| 1. |
Ukwenzela ukuxhasa ukuphunyezwa kweNkcazo yoMgaqo-nkqubo weKharityhulam noVavanyo (Curriculum and Assessment Policy Statement (CAPS)) kwiSigaba esiPhakathi (AmaBakala 4, 5, no-6) ngo-2013, iSebe leMfundo esiSiseko lenze ikhathalogu yeencwadi zezifundo (textbooks) zala mabakala. |
| 3. |
ISetyhula 0014/2012 yomhla we-02-05-2012 yazisa izikolo ngenjongo yeSebe leMfundo leNtshona Koloni (iWCED) yokunika bonke abafundi beSigaba esiPhakathi kwizikolo zikarhulumente, iincwadi zezifundo ezintlanu umfundi ngamnye, o.k.t. incwadi yesifundo kwisifundo ngasinye esifundwayo, ngaphandle kwesifundo seZakhono zoBomi, yona emayithengwe ngemali yengxowa yesikolo. |
| 4. |
Izikolo mazi-odole iincwadi zezifundo ezizikhethileyo kwiziko loku-odola iincwadi zezifundo elisekhompyutheni (online textbook ordering site) elikwi-CEMIS okanye kwi-ISAMS ngokulandela la manyathelo alandelayo acaciswe apha ngezantsi:
| Inyathelo 1: |
Loga kwi-CEMIS okanye kwi-ISAMS nge-user name nepasiwedi yokuloga yesikolo sakho. |
| Inyathelo 2: |
Khetha u-"Administration" kwi-option ekwi-menu bar. |
| Inyathelo 3: |
Kwi-drop down list khetha u"CAPS Gr 4, 5, 6 Textbooks", kuya kuvela i-sub menu. |
| Inyathelo 4: |
Kwi-sub menu khetha u-"CAPS Grade 4, 5, 6 Orders". |
| Inyathelo 5: |
Ukuqalisa ukufaka i-odolo yakho, khetha ibakala kuqala, emva koko ukhethe isifundo kwi-"Select Subject" box. |
| Inyathelo 6: |
Xa uklikha kwisifundo, kuya kuvela uluhlu lwezihloko zeencwadi zezifundo ezivunyiweyo zeso sifundo. |
| Inyathelo 7: |
Uku-odola incwadi ethile, klikha kwisihloko eso ufake inani leencwadi zezifundo ezifunekayo. Kucelwa uqinisekise ukuba iincwadi zezifundo ozikhethileyo zakho zikulwimi oluchanekileyo. Isikhokelo sikatitshala sale ncwadi siya ku-odolwa ngokuzenzekelayo (automatically). |
| Inyathelo 8: |
Klikha iqhosha u-"Save Book Quantities" emva kokuba kufakwe ekhompyutheni isihloko sencwadi yesifundo ngasinye. |
| Inyathelo 9: |
Wakuba nje uzifakile iincwadi zezifundo kwisifundo ngasinye ezifundiswayo esikolweni sakho, jonga i-odolo yakho uze uyiprinte ngokukhetha u-"CAPS Gr 4, 5, 6 Orders Captured" kwi-"Administration" sub-menu. |
| Inyathelo 10: |
Xa sele uyitshekishile i-odolo yakho waqiniseka ukuba ichanekile kwaye ayingaphezulu komyinge obekiweyo we-odolo yakho, sayina i-odolo yakho ngokuklikha u-"CAPS Gr 4, 5, 6 Signoff" kwi-"Administration" sub menu. |
|
| 5. |
Ukuba kuthe kwakho nayiphi na ingxaki ngale nkqubo ingentla, makufundwe ii-user manuals kwi-CEMIS nakwi-ISAMS. |
| 6. |
Ifasilithi yoku-odola ngekhompyutha yeSigaba esiPhakathi kwi-CEMIS okanye kwi-ISAMS iya kusebenza kuphela ngeli thuba le-1 – 15 Agasti 2012. Izikolo maziqinisekise ukuba ii- odolo zazo zifakwa ekhompyutheni zize zisayinelwe kwi-CEMIS okanye kwi-ISAMS phambi kwe-15 Agasti 2012 ukwenzela ukuba zingaphulukani neli thuba. |
| 7. |
Njengangoku akukho zincwadi zezifundo kwezi zifundo Natural Science and Technology, First Additional Language isiXhosa ne-First Additional Language Sesotho kwiKhathalogu kaZwelonke evunyiweyo. Izikolo ziya kunikwa ithuba lokwenza ii-odolo zezi zifundo xa iSebe iDBE lithumela i-Addendum Catalogue ukuba ifumaneke kumaphondo. |
| 8. |
Ukuncedisa izikolo ukuba zikhethe iincwadi zezifundo zinolwazi, iSebe i-WCED ngokusebenzisana nabapapashi, liya kwenza imiboniso yeencwadi ejikelezayo kwiindawo zemiboniso ezikhethiweyo kuzo zonke izithili zemfundo phakathi kwe-30 Julayi ne-4 Agasti 2012. Izikolo ziya kwaziswa ngeendawo zemiboniso ngokuzidlulisela ingcaciso ngee-ofisi zezithili zemfundo zazo.
|
| 9. |
ISebe iWCED liya kuzama ukunika izikolo iincwadi zezifundo ezizikhethele ngokwazo. Nakuba kunjalo oku kungangasoloko kusenzeka ngenxa yebhajethi yethu esinayo ngoku. |
| 10. |
Ziyacelwa izikolo ukuba ziphumeze isicwangciso solawulo lweencwadi zezifundo esiyimpumelelo ukuqinisekisa ukuba iLTSM enikwa zona igcinwa kangangeminyaka emihlanu ubuncinane. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2012:07:06
|
 |