogusse beskikbaar sal wees vir u kennisname. Belangrike inligting sal voorsien word sodat skole ingeligte handboekkeuses kan maak. Die datums, plekke en programme van die uitstallings sal gedurend April 2013 aan die skole gekommunikeer word. |
5. |
Skole sal hulle geselekteerde graad 7, 8 , 9 en graad 12-handboeke gedurende 2013 op die KABV bestelfasiliteit, SOBIS kan bestel. Die sluitingsdatums vir die vaslegging van hierdie handboekbestellings op die SOBIS sal gedurende Mei 2013 bevestig word. |
6. |
Die WKOD sal die KABV-handboeke aankoop namens die openbare skole. |
7. |
Skole word versoek om hulle leerderinskrywingsgetalle per graad op te dateer, en dit per graad, vak en taal (Huistaal en Eerste Addisionele Taal) te bevestig op die SOBIS. |
8. |
Die WKOD sal die huidige leerdergetal in graad 7, 8, 9 en 12 gebruik, saam met die slaagsyfer van vorige jare, asook teikens wat deur skole vasgestel is, om die hoeveelheid KABV-handboeke te beperk wat bestel kan word per graad en per skool. |
9. |
Bring asseblief die inhoud van hierdie omsendbrief onder die aandag van alle betrokke personeel. |
GETEKEN: PA VINJEVOLD
HOOF: ONDERWYS
DATUM: 2013:03:14
|
|