1. |
Die Minister van Basiese Onderwys het paragraaf 145 van die Nasionale Norme en Standaarde vir die Befondsing van Skole gewysig om voorsiening te maak vir:
- die erkenning van vrywillige verenigings wat beheerliggame van openbare skole verteenwoordig, vir die doel van befondsing;
- befondsing aan skoolbeheerliggame as 'n bydrae tot die betaling van lidmaatskapfooie aan die erkende vrywillige vereniging waarvan hulle 'n lid is; en
- befondsing aan verenigings vir skoolbeheerliggame vir kapasiteitsbou.
|
2. |
Die wysigings is gepubliseer in Staatskoerant nr. 35617 van 27 Augustus 2012 (kopie aangeheg) en geld vanaf 1 April 2013. Hierdie omsendbrief is om skole en skoolbeheerliggame in te lig van die verandeing hangende die finalisering van die implementeringsprossesse. |
3. |
Ingevolge paragraaf 145B van die gewysigde beleid sal skoolbeheerliggame wat geregistreerde lede is of lede word van 'n erkende vrywillige beheerliggaamvereniging, vanaf die implementeringsdatum van die beleid, kwalifiseer vir befondsing jeens die betaling van lidmaatskapfooi van die SBL- vereniging waarvan hulle 'n lid is. |
3.1 |
Hieronder is 'n lys van bestaande SBL- verenigings en hul kontakbesonderhede. Skoolbeheerliggame wat nog nie by een van die verenigings aangesluit het nie en graag 'n lid wil word, kan enige van die verenigings kontak vir verdere inligting.
Indien skole bewus is van enige vrywillige SBL vereniging in hulle plaaslike gemeenskap wat nie hierbo gelys is nie of as hulle aan so 'n vereniging behoort, word hulle versoek om hierdie department daarvan in kennis te stel deur die besonderhede van die vereniging te e-pos aan mnr Deon Louw by : Deon.louw@westerncape.gov.za
|
3.2 |
Die bydrae tot die lidmaatskapfooi van 'n SBL-vereniging sal nie noodwendig die volle jaarlikse lidmaatskapfooi dek nie en nie die totale lidmaatskapfooi oorskry nie. Befondsing sal bereken word soos aangedui in paragraaf 145B(c) van die wysigings en die oorplasing van fondse sal geskied in lyn met paragraaf 145B(e). |
3.3 |
Die Wes-kaap Onderwysdepartement is tans besig om 'n aanlynproses te ontwikkel waardeur SBLe hul eise om befondsingshulp vir lidmaatskapfooie aan die department kan voorlę en betaling aan skole of beheerliggaamverenigings gemaak kan word. Verdere besonderhede in die verband sal mettertyd aan skole gestuur word. |
4. |
Neem asseblief kennis dat, ingevolge paragraaf 145C van die beleid mag fondse, onderworpe aan sekere voorwaardes, aan erkende en goedgekeurde SBL-verenigings wat aan die opleiding van SBL-lede of 'n groep van skoolbeheer -liggame wil deelneem, beskikbaar gestel word om kapasiteit te bou om hul werkverrigting te verbeter. Opleiding wat deur SBL-verenigings aangebied sal word, is nie bedoel om die department se opleidings-intervensies te vervang nie en die samewerking van die beheerliggame in die verband is belangrik. |
5. |
Bring asseblief die bogemelde inligting onder die aandag van alle SBL-lede. |
GETEKEN: PA VINJEVOLD
HOOF: ONDERWYS
DATUM: 2013:02:04
|
|