| 1. |
UMphathiswa weMfundo esiSiseko, ngokuthetha-thethana neBhunga laBaphathiswa bezeMfundo (Council of Education Ministers), ukuvumile ukufundiswa kweeprogram zomculo ii-Practical Music programmes ze-Associated Board of the Royal Schools of Music, Trinity College of London ne-UNISA ukulungiselela iSatifikethi seMatriki sikaZwelonke, njengoko zipapashiwe kwiGazethi kaRhulumente, No. 34473 ye-21 Julayi 2011 pantsi kwemiqhathango eqingqiweyo. |
| 2. |
Iprogram i-Practical Music programme ekuyenye yamaqumrhu amathathu ovavanyo lomculo angaphandle avunyiweyo, inokufundiswa ngoJanuwari 2014 kwiBakala 12 phantsi kwale miqathango ilandelayo: |
| 2.1 |
Iiprogram zoMculo zangaphandle zinokufundiswa kuphela njengesifundo sesibhozo seNational Senior Certificate (NSC). Esi sifundo asisayi kusetyenziswa njengenxalenye yezifundo zokuphumelelisa umviwa. |
| 2.2 |
Umfundi angabhalisela iprogram yoMculo yangaphandle ekhethiweyo kuphela kunyaka wakhe weBakala 12. |
| 2.3 |
Iiprogram zoMculo zangaphandle ezikhethiweyo mazifundiswe kwinqanaba leBakala 7 lePractical Music (Grade 7 Practical Music level) ngolu hlobo lulandelayo:
| Practical Music Examination</b> |
Prerequisite Theory Component |
| Associated Board of Royal Schools of Music (ABRSM) Practical Music Grade 7 |
ABRSM Music Theory Grade 6 |
| Trinity College of London (TCL) Practical Music Examination Grade 7 |
TCL Music Theory Grade 6 |
| UNISA Practical Music Examination Grade 7 |
UNISA Theory Grade 5 |
|
| 2.4 |
Iziphumo zokugqibela zequmrhu loviwo loMculo langaphandle, ngokusekelwe kumacandelo ethiyori neprakthikhali, ziya kwamkelwa njengamanqaku okugqibela afunyenwe ngumviwa. |
| 2.5 |
Ikhomponenti yeprakhtikhali mayenziwe ngumviwa engadlulanga uJuni kunyaka weBakala 12. |
| 2.6 |
Ithiyori mayigqitywe ngumviwa ngaphambi ko-Oktobha kunyaka weBakala 11. |
| 2.7 |
Amanqaku anikwe ngamaqumrhu ovavanyo oMculo amathathu angaphandle, aya kuboniswa kwiSatifikethi seMatriki sikaZwelonke njengesifundo esipasiweyo liqumrhu lovavanyo elivunyiweyo nelikhredithiweyo ngokweemfuno ezingummiselo zelo qumrhu. Amanqaku afunyenwe ngumviwa aya kuboniswa kwiSatifikethi seMatriki sikaZwelonke ngenkwenkwezana (asterisk) ebonisa ukuba esi sifundo besifundiswa liqumrhu lomculo langaphandle ngokungqinelana neemfuno ezingummiselo zelo qumrhu. |
| 2.8 |
Umfundi uya kuqingqelwa ukuba enze uviwo olunye kuphela kwiimviwo zeprakhtikhali yomculo ze-ABRSM okanye i-TCL okanye i-UNISA. |
| 2.9 |
Umfundi owenza uMculo (NSC) njengesifundo seQela B kwiSatifikethi seMatriki sikaZwelonke nanjenge-Grade 7 Practical Music programme ye-ABRSM okanye iTCL okanye iUNISA, njengesifundo sesibhozo, akanakufunda ukudlala eso sixhobo sinye kusesona siphambili (main instrument) njengesixhobo sokuqala kunye/okanye esesibini kwiimviwo ezimbini. |
| 2.10 |
Umfundi owenza uMculo (NSC) njengesifundo seQela B kwiSatifikethi seMatriki sikaZwelonke nanjenge-Grade 7 Practical Music programme ye-ABRSM okanye iTCL okanye iUNISA, njengesifundo sesibhozo, akanakufunda iprogram yoMculo eyenziwa yindibaniselwano yeekhomponenti zeeprogram zoMculo zala maqumrhu ovavanyo omculo mathathu angaphandle. |
| 2.11 |
Iiprogram zoMculo ze-ABRSM, TCL ne-UNISA azinakufundiswa ngethuba leeyure zesikolo ezisemthethweni, kodwa zingafundiswa njengesifundo esifundwa emva kweeyure zokufunda. |
| 2.12 |
Ukususela ngo-2014, iprogram yesifundo soMculo eyenziwa ngamaQumrhu eeMviwo aNgaphandle ayisayi kuba yinxalenye yemfuno engummiselo yezifundo ezisi-7 zeSatifikethi seMatriki sikaZwelonke. |
| 3. |
Ezi mfuno zingummiselo zingentla zokufundiswa kweeprogram zoMculo ze-ABRSM, iTCL ne-UNISA, zibandakanyiwe kuxwebhu lomgaqo-nkqubo omtsha, iNational Policy Pertaining to the Programme and Promotion Requirements of the National Curriculum Statement Grades R – 12, noluyinxalenye yeNkcazo yeKharityhulam kaZwelonke yamaBakala R-12. |
| 4. |
Ukupheliswa kweeprogram zoMculo zangaphandle ezikhoyo nokuphunyezwa kweeprogram zoMculo zangaphandle phantsi kwemiqathango eqingqiweyo kucaciswa kule theyibhile ingezantsi:
| 2012 |
2013 |
2014 |
| Akukho bafundi batsha mababhalise kwiBakala 10. |
Akukho bafundi batsha mababhalise kwiBakala 11. |
Iqela labafundi lokuqala ukufunda iprogram yoMculo yangaphandle (njenge sifundo sesibhozo) kuphela kwiBakala 12 phantsi kwemiqathango eqingqiweyo. |
| AmaBakala 11 - 12 ayaqhubeka neeprogram ezikhoyo. |
Abafundi beBakala 12 bayaqhubeka neeprogram ezikhoyo. Eli iya kuba liqela lokugqibela labafundi abafunda iprogram yoMculo yangaphandle ekhoyo kuviwo lwe-NSC. |
|
|
| 5. |
Imeko eqhubekayo ngoku (status quo) emalunga nomgaqo-nkqubo okhoyo nemimiselo emalunga neeprogram zoMculo zangaphandle, njengoko zicacisiwe kula maxwebhu alandelayo, iya kuhlala injalo de ziphelisiwe ngo-2013: |
| 5.1 |
National Senior Certificate: A Qualification at Level 4 on the National Qualifications Framework, Government Gazette No. 27819 of 20 July 2005 |
| 5.2 |
National Policy on the Conduct, Administration and Management of the National Senior Certificate, a Qualification at Level 4 on the National Qualifications Framework, Government Gazette, No. 30048 of 3 July 2007 |
| 5.3 |
Regulations Pertaining to the Conduct, Administration and Management of Assessment for the National Senior Certificate, Government Gazette No. 31337 yaka-29 Agasti 2008 |
| 6. |
Kucelwa iinqununu ukuba zazise le ngcaciso kubo bonke ootitshala boMculo nabafundi abenza uMculo njengesifundo. |
ISAYINWE: NGU-PENNY VINJEVOLD
INTLOKO: YESEBE LEMFUNDO
UMHLA: 2012:05:23
|
 |