| 1. |
Die verantwoordelikheid vir die bestuur van werkboeke en handboeke is aan skoolhoofde gedelegeer deur die Onderwyshoof. Enige versoek vir hierdie funksie om na 'n ander personeellid gedelegeer te word moet skriftelik aan die IBB-bestuurder gerig word. |
| 2. |
Soos aangedui in Omsendbrief 0014/2012 (van 02.05.2012), sal die Wes-Kaap Onderwysdepartement (WKOD) elke leerder in die Intermediêre Fase en graad 11 voorsien van 'n handboek per vak vir 2013, behalwe vir Lewensvaardighede in die Intermediêre Fase en Lewensoriëntering in graad 11. Hierdie boeke sal aan skole gelewer word tussen 1 Oktober en 9 November 2012. |
| 3. |
Skole wat nie hulle Intermediêre Fase en Graad 11-handboeke teen 12 November 2012 ontvang het nie, moet dit rapporteer aan die LOOM-kantoor by e-posadres ltsm@westerncape.gov.za of faksno. (021) 467 2612, of telefoonno. 021 467 9294. |
| 4. |
Na verwagting sal daar 'n vertraging wees in die uitreiking van die addendumkatalogusse vir die graad 11-Rekeningkunde-handboeke in Engels en die graad 4- tot 6- handboeke vir Natuurwetenskap en Tegnologie. Skole sal in kennis gestel word sodra die addendumkatalogusse beskikbaar word. |
| 5. |
Bestellings vir Lewensoriëntering en Lewensvaardighede-handboeke |
| 5.1 |
Artikel 21-skole
- artikel 21-skole moet hulle Norme-en-standaardefondse of eie fondse gebruik vir die aankoop van Lewensvaardighede-handboeke en -onderwysersgidse in die Intermediêre Fase, en Lewensoriëntering-handboeke en -onderwysersgidse vir graad 11.
- Daar moet in gedagte gehou word dat die pryse aangedui in die nasionale katalogus nie die afleweringskoste insluit nie.
- Artikel 21-skole moet verseker dat die Lewensvaardighede- en Lewensoriëntering-handboeke bestel en aan skole gelewer word voor 15 November 2012.
|
| 5.2 |
Nie-artikel 21-skole
Die WKOD sal vir nie-artikel 21-skole die volgende aankoop en aan hulle lewer: Lewensvaardighede-handboeke en -onderwysersgidse vir die Intermediêre Fase en Lewensoriëntering-handboeke en -onderwysersgidse vir graad 11, soos bestel op die SOBIS en iSAMS-handboekbestellingwebtuiste. Hierdie boeke sal aangekoop word uit elke skool se Norme-en-standaardefondse (N&S-fondse) wat deur die WKOD bestuur word. Skole kan verwag dat die boeke teen 15 November 2012 afgelewer sal word. |
| 6. |
Waar vereis, moet skole hulle Norme-en-standaardefondse aanwend vir die aankoop van kern- en gegradeerde leesboeke. |
| 7. |
Bylae A is 'n lys van goedgekeurde Afrikaanse, Engelse en Xhosa gegradeerde leesboeke vir graad 4 tot 6. Hierdie lys is ook beskikbaar op die WKOD-webtuiste onder "LTSM (CAPS Textbooks)". |
| 8. |
Bring asseblief die inhoud van hierdie omsendbrief onder die aandag van alle betrokke personeellede. |
GETEKEN: PA VINJEVOLD
HOOF: ONDERWYS
DATUM: 2012:09:17
|
 |