| 1. |
Nuwe assesseringsbeleide |
| 1.1 |
Die Nasionale Kurrikulumverklaring graad R – 12, gepromulgeer in die Staatskoerant No. 34600 van 12 September 2011, behels die volgende beleidsdokument:
- Die Kurrikulum- en Assesseringsbeleidsverklarings vir alle goedgekeurde vakke vir graad R – 12;
- Die beleidsdokument, Nasionale beleid betreffende die program- en bevorderingsvereistes van die Nasionale Kurrikulumverklaring graad R – 12;
- Die Nasionale Protokol vir Assessering graad R – 12.
|
| 1.2 |
Die bogenoemde beleide sal ingefaseer word oor die periode 2012 tot 2014.
|
| 2. |
Vakkeuse: Rekenaartoepassingstegnologie en Inligtingstegnologie |
| 2.1 |
„n Belangrike beleidsbepaling wat voorkom in die beleidsdokument, Nasionale beleid betreffende die program- en bevorderingsvereistes van die Nasionale Kurrikulumverklaring graad R – 12, hou verband met die vakkeuses in graad 10 – 12. |
| 2.2 |
Vanaf 2012 sal leerders in graad 10, wat die Nasionale Kurrikulumverklaring Graad R – 12 volg, die vakke Rekenaartoepassingstegnologie en Inligtingstegnologie in kombinasie mag aanbied om te voldoen aan die sewevakpakket vir die Nasionale Senior Sertifikaat.
|
| 2.3 |
Dit is egter belangrik om op te let dat daardie leerders in graad 11 en 12 in 2012 en graad 12 in 2013 steeds aan bestaande beleid moet voldoen soos bepaal in paragraaf 10(8) van die beleidsdokument, Nasionale Senior Sertifikaat: ‘n Kwalifikasie op vlak 4 van die Nasionale Kwalifikasieraamwerk, naamlik dat leerders nie beide Rekenaartoepassings-tegnologie en Inligtingstegnologie vir Nasionale Senior Sertifikaat-doeleindes mag aanbied nie. |
| 3. |
Wysigings aan bestaande beleid
Daar is twee aspekte wat voortspruit uit die nuwe beleidsdokument, Nasionale beleid betreffende die program- en bevorderingsvereistes van die Nasionale Kurrikulumverklaring graad R – 12 en wat „n invloed sal hê op graad 11 en 12 tydens die interimperiode van 2012 en 2013. Dit het die volgende wysigings tot die huidige beleid van die Nasionale Senior Sertifikaat: ‘n Kwalifikasie op vlak 4 van die Nasionale Kwalifikasieraamwerk genoodsaak.
|
| 3.1 |
In paragraaf 12(1) (a) (ii), wat 'n immigranteleerder definieer, is die woorde
"na hy/sy met sy/haar skoolopleiding begin het by „n skool in Suid-Afrika, skool bygewoon het buitekant Suid-Afrika vir twee of meer agtereenvolgende jare na graad 6 of die ekwivalent daarvan"
vervang met
"na hy/sy met sy/haar skoolopleiding begin het by „n skool in Suid-Afrika, skool bygewoon het buitekant Suid-Afrika vir twee of meer agtereenvolgende jare na graad 3 of die ekwivalent daarvan en voor graad 9 of die ekwivalent daarvan en daarna na Suid-Afrika teruggekeer het".
Dit moet geïmplementeer word en sal dadelik van krag word. Dit beteken dat prinsipale kennis moet neem van die verandering om leerders ooreenkomstig in te lig.
|
| 3.2 |
Paragraaf 20, wat handel oor eksterne Musiekprogramme, word gewysig deur die byvoeging van die volgende nuwe subparagraaf 8:
Onderhewig aan paragraaf 28(7) van die beleidsdokument, Nasionale beleid betreffende die program- en bevorderingsvereistes van die Nasionale Kurrikulumverklaring graad R – 12, moet praktiese musiekeksamens van die Associated Board of Royal Schools of Music, Trinity College of London en UNISA (graad 6 – 7) geleidelik uitgefaseer word soos volg:
- Graad 10 in Desember 2011
- Graad 11 in Desember 2012
- Graad 12 in Desember 2013
Dit beteken dat daar geen nuwe inskrywings in graad 10 in 2012 mag wees vir enige van die bogenoemde eksterne musiekprogramme nie. Leerders in graad 12 in 2014 mag een van die bogenoemde eksterne Musiekprogramme aanbied as „n agtste vak onder beperkte voorwaardes. Hierdie vak sal nie vir bevorderingsdoeleindes gebruik word in graad 10 en 11 nie, en ook nie vir sertifikaatdoeleindes in graad 12 nie.
|
| 5. |
Prinsipale word versoek om die inhoud van hierdie omsendbrief onder die aandag van die betrokke onderwysers en leerders te bring en om te let op die onmiddellike implementering van die gewysigde beleid aangedui in paragraaf 3.1 en 3.2 hierbo. |
GETEKEN: PA VINJEVOLD
HOOF: ONDERWYS
DATUM: 2012:02:20
|
 |