1. Hierdie omsendbrief is gerig op skole aan wie die funksie ingevolge artikel 21 (1c) van die SA Skolewet, 1996 (Wet 84, 1996), toegeken is om leerdervervoer vir hulle skole te reël en te befonds, met finansiële bystand van die Wes-Kaap Onderwysdepartement (WKOD).
2. Die WKOD het daardie skole voorsien van ‘n bod-en-kontrakvorm wat opgestel is in oorleg met die regsverteenwoordigers van leerdervervoerkontrakteurs. Hierdie vorm moet gebruik word vir die voorlegging van ‘n bod en vir die sluit van ‘n kontrak met die verskaffer van ‘n leerdervervoerdiens. Wat die kontrak betref, word al die vervoervereistes, kontrakvoorwaardes en strafbepalings in die vorm gespesifiseer.
3. Dit het egter tot ons aandag gekom dat sommige skole nie die bod-en-kontrakvorm gebruik nie.
4. Die WKOD wil graag alle betrokke skole daaraan herinner dat die gebruik van die aangehegte bod-en-kontrakvorm vir leerdervervoer verpligtend is. Skole kan die inhoud van die vorm aanvul, maar daar moet aan die minimum vereistes op die bod-en-kontrakvorm voldoen word.
5. Die korporatiewe diensadviseurs en kringspanbestuurders by die distrikskantoor sal die verpligte gebruik van die bod-en-kontrakvorm moniteer. Vir ouditdoeleindes moet skole dus die bewys dat hierdie vorm gebruik is op lêer plaas.
6. Skole wat probleme ervaar met die interpretasie van klousules soos in die bod-en-kontrakvorm ingesluit is, kan hulp verkry van die Adjunkdirekteur: Korporatiewe Dienste by hulle distrikskantoor.
7. Bring asseblief die inhoud van hierdie omsendbrief onder die aandag van alle betrokkenes.


GETEKEN: PA VINJEVOLD
HOOF: ONDERWYS
DATUM: 2012:10:30

"South African Schools Act, 1996"  (grootte: 86 KB)
"Bid and Contract for the provision of learner transport to public ordinary schools"  (grootte: 475 KB)