| 1. |
2013 personeeldiensstate |
| 1.1 |
Die 2013-personeeldiensstate van spesiale openbare skole is bepaal ingevolge die hersiene posvoorsieningsnorme soos goedgekeur deur die Hoofde van Onderwysdepartemente-komitee in 2007, en ingevolge die Wes-Kaap Onderwysdepartement (WKOD) se aanbevole norme soos in 2007 ooreengekom met die opvoederunies en skoolbeheerliggaamverenigings. |
| 1.2 |
Die opvoederdiensstaat vir 2013 sal gepubliseer word in die MK-VBS (HC-LMS) op 27 Augustus 2012. Skole kan toegang verkry tot hulle opvoederdiensstate by die volgende skakel: http://lms.pgwc.gov.za. |
| 1.3 |
Waar 'n skool nie toegang kan kry tot die MK-VBS (HC-LMS) nie, kan daardie skool óf hulp aanvra van 'n buurskool óf die kringbestuurder versoek om die opvoederdiensstaat uit te druk. |
| 2. |
Maatreëls (breë beginsels) |
| 2.1 |
Posstruktuur
Die posstruktuur en beskrywings vervat in Kollektiewe Ooreenkoms 4/2003 van die Raad op Arbeidsverhoudinge in die Onderwys (RAVO) is van toepassing op personeeldiensstate.
|
| 2.2 |
Gradering
Skole word gegradeer ooreenkomstig die Skoolgraderingsnorme soos bevat in RAVO Kollektiewe Ooreenkoms 3 van 2006. Sien asseblief paragraaf 2.1 hierbo.
|
| 2.3 |
Verstryking van poste op 31 Desember 2012
Ingevolge die maatreëls van die Hersiene Posverspreidingsmodel, moet spesiale openbare skole van hulle jaarlikse diensstate voorsien word voor die einde van September van die voorafgaande jaar. Dus, vir die 2012-akademiese jaar sal alle opvoederposte wat uitgereik is addisioneel tot die vaste personeeldiensstate van spesiale openbare skole op 31 Desember 2012 verval.
|
| 2.4 |
Hersiening van 2012 se diensstate
Daar is poste eenkant gesit vir groei by spesiale skole. Die skoolhoofde van hierdie skole mag voor die einde van 2012-akademiese jaar aansoek doen om 'n hersiening van hulle 2013 -personeeldiensstate. Om addisionele poste vry te stel, moet onderwysdistrikte seker maak dat die geprojekteerde leerdertotale by hierdie skole ingesleutel word op SOBIS teen die 10de skooldag van 2013.
|
| 2.5 |
Vul van geadverteerde poste |
| 2.5.1 |
Alle poste wat reeds in 'n Departementele Vakaturelys geadverteer is, mag permanent gevul word, mits die pos op die opvoederpersoneeldiensstaat vir 2013 verskyn. |
| 2.5.2 |
Indien 'n geadverteerde pos nie op die diensstaat vir 2013 verskyn nie, is die inrigting nie geregtig op daardie pos nie en sal sodanige pos geag word foutiewelik geadverteer te wees. |
| 2.5.3 |
Die bepaling dat 'n geadverteerde pos (veral 'n bevorderingspos) slegs gevul kan word indien dit nie 'n opvoeder botallig maak nie, bly van krag. |
| 2.5.4 |
Indien 'n skoolhoof en beheerliggame van mening is dat die posbeskrywing van die geadverteerde pos nie langer aan die kurrikulumbehoeftes van die inrigting voldoen nie, mag hulle die WKOD versoek om die pos te beskou as foutiewelik geadverteer. 'n Uitgebreide verduideliking moet so 'n versoek vergesel. |
| 3.1 |
Opvoeders wat reeds botallig verklaar is op grond van vorige diensstate en in ooreenstemming met vorige prosesse, en wat steeds botallig is, behou hulle botallige status. Hierdie opvoeders sal behandel word ingevolge die geldende kollektiewe ooreenkomste van die RAVO. |
| 3.2 |
Hierdie botallige opvoeders kan geabsorbeer word in vakatures op die nuwe personeeldiensstaat deur middel van passing en plasing. |
| 4. |
Navrae
Rig asseblief alle navrae aangaande hierdie omsendbrief (maatreëls, ens) aan die betrokke kringspanbestuurder.
|
| 5. |
Algemeen
Bring asseblief die inhoud van hierdie omsendbrief onder die aandag van opvoeders en lede van die skoolbeheerliggaam
|
GETEKEN: PA VINJEVOLD
HOOF: ONDERWYS
DATUM: 2012:08:24
|
 |