1. Skoolbeheerliggame (SBL’e) is liggame wat demokraties verkies is, en bestaan uit ouers en leerders, die skoolhoof, opvoeders, nie-onderwyspersoneel, leerders in graad 8 en hoër, en gekoöpteerde lede.

2. Hulle doel is om te sorg dat skole op ‘n doeltreffende, effektiewe en koöperatiewe wyse bestuur word om goeie onderwys te verskaf.

3. SBL'e moet al hulle funksies uitvoer en dra verantwoordelikheid ingevolge artikel 20 – en in sommige gevalle ook artikel 21 – van die Suid-Afrikaanse Skolewet (SASW), 1996 (Wet 84 van 1996). Om dit te kan regkry,moet hulle hulle vordering gereeld evalueer.

4. Die aangehegte SBL Ondersteuningsinstrument is ontwerp om leiding te verskaf aan SBL’e met die vervulling van hulle rolle en verantwoordelikhede om onderwys in hulle skole te ondersteun. Die instrument fokus op die volgende gebied:

  • Beleide deur die SASW gewettig
  • Beleide deur die SASW geïmpliseer
  • Vergaderings van die SBL en sy komitees
  • Instandhouding en verkryging van skoolbates
  • Finansiële beplanning en bestuur
  • Opleiding en deel van inligting.
  • Beplanning
5. Bring asseblief die inhoud van hierdie omsendbrief en die aangehegte beleid onder die aandag van alle personeel, lede van die skoolbeheerliggaam en ouers.


GETEKEN: PA VINJEVOLD
HOOF: ONDERWYS
DATUM: 2012:08:24

"South African Schools Act, 1996"  (grootte: 86 KB)
"School governing body (SGB) support tool"  (grootte: 81 KB)