| 1. |
2013-personeeldiensstate |
| 1.1 |
Verwys asseblief na die Wes-Kaap Onderwysdepartement (WKOD) se Omsendbrief 0031/2009, van 28 Augustus 2009, vir 'n volle beskrywing van die betrokke regsraamwerk en maatreëls van toepassing op die jaarlikse uitreiking van personeeldiensstate aan skole. Hierdie omsendbrief se maatrëels bly in plek en is dus ook van toepassing ten opsigte van 2013, behalwe vir die volgende wysigings: |
| 1.2 |
Ingevolge die maatreëls van die Hersiene Posverspreidingsmodel (HPVM), moet gewone openbare skole en spesiale openbare skole van hulle jaarlikse diensstate voorsien word teen 30 September van die voorafgaande jaar. Dit beteken dat, vir die 2013-akademiese jaar, alle opvoederdiensstate wat uitgereik word aan gewone openbare skole en spesiale openbare skole, (sowel as alle addisionele poste wat gedurende 2012 geskep is vir en uitgereik is aan 'n openbare skool as gevolg van óf 'n toename in leerderinskrywings óf die kurrikulumbehoeftes van 'n inrigting), op 31 Desember 2012 verval. |
| 1.3 |
Die opvoederdiensstaat vir 2013 sal op die MK-VBS(HC-LMS) gepubliseer word op 27 Augustus 2012. Skole kan hulle opvoederdiensstate by die volgende skakel besigtig: http://lms.pgwc.gov.za |
| 2. |
Addisionele toekennings (Posvlak 1-poste)
Die WKOD behou die reg voor om enige toekenning te herbereken indien die inligting oor 'n skool, soos vervat in die SOBIS-aanlynopname van Maart 2012, verkeerd bevind is.
|
| 3. |
Hersiening van 2013 diensstate |
| 3.1 |
Die WKOD het die aantal bekostigbare poste onder inrigtings onder sy beheer verdeel in ooreenstemming met die HPVM en die maatreëls soos uiteengesit in hierdie omsendbrief. |
| 3.2 |
Skole sal toegelaat word om 'n hersiening van die berekening van hulle opvoederdiensstate te versoek of slegs hulle 2012-leerderinskrywing of bevestigste inskrywings vir 2013 te gebruik. Om die WKOD in staat te stel om die berekening te doen, moet die skool bewyse voorlê aan die Direktoraat: Mensehulpbronbestuur, dat die WKOD skriftelik in kennis gestel is teen 1 Maart 2012 dat die skool probleme ervaar het met die opdatering van sy SOBIS-inligting voor 6 Maart 2012. Aansoeke om groeiposte sal sal open vanaf 28 Augustus 2012 tot 28 September 2012 en alle aansoeke moet op SOBIS gedoen wees. Geen aansoeke om groeiposte sal oorweeg word indien dit nie op SOBIS voltooi is nie. |
| 4. |
Herberekening van opvoederdiensstaat as gevolg van verandering in leerderinskrywing gedurende 2013 |
| 4.1 |
Die WKOD behou die reg voor om Posvlak 1-poste af te skaf indien daar in die loop van 2013 'n verlaging is in die skool se leerderinskrywing. In sulke gevalle sal opvoeders wat tydelik aangestel is, na ander poste by ander inrigtings oorgeplaas word. Wanneer opvoeders dus tydelik gewerf word, word skoolhoofde versoek om aansoekers in te lig dat hulle aangestel word met dien verstande dat hulle dalk oorgeplaas kan word na ander inrigtings indien hulle poste afgeskaf sou word as gevolg van 'n verlaging in leerderinskrywing. |
| 4.2 |
Alle kontrakaanstellings kan gemaak word slegs tot 31 Maart 2013. Substantiewe kontrakaanstellings wat vanaf 1 April 2013 gemaak word, kan gemaak word tot 31 Desember 2013, indien die skool vir sodanige poste kwalifiseer. |
| 4.3 |
Ons verwag dat alle skole hulle inskrywingstotale op SOBIS moet bywerk teen Dinsdag, 5 Maart 2013. Al daardie skole wie se leerderinskrywings op Vrydag, 8 Maart 2013 minder is as hulle leerderinskrywings van 6 Maart 2012, se opvoederpersoneeldiensstate sal teen 15 Maart 2013 herbereken word. In gevalle waar die skool 'n pos of poste moet verloor, sal die getal substantiewe kontrakaanstellings gelyk aan of minder as die getal poste wat die skool verloor, nie toegeken word vanaf 1 April 2013 nie. |
| 4.4 |
In gevalle waar daar 'n toename is in leerderinskrywing vanaf 1 Maart 2012 tot 31 Januarie 2013, sal die skool aanlyn mag aansoek doen, tydens die tydperk 16 Januarie 2013 tot 31 Januarie 2013, om 'n groeipos. Die leerderinskrywingstotaal wat in ag geneem word, sal die inskrywingstotaal wees op SOBIS ten tyde van die aansoek. |
| 4.5 |
Aansoeke van skole aan die WKOD vir die skepping van addisionele poste by gewone openbare skole as gevolg van 'n groei in leerderinskrywing of ander kontekstuele faktore, moet aanlyn via SOBIS ingedien word. Geen aansoek sal oorweeg word indien dit nie via SOBIS gedoen word nie. Hierdie aansoeke moet voorgelê in die tydperk 16 Januarie 2013 tot 16:00 op Donderdag, 31 Januarie 2013. |
| 4.6 |
Prinsipale moet asseblief op die volgende let:
- Aansoeke om addisionele poste sal slegs oorweeg word tot aan die einde van die eerste skoolkwartaal in Maart 2013.
- Nominasie deur skole van opvoeders vir addisionele poste by skole wat ontstaan het as gevolg van groei en/of kurrikulumbehoeftes van 'n skool, kan slegs gemaak word nadat skriftelike goedkeuring van die WKOD verkry is.
|
| 5. |
Vul van geadverteerde poste |
| 5.1 |
Alle poste wat reeds in 'n departementele Vakaturelys geadverteer is, mag permanent gevul word, mits die pos op die diensstaat vir 2013 verskyn. |
| 5.2 |
Indien 'n geadverteerde pos nie op die diensstaat vir 2013 verskyn nie, is die inrigting nie geregtig op daardie pos nie en sal die pos geag foutiewelik geadverteer te wees. |
| 5.3 |
Die bepaling dat 'n geadverteerde pos (veral 'n bevorderingspos) slegs gevul kan word indien dit nie veroorsaak dat 'n addisionele botallige opvoeder geskep word nie, bly van krag. |
| 5.4 |
Indien hoofde van inrigtings en beheerliggame van mening is dat die posbeskrywing van die geadverteerde pos nie langer aan die kurrikulumbehoeftes van die inrigting voldoen nie, mag hulle die WKOD versoek om die pos te beskou as foutiewelik geadverteer. 'n Uitgebreide verduideliking moet so 'n versoek vergesel. |
| 6. |
Vul van addisionele poste
Addisionele poste mag slegs in 'n tydelike hoedanigheid gevul word tot 31 Maart 2013. Hulle sal na daardie datum deur die skool behou word slegs indien die skool nog kwalifiseer vir die pos na die herberekening gegrond op die inskrywingstotale gebaseer op 5 Maart 2013. Die aanstelling van 'n addisionele posbekleër mag nie verby 31 Desember 2013 strek nie.
|
| 7.1 |
Opvoeders wat reeds botallig verklaar is op grond van vorige diensstate en in ooreenstemming met vorige prosesse en wat steeds botallig is, behou hulle botallige status. Hierdie opvoeders sal hanteer word ingevolge die geldende kollektiewe ooreenkomste van die RAVO. |
| 7.2 |
Hierdie botallige opvoeders (verwys na paragraaf 7.1 hierbo) kan geabsorbeer word in vakatures op die nuwe personeeldiensstaat deur middel van passing en plasing. |
| 8. |
Navrae
Rig asseblief alle navrae aangaande hierdie omsendbrief en die relevante wetgewing aan u kringspanbestuurder. |
| 9. |
Algemeen
Bring asseblief die inhoud van hierdie omsendbrief onder die aandag van alle opvoeders en lede van u skoolbeheerliggaam. |
GETEKEN: PA VINJEVOLD
HOOF: ONDERWYS
DATUM: 2012:08:24
|
 |