| 1. |
ISebe leMfundo esiSiseko kuzwelonke (iSebe iDBE) liya kubonelela zonke izikolo zikarhulumente ngeencwadi zokwenza umsebenzi (workbooks) kunyaka wezifundo ka-2013. |
| 2. |
Ezi ncwadi zokwenza umsebenzi zilandelayo ziya kusiwa ngqo kuzo zonke izikolo zikarhulumente:
- KwiBakala R ezazo zonke iilwimi
- KumaBakala 1 - 3 ezeMathematika ngolwimi lokufunda nokufundisa (language of learning and teaching) (LOLT))
- KumaBakala 1 - 3 ezeZakhono zoBomi nge-LOLT
- KumaBakala 1 - 6 ezoLwimi lweeNkobe
- KumaBakala 1 - 6 ezoLwimi lwesiNgesi lokuQala oLongezelelweyo
- KumaBakala 4 - 9 ezeMathematika ngesiNgesi nangesi-Afrikansi
- KwiBakala 11 iincwadi zezifundo (textbooks) zeMathematika neFizikhali Sayensi ngesiNgesi nangesi-Afrikansi.
|
| 3. |
Inani leencwadi, kwisifundo ngasinye, ezisiwa kwisikolo ngasinye liya kuthathelwa kumanani ewonke abafundi abakwiCEMIS.
|
| 4. |
Kwimeko yazo zonke iincwadi zokwenza umsebenzi, iNcwadi yoKwenza uMsebenzi 1 ka-2013 (yeKota 1 neKota-2) ziya kusiwa ezikolweni ungadlulanga owe-31 Oktobha 2012. INcwadi yoKwenza uMsebenzi 2 ka-2013 (yeKota 3 neKota-4) iya kusiwa ezikolweni ungadlulanga owe-31 Januwari 2013. |
| 5. |
Iinqununu, okanye abameli bazo abadluliselwe amagunya, mabatshekishe umthwalo ngamnye baze baxele ngoko nangoko izinto ezishotayo ngokubhala kwifom yokungqina ukuziswa kwezinto (proof of delivery (PoD)) xa kusayinelwa umthwalo lowo. |
| 6. |
Kufuneka kwakhona baxelele iSebe iDBE zonke izinto ezishotayo ngefoni yakwaTelkom yamahala ngale nombolo 080 020 2933. |
| 7. |
Imihla ebekiweyo yokuxela ukushota kweeNcwadi zoKwenza uMsebenzi 1 no-2 ngowe-31 Januwari nowe-15 Matshi 2013 ngokulandelelanayo. |
| 8. |
Iincwadi ezishotayo ezixeliweyo zeNcwadi yoKwenza uMsebenzi 1 neencwadi ezincedisayo zeMathematika nezeFizikhali Sayensi zeBakala 11 ziya kusiwa ezikolweni phambi kokuphela konyaka wezifundo ka-2012. |
| 9. |
Iincwadi ezishotayo ezixeliweyo zeNcwadi yoKwenza uMsebenzi 2 ziya kusiwa ezikolweni ungadlulanga owe-30 Matshi 2013. |
| 10. |
Kucelwa wazise okukule setyhula bonke ootitshala nabasebenzi abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2012:09:17
|
 |