| 1. |
Hierdie omsendbrief lig skoolhoofde, skoolbeheerliggame (SBL'e) en distriksbeamptes in van die prosedure vir inskrywing van leerders vir die 2014-skooljaar. Dit het betrekking op kinders wat vir die eerste keer skool toe gaan, diegene wat hoerskool begin en die wat van skool verander. |
| 2. |
Hierdie omsendbrief moet saamgelees word met die Wes-Kaap Onderwysdepartement (WKOD) se Beleid vir die Bestuur van Toelating en Registrasie van Leerders by Gewone Openbare Skole, geimplementeer met ingang 1 Januarie 2011. (Sien Omsendbrief 0026/2010.) |
| 3. |
Skole word versoek om hulle te weerhou van onwettige praktyke wat inbraak maak op die leerder se basiese reg op opvoeding soos uiteengesit in die Grondwet, die Suid-Afrikaanse Skolewet en die bogenoemde toelatingsbeleid. |
| 4. |
Die WKOD beskou vroee inskrywing as 'n prioriteit vir die begin van 'n suksesvolle skooljaar. Die volle gebruik van onderrigtyd gedurende 'n akademiese jaar is noodsaaklik vir gesonde akademiese prestasie, en dus is dit belangrik dat kinders ingeskryf word lank voor die einde van 2013. |
| 5. |
Ouers en voogde word herinner aan hulle verantwoordelikhede en regte ten opsigte van die inskrywing van hulle kinders vir skool: |
| 5.1 |
Dit is die verantwoordelikheid van ouers en voogde om hulle kinders vir die volgende skooljaar in te skryf indien hulle na graad 1 gaan of van skool verander (soos wanneer hulle na graad 8 of 9 gaan of na 'n nuwe geografiese gebied verskuif). |
| 5.2 |
Ouers en voogde moet onderskei tussen 'n kind wat "ingeskryf" word en wat "op 'n waglys geplaas word". Om op „n waglys te verskyn is nog geen waarborg dat hulle kind wel tot daardie skool toegelaat sal word nie. |
| 5.3 |
Ingevolge artikel 3(1) van die Suid-Afrikaanse Skolewet (Wet 84 van 1994), is skoolbywoning verpligtend vir alle leerders vanaf die eerste skooldag van die jaar waarin die leerder die ouderdom van sewe jaar bereik. |
| 5.4 |
Artikel 5(4)(a) van die Wet bepaal die toelatingsouderdom van 'n leerder tot 'n openbare skool as volg:
- Graad R: vier jaar word vyf teen 30 Junie in die jaar van toelating, en
- Graad 1: vyf jaar word ses teen 30 Junie in die jaar van toelating.
Dit is die MINIMUM-ouderdom waarop toelating verleen mag word, maar is onderhewig aan die ontwikkelingsgereedheid van die kind.
|
| 5.5 |
Ouers en voogde moet, in die eerste instansie direk onderhandel met die skool waar hulle hulle kind wil inskryf. Indien hulle egter probleme ondervind met die inskrywing van hulle kind vir 2014, mag hulle hulle plaaslike onderwysdistrikskantoor nader om bystand, deur die gepaste telefoonnommer hieronder te gebruik:
| Onderwysdistrik |
Tel. no. |
| Metro-Sentraal |
021 514 6700 |
| Metro-Suid |
021 370 2000 |
| Metro-Noord |
021 938 3000 |
| Metro-Oos |
021 900 7000 |
| Overberg |
028 214 7300 |
| Kaapse Wynland |
023 348 4600 |
| Weskus |
021 860 1207 |
| Eden & Sentrale Karoo |
044 803 8300 |
|
| 5.6 |
Dit word veronderstel dat 'n kind wat tans by 'n skool ingeskryf is, by daardie skool sal voortgaan tot die skoolverlatingsgraad. Sommige skole het van ouers verwag om te bevestig dat die leerder daardie skool die volgende jaar sal bywoon. In sulke gevalle moet die prinsipaal en die SBL die ouers van hierdie vereiste in kennis stel. |
| 6. |
Prinsipale en SBL'e moet ouers en/of voogde inlig dat inskrywing vir 2014 uit twee fases bestaan:
| Fase 1 |
1 Maart tot 21 Junie |
Geskrewe response aan ouers teen 28 Junie |
| Fase 2 |
16 Julie – 6 September |
Geskrewe response aan ouers teen 11 Oktober |
LW: Sommige skole mag verkies om hierdie proses vroeër te begin.
|
| 7. |
Skole word daaraan herinner dat hulle teen 28 Junie 2013 reeds op alle eerstefaseaansoeke moes geantwoord het sodat ouers en voogde voldoende tyd het om na alternatiewe skole te soek waar hulle hulle kinders kan inskryf. |
| 8. |
Prinsipale en SBL'e word versoek om die inhoud van hierdie omsendbrief aan alle opvoeders, ouers en voogde beskikbaar te stel.
|
GETEKEN: PA VINJEVOLD
HOOF: ONDERWYS
DATUM: 2013:03:01
|
 |