| 1. |
Ukuqaliswa kweeNkcazo zoMgaqo-nkqubo weKharityhulam noVavanyo (Curriculum and Assessment Policy Statements) kufuna iincwadi zezifundo (textbooks) kwisifundo ngasinye esifundiswayo. |
| 2. |
Kulindeleke ukuba izikolo ziqinisekise ukuba umfundi ngamnye unazo iincwadi eziyimfuneko kwisifundo ngasinye. |
| 3. |
ISetyhula 0014/2012 (yomhla we-02.05.2012) yazazisa izikolo ukuba iSebe leMfundo leNtshona Koloni (WCED), liya kunika abafundi beSigaba esiPhakathi nabeBakala 11 abakwizikolo zikarhulumente, incwadi yesifundo kwisifundo ngasinye kuzo zonke izifundo, ngaphandle kweyesifundo seZakhono zoBomi nesoLwazi ngezoBomi. |
| 4. |
Izikolo zifumana qho ngonyaka isabelo kwingxowa-mali ekhutshwa ngokweMimiselo neMigangatho ngokususela kumanani obhaliso nemeko yamanqanaba entlupheko. Ubuncinane yi-50% yesi sixa-mali efanele ukusetyenziselwa ukuthenga izibonelelo ezixhasa ukufunda nokufundisa (funda ezi Setyhula 0003/2012 no-0004/2012). |
| 5. |
ISebe iWCED likhethe ezi prayorithi zeLTSM zilandelayo nezifanele ukuthengwa kwisabelo-mali sesikolo esikhutshwa ngokweMimiselo neMigangatho sika-2012:
- Incwadi yesifundo seZakhono zoBomi (AmaBakala 4 - 6) okanye incwadi yesifundo soLwazi ngezoBomi (iBakala 11) ngomfundi ngamnye.
- Izikhokelo zootitshala ezongezelelweyo (Additional teacher guides) kumaBakala 4 ukuya ku- 6 no-11
- I-Foundation Phase Phonics Programme kwiKhathalogu kaZwelonke
- Iincwadi zezikim zokufunda okanye ii-core readers kumaBakala 4 ukuya ku-6 kwiKhatalogu kaZwelonke
- Iincwadi zezifundo zokongeza (Top-up textbooks) zamaBakala 1 ukuya ku-3 no-10 kwiKhathalogu kaZwelonke
|
| 6. |
Kucelwa nilandele iinkqubo zokuthengwa kwezibonelelo (procurement processes) zezikolo eziphantsi kweSiqendu 21 nezezikolo ezingekho phantsi kweSiqendu 21 ezicaciswe kwiiSetyhula zeMimiselo neMigangatho 0003 no-0004/2012, zomhla we-23 Januwari 2012. |
| 7. |
Izikolo maziyilawule ngempumelelo inkqubo yokunikwa kwabafundi iincwadi zezifundo kunye nokubuyiswa kwazo ukwenzela ukuba iincwadi zezifundo zigcinwe ubuncinane iminyaka emithathu. |
| 8. |
Kucelwa wazise okukule setyhula bonke ootitshala abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2012:05:24
|
 |