| 1. |
Le setyhula ijoliswe kwizikolo ezinikwe, ngokweSiqendu 21 (1c) soMthetho weZikolo zaseMzantsi Afrika, 1996, ("uMthetho 84, ka-1996), umsebenzi wokulungiselela nokuhlawulela inkonzo yothutho lwabafundi bezikolo zazo, ngoncedo lwemali oluvela kwiSebe leMfundo leNtshona Koloni (WCED). |
| 2. |
I-WCED inike ezo zikolo i-bid and contract form, eyenziwa kunye nabameli bomthetho (legal representatives) bekhontraki zothutho lwabafundi (learner transport contractors). Le fom mayisetyenziselwe ukungenisa ibhidi nokwenza imvumelwano nomboneleli-nkonzo wenkonzo yothutho lwabafundi. Ngokumalunga nemvumelwano, le fom icacisa zonke iimfuno ezingummiselo zezothutho, imiqathango yemvumelwano nezohlwayo. |
| 3. |
Nakuba kunjalo, siqaphele ukuba ezinye izikolo aziyisebenzisi le bid and contract form.
|
| 4. |
I-WCED inqwenela ukukhumbuza zonke izikolo ezichaphazelekayo ukuba kunyanzelekile ukusetyenziswa kwe-bid and contract form eqhotyoshelweyo kuthutho lwabafundi. Izikolo zinokuyongeza ikhontenti yale fom kodwa mazilandele ngqo ezona mfuno zisezantsi zingummiselo ezikule fom. |
| 5. |
Abacebisi ngezeenkonzo zeziko nabaphathi beekomiti zeesekethe kwii-ofisi zezithili zemfundo baya kubeka esweni ukusetyenziswa okunyanzelekileyo kwe-bid and contract form yaye, ukulungiselela iinjongo zophicotho-zincwadi, ziyacelwa ke ngoko izikolo ukuba zifayilishe ubungqina bokusetyenziswa kwale fom. |
| 6. |
Izikolo ezinengxaki malunga nokutolikwa kokuthethwa ngamagatya (clauses) akwi-bid and contract form, zingafuna uncedo kuSekela-Mlawuli weeNkonzo zeZiko kwi-ofisi yesithili semfundo yazo. |
| 7. |
Kucelwa wazise okuqulethwe kule setyhula bonke abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2012:10:30
|
 |