1. Hierdie omsendbrief moet saamgelees word met Omsendbrief 0099/2000 en vervang nie daardie omsendbrief nie, maar onderstreep die funksie van die Veilige Skole Inbelsentrum en wil die deurlopende rapportering van ALLE skoolmisdaad en misbruik aanmoedig. Die skool moet die inisiatief neem om die gemeenskap aan te moedig om alle insidente van misdaad en geweld te rapporteur aan die Veiligeskole-inbelsentrum. Dit kan gedoen word deur middel van boodskappe wat handel oor veiligheid, in alle skoolkorrespondensie wat aan ouers gestuur word.

2. Die Veilige Skole-inbelsentrum

  • kan bereik word by 'n tolvrynommer 0800 45 46 47
  • verskaf onmiddellike, gratis, aanlynkommunikasie aan leerders, ouers en onderwysers wat hulp, leiding of inligting nodig het aangaande onderwysverwante kwessies (Die doel is om opvoeders en leerders by te staan met onderwys en leer in 'n veilige, misdaadvrye skoolomgewing.);
  • is oop van Maandag tot Vrydag, vanaf 07:00 tot 16:00, en is geleë op die tweede vloer van die WKOD se Hoofkantoor;
  • voorsien 'n diens in die drie amptelike tale van die Wes-Kaapprovinsie: Afrikaans, Engels en Xhosa.
  • dien as 'n koördinerende sentrum waarvandaan verwysings gemaak word na toepaslike agentskappe en waarvandaan noodsaaklike inligting onder die betrokke partye versprei word.
  • skakel met 'n uitgebreide netwerk diensverskaffers, wat die werk van die Inbelsentrum ondersteun.
3. Huidige diens

Persone wat skryf, kry in krisisoproepe aanlyn-woedeberading of die geleentheid om inligting te voorsien, en in niekrisisgevalle word hulle verwys na die beradingsagentskappe van die Wes-Kaap Onderwysdepartement, nieregeringsorganisasies en gemeenskapsgebaseerde organisasies.

Skoolgemeenskappe word aangemoedig om die tolvrye nommer 0800 45 46 47 te skakel met betrekking tot die volgende:

'n Noodgeval of Krisis
Inbelsentrumkonsultante reageer onmiddellik op hierdie oproepe. Hulle sal met die Suid-Afrikaanse Polisiediens of die toepaslike nooddiens skakel ten opsigte van die volgende:

  • Bendegeweld
    Die voorkoms van bendegeweld en die gevolglike onderbreking van normale onderrig en leer het in sekere dele van die Wes-Kaap kommerwekkende afmetings aangeneem. Die Inbelsentrum sal seker maak dat skole ondersteuning kry met betrekking tot bendeteenwoordigheid op die skoolterrein, bende-intimidasie en -dreigemente, bendeskietvoorvalle en bendemoorde.
  • Trauma
    Die Inbelsentrum sal bystand verleen in die geval van enige traumatiese insidente soos sterftes as gevolg van ongelukke, selfmoorde, kapings, vermiste persone, bomdreigemente en wapens op die skoolterrein.

Skoolmisdaad
Die Inbelsentrum reageer op alle insidente van skoolmisdaad deur raad te gee oor die prosedures wat gevolg moet word en die betrokke owerhede wat ingelig moet word ten opsigte van die volgende:

  • Eiendomsverwante misdaad by skole, byvoorbeeld inbrake, brandstigting, diefstaf, rooftogte en vandalisme
  • Fisiese aanranding, byvoorbeeld messtekery, bakleiery en doelbewuste toediening van beserings

Mishandeling
Kindermishandeling in gemeenskappe en in onderwysinrigtings het 'n ernstige probleem geword. Alle oproepe oor mishandeling word sensitief hanteer. Aanvanklike berading of leiding gebaseer op die Stop Mishandeling-protokol word gegee waar nodig. Die Inbelsentrum reageer op die volgende vorms van mishandeling:

  • Fisiese of emosionele mishandeling
  • Kinderverwaarlosing
  • Seksuele mishandeling en verkragting
  • Seksuele teistering
  • Lyfstraf
  • Middelemisbruik
  • Rassediskriminasie
  • Kinderhandel of weglooptieners

Algemene Navrae
Die Inbelsentrum voorsien inligting of advies oor die volgende:

  • Tienerswangerskappe en aborsie
  • MIV/VIGS
  • Algemene onderwysaangeleenthede, soos beheerliggaamkwessies, skorsings, uitsettings, betreding, gedragsprobleme, skoolgelde, registrasie van leerders, skooluniform en verpligte skoolbywoning

Diensverskaffers
Die Inbelsentrum netwerk met 'n wye reeks diensverskaffers: inter- en intra-afhanklikes, nieregeringsorganisasies, gemeenskapsorganisasies en geloofsgebaseerde organisasies. Hierdie organisasies dra by tot Veilige Skole se pogings om 'n veilige leeromgewing by ons skole te skep en groot waarde word aan hulle tyd, toewyding en ondersteuning geheg.

4. Maak ons skoolomgewing veilig. Help deur alle insidente van skoolgeweld, vandalisme, misdaad en enige vorm van mishandeling by die Veilge Skole-inbelsentrum se tolvrye nommer te rapporteer:

  0800 45 46 47.

U is nie alleen nie. Ons is hier vir u.



GETEKEN: PA VINJEVOLD
HOOF: ONDERWYS
DATUM: 2012:08:24