| 1. |
Die doel van hierdie omsendbrief is om skole van die Wes-Kaap Onderwysdepartement (WKOD) wat op staatsgrond geleë is en staatsgeboue okkupeer, te wys op die verpligtinge van beheerliggame ten opsigte van artikel 36 van die Suid-Afrikaanse Skolewet (SASW),1996 (Wet 84 van 1996). |
| 2. |
Die Wysigingswet op Basiese Onderwys, 2011 (Wet 15 van 2011) soos gepubliseer in die Regeringskoerant No. 34620 van 19 September 2011, soos gewysig, noem die volgende onder artikel 36:
| |
36(4) (b) |
'n beheerliggaam mag nie enige aktiwiteit op skooleiendom toelaat wat gevaarlik of ontwrigtend is vir leerders, of deur hierdie Wet verbied word nie. |
|
| 3. |
Die WKOD erken die reg van sy skole, ingevolge artikel 13(2) en 36(1) van die SASW, om onroerende eiendom wat deur die staat besit word te okkupeer en te gebruik tot voordeel van die skool vir opvoedkundige doeleindes, sowel as die verantwoordelikheid van die beheerliggaam om alle redelike maatreëls te tref om die bronne wat deur die staat verskaf word, aan te vul om die gehalte van onderwys wat deur die skool aan al die leerders verskaf word, te verbeter. |
| 4. |
Die WKOD wil egter die volgende onder die aandag van alle regeringsliggame en prinsipale van gewone openbare en spesiale skole op staatsgrond bring: |
| 4.1 |
Die Departement van Omgewingsake en Ontwikkelingsbeplanning se Direktoraat: Omgewingsbeheer het bevestig dat daar gevalle was waat afvalmateriaal by skole gestort is met die samewerking van prinsipale en/of beheerliggame. |
| 4.2 |
Bourommel en ander afvalmateriaal moet by munisipale afvalstortfasiliteite of by 'n gelisensieerde afvalverwyderingsfasiliteit gestort word. |
| 4.3 |
Die storting van afval op skooleiendom is onwettig ingevolge die Nasionale Omgewingsbestuur: Wet op die Bestuur van Gesondheidsorgafval, 2008 (Wet 59 van 2008) aangesien skole nie gemagtig of gelisensieer is om afval te ontvang of dit te bestuur nie. |
| 4.4 |
Skole word oorreed deur gewetenlose kontrakteurs om hulle toe te laat om die skoolgronde te gebruik as 'n stortingsterrein in ruil vir 'n bedrag, wat heelwat minder is as wat by die stortingsterreine gehef word. |
| 4.5 |
Omsendbrief 0032/2012 versoek beheerliggame om 'n aansoek in te dien by die LUR vir Onderwys om verlof om onroerende eiendom van die skool te verhuur, te beswaar, te omskep of te verander, of om enige persoon toe te laat om enige besigheid op skooleieindom te bedryf. Die WKOD kan egter nie toelaat dat skoolgronde as 'n stortingsterrein gebruik word nie. |
| 5. |
U samewerkking in hierdie verband sal waardeer word. |
GETEKEN: PA VINJEVOLD
HOOF: ONDERWYS
DATUM: 2012:11:23
|
 |