| 1. |
Ter ondersteuning van die implementering van die Kurrikulum en Assesseringsbeleidsverklaring (KABV) in die Intermediêre Fase (graad 4, 5 en 6) in 2013, het die Departement van Basiese Onderwys (DBO) 'n katalogus van handboeke vir hierdie grade ontwikkel. |
| 2. |
'n Elektroniese weergawe van die katalogus is aangeheg as Bylae A. |
| 3. |
Omsendbrief 0014/2012 van 02 Mei 2012 het skole ingelig aangaande die voorneme van die Wes-Kaap Onderwysdepartement (WKOD) om alle Intermediêre Fase-leerders by openbare skole te voorsien van vyf handboeke per leerder, d.w.s. 'n handboek vir elke vak wat geneem word, met die uitsondering van Lewensvaardigheid, wat uit skoolfondse aangekoop moet word. |
| 4. |
Skole moet die handboeke wat hulle gekies het, bestel deur middel van die aanlynhandboekbesteltuiste wat op SOBIS en iSAMS geskep is. Die volgende stappe soos hieronder uiteengesit, moet gevolg word:
| Stap 1: |
Log in op SOBIS of iSAMS met u skool se gebruikersnaam en kodewoord. |
| Stap 2: |
Kies die "Administration"-opsie op die kieslys. |
| Stap 3: |
Op die aftuimellys kies "CAPS Gr 4, 5, 6 Textbooks", en 'n subkieslys sal verskyn. |
| Stap 4: |
Op die subkieslys, kies "CAPS Gr 4, 5, 6 Orders" |
| Stap 5: |
Om te begin met die vaslegging van u bestelling, kies 'n onderwerp van die "Select Subject" boks. |
| Stap 6: |
Wanneer u op 'n vak kliek, sal 'n lys van die handboektitels wat vir daardie vak goedgekeur is, verskyn. |
| Stap 7: |
Om 'n spesifieke titel te bestel, kliek op die titel en vul in die getal handboeke benodig. Maak asseblief seker dat die handboeke wat u gekies het, in die korrekte taal is. 'n Onderwysersgids sal outomaties vir hierdie titel bestel word. |
| Stap 8: |
Kliek op die "Save Book Quantities"-blokkie na elke handboektitel ingesleutel is. |
| Stap 9: |
Sodra u die handboeke vir elke vak wat by u skool aangebied word, ingesleutel het, kyk na en druk u bestelling deur "CAPS Gr 4, 5, 6 Orders Captured" op die subkieslys van "Administration" te kies. |
| Stap 10: |
Wanneer u geverifieer het dat u bestelling korrek is en binne u bestelperk is, teken u bestelling af deur op "CAPS Gr 4, 5, 6 Signoff" op die "Administration"- subkieslys te kliek. |
|
| 5. |
Indien u enige probleme met die bogenoemde proses ondervind, verwys na die gebruikershandleidings op dieSOBIS en iSAMS. |
| 6. |
Die Graad 11-aanlynbestelfasiliteit op SOBIS en iSAMS sal slegs aktief wees vir die periode 1 tot 15 Augustus 2012. Skole moet seker maak dat hulle bestellings ingesleutel en afgeteken is op SOBIS en iSAMS voor 15 Augustus 2012 om nie hierdie geleentheid mis te loop nie.
|
| 7. |
Daar is tans geen handboeke vir Natuurwetenskap en Tegnologie, Xhosa Eerste Addisionele Taal en Sotho Eerste Addisionele Taal op die goedgekeurde nasionale Katalogus nie. Skole sal 'n geleentheid gegun word om vir hierdie vakke te bestel wanneer die DBO die aanvullende Nasionale Katalogus aan provinsies beskikbaar stel. |
| 8. |
Om skole by te staan met die maak van ingeligte boekkeuses, sal die WKOD, in samewerking met uitgewers, reisende boekuitstallings aanbied in uitgesoekte plekke in alle onderwysdistrikte tussen 30 Julie en 4 Augustus 2012. Waar hierdie plekke geleë is, sal aan skole deurgegee word via onderwysdistrikskantore. |
| 9. |
Die WKOD sal probeer om skole te voorsien van die handboeke van hulle keuse. Dit sal egter nie altyd moontlik wees binne ons huidige begroting nie. |
| 10. |
Daar sal van skole verwag word om gebruik te maak van 'n doeltreffende handboekbestuursplan om te verseker dat die handboeke vir ten minste vyf jaar behou kan word. |
| 11. |
Bring asseblief die inhoud van hierdie omsendbrief onder die aandag van alle betrokke personeellede. |
GETEKEN: PA VINJEVOLD
HOOF: ONDERWYS
DATUM: 2012:07:06
|
 |