1. Die Gedragskode vir die Staatsdiens verskyn in Hoofstuk 2 van die Staatsdiensregulasies, 2001 (soos gewysig). Dit is bedoel om gepaste waardes by alle staatsdienswerkers te vestig en in te skerp, om professionele etiek te verseker en korrupsie uit te roei in die staatsdiens.
2. Die Wes-Kaap Onderwysdepartement (WKOD) versoek al sy werkers wat aangestel is ingevolge die Staatsdienswet om hulle te hou aan die beginsels vervat in die Gedragskode sodat ons 'n doeltreffende en professionele diens aan ons kliënte kan lewer.
3. Die gedragskode vir die Staatsdiens kan afgelaai word van die Departement se webtuiste by http://wced.school.za en u word vriendelik versoek om seker te maak dat alle staatsdienspersoneel onder u beheer is óf voorsien van 'n kopie van die gedragskode wat afgelaai is, óf na die webtuiste verwys is.
4. Drukstukke van die gedragskode in boekvorm kan ook versoek word van u distrikskantoor wat op sy beurt dit vir u van die WKOD se Hoofkantoor kan bestel.
5. Elke inrigtingshoof, kantoor, direktoraat of onderwysdistrik word vriendelik versoek om te sertifiseer dat alle staatsdienspersoneel 'n kopie van die gedragskode ontvang het óf daarna verwys is op die WKOD se webtuiste. Dit moet gedoen word deur die aangehegte Bylae A in te vul en terug te stuur aan Die Direkteur: Mensehulpbronbestuur, (Vir aandag: Mnr AM Shasha), Wes-Kaap Onderwysdepartement, Kamer 3-07, Grand Central Towers, Laer Parlementstraat, Kaapstad, 8001 teen 7 Desember 2012.
6. Enige navrae in hierdie verband kan gerig word aan mnr AM Shasha, tel.no. 021 467 2550. of me NP Funani, tel.no. 021 467 2243.
7. Bring asseblief die inhoud van hierdie omsendbrief onder die aandag van alle staatsdienspersoneel onder u toesig.


GETEKEN: PA VINJEVOLD
HOOF: ONDERWYS
DATUM: 2012:10:10

"Public Service Act"  (size: 183 KB)
Bylae A  (grootte: 52 KB)