1. |
Le setyhula ithatha indawo yazo zonke iisetyhula zangaphambili ezinxulumene neenkxaso-mali zeBakala R. |
2. |
Utshintsho kusetyenziso lwenkxaso-mali yeBakala R |
2.1 |
Kwixesha elidlulileyo, bekufuneka inkxaso-mali yeBakala R yahlulwe ngolu hlobo lulandelayo:
- I-80% ibe yeyemivuzo yeeprakthishina zeBakala R
- I-20% ibe yeyezinto zokunika inkxaso ekufundeni nasekufundiseni (learning and teaching support material (LTSM)) abafundi beBakala R
|
2.2 |
Emva kokufumana izicelo ezininzi zokuba kukhe kuqwalaselwe kwakhona indlela ekuchithwa ngayo le nkxaso-mali, nasemva kothetha-thethwano nabathathi-nxaxheba beze-ECD abahluka-hlukeneyo, kunikwe imvume yokufakela izilungiso kusetyenziso lwesahlulo esiyi-20% senkxaso-mali. Le 20% inako ngoku ukusetyenziswa ngolu hlobo lulandelayo, ukususela ngoku:
- I-10% isetyenziswe kwi-LTSM (yezixhobo zangaphakathi nangaphandle kwesakhiwo)
- I-10% eshiyekileyo ichithwe kuyo nayiphi na yezi zinto zilandelayo:
Kusetyenziso lombane, kusetyenziso lwamanzi, kwiindleko zemihla ngemihlaezinjengolondolozo nokucoca izakhiwo namabala.
|
2.3 |
Kukwabalulekile ukuqaphela ukuba i-80%, nokwahlulwa kabini kwe-10% ne-10% akusebenzi kwizikolo zikarhulumente ezinabafundi abangaphantsi kwe-20. Ezi zikolo, ezifumana inkxaso-mali ubuncinane ye-R72 000 ngonyaka, mazisebenzise inkxaso-mali yazo ekuhlawuleni imivuzo yootitshala, o.k.t. i-R5 000 ngenyanga, size isixa esishiyekileyo esiyi-R12 000 ngonyaka sisetyenziswe ekuthengeni i-LTSM nakwiindleko zemihla ngemihla. |
3. |
Ukungeniswa kwesicelo sekota senkxaso-mali |
3.1 |
Isicelo sekota senkxaso-mali masibe noku kulandelayo:
- IsiHlomelo A – Iinkcukacha zesikolo/zeziko nengcebiso ye-ofisi yesithili semfundo
- IsiHlomelo B – Iinkcukacha zabafundi beBakala R
- IsiHlomelo C – Iingxelo-mali ezimfutshane zeemali ezingenileyo nezichithiweyo
- IsiHlomelo D – Isatifikethi solawulo lwemali ngokufanelekileyo
- Ikopi ebhalwe ngokucacileyo yerejista yokuhamba isikolo yekota edlulileyo
yabafundi ababhalisiweyo
- Ikopi eprintiweyo yengxelo yeCEMIS yeziko
- Iikopi zamaphetshana emivuzo asayiniweyo (signed salary advices)
- Ii-invoyisi neerisithi ezingqinisisiweyo zayo yonke i-LTSM ethengiweyo, njengoko kucacisiwe kumhlathi 2 apha ngasentla.
|
3.2 |
Izikolo ezifuna uncedo malunga nokuzaliswa kweefom zamabango enkxaso-mali maziqhagamshelane nomphathi weze-IMG ECD kwi-ofisi yesithili semfundo yazo. |
4. |
Imihla yokungeniswa kwezicelo zenkxaso-mali ka-2013
Izicelo zenkxaso-mali ezenziwa qho ngekota zika-2013 mazingeniswe kwii-ofisi zezithili zemfundo ezikuloo ndawo inesikolo ingadlulanga le mihla ilandelayo:
Ikota yesikolo |
Imihla yokungeniswa kwezicelo |
Ezekota yokuqala 2013 |
15 Februwari 2013 |
Ezekota yesibini 2013 |
10 Meyi 2013 |
Ezekota yesithathu 2013 |
9 Agasti 2013 |
Ezekota yesine 2013 |
25 Oktobha 2013 |
|
5. |
Ziyacelwa izikolo zikarhulumente ukuba zincede ziqinisekise ukuba zonke iinkcukacha zeeprakthishina zeBakala R zifakwa ekhompyutheni kwiifom zeSaveyi yoNyaka (Annual Survey forms), nakwiSistim yezoLawulo lweKhefu laBasebenzi (Human Capital Leave Management System). |
6. |
Ziyakhunjuzwa izikolo ezizimeleyo ezineeklasi zeBakala R ukuba iifom zeSaveyi yoNyaka mazizaliswe zize zibuyiswe ungadlulanga owe-31 Matshi kunyaka ngamnye. Izikolo ezingakuthobeliyo oku azisayi kufumana nkxaso-mali yazo yeBakala R. |
7. |
Ukuqinisekisa ezona zinto zilungiselela ngeyona ndlela ingcono iimfuno nokhuseleko lwabafundi, kucelwa iintloko zamaziko namabhunga olawulo zilandele ngqo okubhalwe kwiSetyhula yeSebe iWCED 0046/2004, yomhla we-9 Agasti 2004, ecacisa umgaqo-nkqubo wokwamkelwa kwabafundi ngaphambi kweBakala R (pre-Grade R) nabafundi beBakala R kwizikolo zikarhulumente eziqhelekileyo. |
8. |
Kucelwa wazise okukule setyhula bonke abathathi-nxaxheba abachaphazelekayo kwiiklasi ze-ECD. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2012:10:19
|
|