1. Amabhunga olawulo ezikolo (SGBs) ngamabhunga anyulwe ngenkqubo yentando yesininzi, enziwa ngabazali babafundi, inqununu yesikolo, ootitshala, nabasebenzi abangezotitshala, abafundi abakwiBakala 8 nangaphezulu, namalungu achongiweyo (co-opted members).

2. Injongo yawo kukuqinisekisa ukuba izikolo zilawulwa ngempumelelo, ngobuchule nangendlela ebonisa intsebenziswano ukwenzela ukuba kufundiswe imfundo eyiyo.

3. Kufuneka ii-SGB zenze yonke imisebenzi eluxanduva lwazo ngokweSiqendu 20 – kwezinye iimeko nangokweSiqendu 21 – zoMthetho weZikolo zaseMzantsi Afrika (SASA), ka-1996 (uMthetho 84 ka-1996). Ukwenzela ukuba zikwazi ukwenjenjalo, kufuneka zivavanye qho inkqubela yazo.

4. Kuqhotyoshelwe apha isixhobo i-SGB Support Tool ukwenzela ukuba kunikwe ii-SGB isikhokelo ekwenzeni imisebenzi yazo ukunika inkxaso ezikolweni zazo. Esi sixhobo sijolise kwezi nkalo zilandelayo:

  • Imigaqo-nkqubo eyenziwe yaba ngumthetho yi-SASA
  • Imigaqo-nkqubo echatshazelwe (implied) yi-SASA
  • Iintlanganiso zee-SGB neekomiti zazo
  • Ukulondolozwa nokuthengwa kwee-asethi zezikolo
  • Ucwangciso nolawulo lwemali
  • Uqeqesho nokwabelana ngengcaciso
  • Ukucwangcisa
5. Kucelwa wazise okukule setyhula nakwi-SGB support tool eqhotyoshelweyo bonke ootitshala, amalungu ebhunga lolawulo lesikolo kunye nabazali.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2012:08:24

"South African Schools Act, 1996"  (ubukhulu: 86 KB)
"School governing body (SGB) support tool"  (ubukhulu: 81 KB)