Goedkeuring is verleen vir 'n verhoging in per capita subsidie vir leerders in goedgekeurde graad R-klasse by gewone openbare skole en vroeëkindontwikkeling (VKO) onafhanklike skole vanaf 1 April 2013. Die per capitasubsidie per leerder per dag is soos volg verhoog:

Gewone openbare skole en VKO onafhanklike skole in

Kwintiel 1 van R18.00 tot R20.00 (R4,000.00 per leerder per jaar);
Kwintiel 2 van R17.00 tot R19.00 (R3,800.00 per leerder per jaar);
Kwintiel 3 van R16.00 tot R18.00 (R3,600.00 per leerder per jaar);
Kwintiel 4 van R12.00 tot R17.00 (R3 400 per leerder per jaar); en
Kwintiel 5 van R10.00 tot R16.00 (R3,200.00 per leerder per jaar).

'n Gewone openbare skool met minder as 20 leerders sal 'n subsidie van R84 000.00 per jaar ontvang, wat bestaan uit R72 000.00 vir die jaarlikse salaris van die graad R-praktisyn en R12 000 vir die aankoop van leer- en onderrigondersteuningsmateriaal (LOOM) en die betaling vir nutsdienste.

Die subsidie vir landelike gewone openbare skole wat vir die minimum subsidie kwalifiseer is verhoog na R84 000 per jaar.

Die eerste deel van die subsidie sal in April uitbetaal word en die tweede in Oktober.

Prinsipale van gewone openbare skole en hoofde van onafhanklike skole word daaraan herinner dat graad R subsidie-eisvorms, (Bylae A, B, C en D), korrek voltooi moet word en onderteken word voor hulle aan die onderwysdistrikskantoor voorgelę word. Kopieë van bywoningsregisters, die SOBIS-verslag, betaalstrokies, kwitansies vir LOOM en bewys van die gedeeltelike betalings wat vir nutsdienste betaal is, moet ook getoon word.

Onvolledig ingevulde vorms (of vorms wat direk aan die Hoofkantoor voorgelę is) sal teruggestuur word, wat natuurlik sal lei tot vertragings in die toekenningsprosedure sowel as die betaling van eise.

Die kwartaallikse aansoeke om subsidies vir 2013 – 2014 moet voorgelę word aan plaaslike onderwysdistrikskantore teen die volgende datums:

Gewone openbare en onafhankIike skole wat nie hou by die bogenoemde datums nie, loop die risiko dat hulle hulle subsidies kan verloor.

Skole wat bystand verlang met die voltooiing van die subsidie-eisvorms kan die IBB VKO-bestuurder by hulle onderwysdistrikskantoor skakel.

Daar word nog steeds baie navrae ontvang aangaande die salarisse van graad R-praktisyns. Die WKOD wil weer beklemtoon dat die vergoeding van graad R-praktisyns (behalwe diegene wat nog steeds op die diensstaat van die WKOD is) die verantwoordelikheid van die relevante beheerliggaam is. Dit is dus baie belangrik dat beheerliggame 'n kontrak sluit met elke graad R-praktisyn, wat duidelik elke praktisyn se vergoeding en diensvoorwaardes uiteensit.

Soos vanaf 1 April 2013 behoort die minimum salaris vir 'n graad R-praktisyn R6 000 per maand te wees.

Die skole in nasionale kwintiele 1, 2 en 3 word daaraan herinner dat die graad R-praktisyn geregtig is op die volle 80% van die subsidietoekenning.

Beheerliggame van skole in nasionale kwintiele 4 en 5 moet 80% van die subsidie vir die praktisyn se salaris gebruik. Die beheerliggame van hierdie skole moet ook 'n bydrae maak tot die praktisyn se salaris, indien dit minder is as die minimum basiese salaris van R6 000.00. Van die oorblywende 20% van die subsidietoekenning moet 10% gebruik word vir die aankoop van LOOM en 10% vir nutsdienste.

Om enige onderbetaling van salarisse te vermy, word skole versoek om die inligting in Bylae A te gebruik en/of hulle distriksbeamptes te kontak indien hulle hulp nodig het met die korrekte berekening van hulle praktisyns se salarisse.